އައްޝައިޚް ޢިއްޒުއްދީން އަލް-ޤައްސާމް (ރަޙިމަހުﷲ)

"ހަމަކަށަވަރުން އަހަރެން 20 އަހަރު ދުވަހު ޢަޤީދާ އުނގެނުނީމެވެ. އަދި އަނެއް 20 އަހަރު ދުވަހު އެހެންމީހުންނަށް އެ އުނގަންނައިދީ ކިޔަވައިދިނީމެވެ.

ކޮންމެއަކަސް، ޖިހާދަށް ގޮވާލާ ފަރާތުން ގޮވާލި ހިނދު އަހަރުމެން ޢަދުއްވުންނާ ކުރިމަތިލުމަށް ދިޔައިމެވެ. އަދި ވަޒަންތަކާއި، ބޮމުގެ އަޑުތައް އިވެންފެށި ހިނދު، އަހަރެން ހަނގުރާމައަށް ބިރުން ދުވެ ފިލައިފީމެވެ.

އަމިއްލަ ނަފުސަށްޓަކައި އަހަރެން ހިތާމަކުރީމެވެ. އަހަރެން ހިތަށް އެރިއެވެ. އަހަރެން ފަދަ ބޮޑު ޢިލްމުވެރިއަކު އެންމެ ފުރަތަމަ ކުރިމަތިލުމާއެކު ހަނގުރާމައިން ފިލީ ކިހިނެތް ހެއްޔެވެ؟ މާތް ރަސްކަލާނގެއަށް އީމާންވުމާއި، ޘާބިތުކަމާއި ބެހޭގޮތުން ޤަބޫލުކުރަމުން ދިޔަ ކަންކަމާއި، މީސްތަކުންނަށް އުނގަންނައިދިން ކަންކަން ނެތިގެންގޮސް، ހިނދިގެން ދިޔައީ ކިހިނެތް ހެއްޔެވެ؟

އެހިތާމައިގެ ސަބަބުން، އަހަރެން މުޅި ރޭ ހޭދަކުރީ އިޚްލާސްތެރިކަމާއި، ޘާބިތުކަން ދެއްވާތޯ ﷲ އަށް ދުޢާ ދަންނަވާ ހާލުއެވެ. އަދި އަހަރެންނަށް ކުރެވުނު ކުށަށް ﷲ އަށް ތައުބާވީމެވެ. އެއަށްފަހު ޢަދުއްވުންނާ ދިމާލަށް އަހަރެންގެ މޫނު އަނބުރާލީމެވެ. އަދި އެބައިމީހުން އެތަނުން އެނބުރި ގޮސް، ފިލައިފުމަށް ދާންދެން އެބައިމީހުންނާ އަހަރެން އެކަނި މާއެކަނި ހަނގުރާމަކުރީމެވެ.

އެވަގުތު އަހަރެންނަށް އެނގިގެންދިޔައެވެ: ހަމަކަށަވަރުން ﷲ އާއި އަހަރެންނާއި މެދުގައިވާ ގުޅުމަކީ އަހަރެންގެ އީމާންތެރިކަމާއި ތަޤްވާވެރިކަމެވެ. އެއްވެސް ހާލެއްގައި އަހަރެންގެ ފޮތްތަކާއި، ނަގައިދިން ފިލާވަޅުތަކާއި، އަހަރެންގެ ޝަރުޢީ ޢިލްމެއް ނޫނެވެ."

- އައްޝައިޚް ޢިއްޒުއްދީން އަލް-ޤައްސާމް (ރަޙިމަހުﷲ)