ނިޔާވާ މުއުމިނުންގެ ކުޑަކުދިން ވަނީ ޖަންނަތުގެ ފަރުބަދައެއްގައެވެ.
އަބޫހުރައިރާ ރަޟިޔަﷲ ޢަންހުގެ ކިބައިން ރިވާވެގެން ވެއެވެ. ރަސޫލާ ﷺ ޙަދީޘްކުރެއްވިއެވެ.:
((މުއުމިނުންގެ ކުޑަކުދިން (އެބަހީ ޅައުމުރުގައި މަރުވާ ކުދިން) ވަނީ ޖަންނަތުގެ ފަރުބަދައެއްގައެވެ. އެކުދިންގެ ކަންތައްތައް ބަލަހައްޓަވަނީ އިބްރާހީމްގެފާނާއި، ސާރާގެފާނެވެ. ޤިޔާމަތްދުވަހު އެކުދިންގެ މައިންބަފައިންނަށް ރައްދުކުރެވިއްޖައުމަށް ދާންދެނެވެ.))
(ޞަޙީޙުލް ޖާމިޢު، އިމާމް އަލްބާނީ ރަޙިމަހުﷲ)
ދަންނާށެވެ! މިއަދު ޣައްޒާއިން އެތައްހާސް ކުޑަކުދިންނެއް ޝަހީދުވެގެން ގޮސްފައިވާއިރު އެއީ އޭގެ ބޭރުފުށުގައި ހިތާމައެއްހެން ސިފަވިނަމަވެސް އެކުދިންގެ މައިންބަފައިންނަށް ދުނިޔެމަތީގައިވާ ބިޝާރަތެކެވެ. އެތުއްތުދަރިން އެކުދިންގެ މައިންބަފައިން ޖަންނަތަށް ގެންދިޔުމަށް ޝަފާޢަތްތެރިވުމުގެ ވަގުތުގެ އިންތިޒާރުގައި އެންމެ ހެޔޮވެގެންވާ ބައްޕަގެ އަރިހުގައި ދެމިތިބެއެވެ.
ނަމަވެސް ހިތާމަހުރީ އަޅުގަނޑުމެންނަށެވެ. މިޤައުމުގައި ކުޑަކުދިން ގެންދަނީ ޖެންޑާއޭ ކިޔުނު ހަލާކުގެ ހާއްޔަކަށެވެ. އެތާނގައި އެކުދިންނަށް ދީނާއި ރައްބުވެސް ވަކިކުރަން ނޭނގޭވަރަށް މަގުފުރައްދަނީއެވެ. ވިޔާނުދާ އެންމެހާ ޢަމަލެއްގެ މަރުކަޒަކަށެވެ.
