ޢުމަރު ބްނުލް ޚައްޠާބުގެ ޚިލާފަތުގައި ބިންތައް ފަތަޙަވެ، މުސްލިމުންގެ ބާރުގަދަވެ،......
ޢުމަރު ބްނުލް ޚައްޠާބުގެ ޚިލާފަތުގައި ބިންތައް ފަތަޙަވެ، މުސްލިމުންގެ ބާރުގަދަވެ، އެތައް މުދާތަކެއް ލިބި ތަނަވަސްކަން ލިބިގެން ދިޔުމުން،
އެކަލޭގެފާނުގެ ޤަބީލާކަމުގައިވާ ބަނީ ޢަދިއްޔުގެ މީހުން އެކަލޭގެފާނުގެ ދަރިކަނބަލުން ޙަފްޞާގެ އަރިހަށް އައިސް ދެންނެވިއެވެ:
"ހަމަކަށަވަރުން ﷲ ތަޢާލާ މިހިރަ މުދާތައް މުސްލިމުންގެ އަތުގައި ގިނަކުރައްވާ ފަތުރުއްވައިފިއެވެ.
ނިކަން ކަމަނާގެ ބައްޕާފުޅުގެ އަރިހަށް ގޮސް، އެކަލޭގެފާނުވެސް މިއިން މިންވަރެއް ނަންގަވާ ބޭނުންކުރައްވާ، އަދި އެކަލޭގެފާނުގެ ތިމާގެ މީހުންނަށްވެސް އެއިން ފޯރުކޮށްދެއްވުމަށް އެދި ވާހަކަދައްކަވާ ބަލާށެވެ!"
ދެން ޙަފްޞާ، އެކަލޭގެފާނުގެ އަރިހަށް ވަޑައިގެން އެވާހަކަ ދެންނެވުމުން ވިދާޅުވިއެވެ:
"އޭ ދަރިފުޅާއެވެ! ހަމަކަށަވަރުން ކަނބުލޭގެ ތިޔައީ ކަނބުލޭގެގެ ޤައުމަށް އިޚްލާޞްތެރިވެފައި، އެކަމަކު ކަނބުލޭގެ ބައްޕައަށް ކެހިދިން އަންހެނެއްތާއެވެ!
ހަމަކަށަވަރުން އަހަރެންގެ ކުރިމަތިން އިސްވެދިޔަ ދެ އެކުވެރިޔަކު އަހަރެންނަށް ލިބިގެންވެއެވެ. އަހަރެން އެދެބޭކަލުންގެ މަގުގައި ހިފައިގެން ކުރިއަށް ނުގޮސްފިނަމަ، އެދެބޭކަލުންގެ މަންޒިލުގައި އެދެބޭކަލުންނާ އެކުގައި އަހަރެން ނުވެދާނޭކަމަށް ބިރުހީވެއެވެ.
ﷲ ގަންދީ ބުނަމެވެ! އެދެބޭކަލުން އުޅުއްވި ފަދަ ދަތި އުނދަގޫ ދެރަވަރު ދިރިއުޅުމުގައި އަހަރެންވެސް ބައިވެރިވާހުށީމެވެ. އެއީ ޤިޔާމަތް ދުވަހު އެދެބޭކަލުންނާ އެކުގައި ﷲ ތަޢާލާގެ އެންމެ ޚާލިޞް ނިޢުމަތްތަކުގައި ފަހަރެއްގައި އަހަރެންވެސް އެކަލާނގެ ބައިވެރިކުރައްވާފާނެކަމުގެ އުއްމީދުގައެވެ."
📖 އައްޒުހްދު ލިލްމުޢާފާ ބްނު ޢިމްރާނު 📖
