ރާޒުވާ ކުޅެންތިބި ބަޔަކުގެ ކައިރިން ލާފައި ދިޔަ މީހެކެވެ. ދެން އޭނާ އެމީހުންނަށް އެކަންތައް........

🔸 އިމާމް އަޙްމަދުއާއި ސުވާލު ކުރެވުނެވެ:

'ރާޒުވާ ކުޅެންތިބި ބަޔަކުގެ ކައިރިން ލާފައި ދިޔަ މީހެކެވެ. ދެން އޭނާ އެމީހުންނަށް އެކަންތައް މަނާކުރުމުންވެސް އެމީހުން ނުހުއްޓިއެވެ. ދެން އޭނާ ރާޒުވާ ކުޅިބައި ނަގާ ހޫރާލައިފިއެވެ.'

ވިދާޅުވިއެވެ: 'އޭނާ އެހެދީ ރަނގަޅަށެވެ. އޭނާގެ މައްޗަށް އެއްވެސް ކުށެއް ނެތެވެ.'

ދެންނެވުނެވެ: 'ހަމައެގޮތަށް އޭނާ މިޔުޒިކު އާލާތެއް ނުވަތަ ބެރެއް ހަލާކުކޮށްލިޔަސް މައްސަލައެއް ނެތްތޯއެވެ؟'

ވިދާޅުވިއެވެ: ' އާނއެކެވެ.'

-މަސާއިލް އަބީ ދާވޫދު-

🔸 އިމާމް އިސްޙާޤު ބްނު ރާހަވައިހި އާއި ސުވާލު ކުރެވުނެވެ:

ޑައިސް ނުވަތަ ރާޒުވާ ކުޅެންތިބި ބަޔަކުގެ ކައިރިން ލާފައި ދާ މީހާ، އެމީހުންނާ ސަލާމްކުރުން ކިހިނެއްތޯއެވެ؟'

ވިދާޅުވިއެވެ: 'މިމީހުންނަކީ ސަލާމްކުރުން ޙައްޤު ބައެއް ނޫނެވެ. ނޫނެކެވެ. އެކަމަކު އެމީހުން ކުރަން އެތިބި ކަންތައް ބަޔާންކޮށްދޭން އޭނާ ޤަޞްދުކުރާނަމަ، އެމީހުންނާ ސަލާމްކޮށް ދެން އަމުރުކޮށް ނަހީކުރާހުށިކަމެވެ. އެފަދައިން އޭނާ ޤަޞްދު ނުކުރާނަމަ ފަހެ ސަލާމް ނުކުރާހުށިކަމެވެ.

-މަސާއިލުލް ކައުސަޖު-

🔸 ޝެއިޚުލް އިސްލާމް އިބްނު ތައިމިއްޔާ ވިދާޅުވިއެވެ:

"އަބޫ ޙަނީފާއާއި އިމާމް އަޙްމަދުއާއި އެހެނިހެން ބޭކަލުން ވިދާޅުވާ ގޮތުގައި: ރާޒުވާ ކުޅެން އިންނަ މީހަކަށް ސަލާމް ނުކުރާހުށިކަމެވެ. އެއީ އޭނާ އުރެދުންތެރިކަން ފާޅުކޮށްގެންވާތީއެވެ."

-މަޖްމޫޢުލް ފަތާވާ-