މިއަދު އަޅުގަނޑުމެންގެ ދޫތަކުން ބުނެވޭ ކަހަލައެވެ.
މިއަދު އަޅުގަނޑުމެންގެ ދޫތަކުން ބުނެވޭ ކަހަލައެވެ. ސުބްޙާނަﷲ އެވެ. ފަލަޞްތީނާއި، ސޫރިޔާގެ މުސްލިމުންނަށް މިހާބޮޑު އަނިޔާއެއް ލިބެމުން މިދަނީ ކީއްވެ ހެއްޔެވެ؟ ބިންހެލުމެވެ. ޙިސޯރުވުމެވެ. ކެމިކަލް ހަތިޔާރުގެ ޙަމަލާތަކާއި، ޢިމާރާތްތައް ސުންނާފަތިވުމެވެ. ރައްތައް ފަނާވުމާއި، ޤަތުލްޢާންމެވެ.
އެހެނަސް މިއަދު އަޅުގަނޑުމެން ބުނުން ރަނގަޅު ގޮތަކީ، ސުބްޙާނަﷲ އެވެ. ޝާމުގެ އަހުލުން ދައްކަމުން އެދަނީ ކޮންފަދަ މަތިވެރި އީމާނެއް ހެއްޔެވެ؟ ޘާބިތުކަމާއެކީ މަރާ ކުރިމަތިލަނީއެވެ. ޢަދުއްވުންގެ ކުރިމަތީ ދެގޮތެއް ނުވެ ތައުޙީދުގެ ކަލިމަކިޔައި، އެކަލިމައިގެ ދިފާޢުގައިވާ ޙާލު ޢާއިލާތައް އެކީ ޤަތުލްވެ ޝަހީދުވެގެން ދަނީއެވެ. ނަމަވެސް ކާފިރުންނަށް ދޫދިނުމެއް އަދި އެމީހުންގެ ކުރިމަތީ ކުޑަވުމެއް ނެތިއެވެ.
މާތް ނަބިއްޔާ ﷺ ގެ ޙަދީޘްބަސްފުޅުގައި ވާ ފަދައިންނެވެ.
((ދަންނާށެވެ. އަދި ހަމަކަށަވަރުން ފިތުނަތައް އަންނަހިނދު އީމާންކަން ވަނީ ޝާމުގައެވެ.))
(އިމާމް އަލްބާނީ، ޞަޙީޙުއްތަރްޣީބް / ޙަދީޘްގެ ޙުކުމް : ޞައްޙަ)
