ޚަވާރިޖުންގެ ބޮޑެއް އަދި ޅެންވެރިއެއްކަމުގައިވާ ޢިމްރާނު ބްނު ޙިއްޠާނު.
ޢިމްރާނު ފުރަތަމަވީ އަހްލުއްސުންނާގެ ޢަޤީދާގެ މަތީގައިއެވެ. އެހެން ހުއްޓާ މީނާގެ ބޮޑުބޭބެގެ އަންހެން ދަރިޔަކު ޚަވާރިޖުންގެ ޢަޤީދާ ޤަބޫލުކޮށް އެ ފިކުރުގެ ތެރެއަށް ވަނެވެ.
ދެން ޢިމްރާނު ނިންމީ އެކަނބުލޭގެ އަނބުރާ ޙައްޤު މަގަށް ގެނެސް، ޚަވާރިޖު ފިކުރުން ދުރުކުރުމަށްޓަކައި އެކަނބުލޭގެއާއި ކައިވެނި ކުރާށެވެ.
ޢިމްރާނު އެއަންހެނާއާއި ކައިވެނިކުރިތަނާ އެއަންހެނާގެ ރީތިކަން ފެނިފަ އާޝޯޚުވެއްޖެއެވެ. އަނެއްކޮޅުން ޢިމްރާނުއަކީ ޞިފަ ހުތުރު، ކިފަޅު މީހެކެވެ.
ދެން ކަންވީގޮތަކީ: ޚަވާރިޖުންގެ ޢަޤީދާއިން އެއަންހެނާ ސަލާމަތްކުރުމުގެ ބަދަލުގައި ޢިމްރާނުވެސް އޭގެ ތެރެއަށް ގެނބުނީއެވެ.
ޢިމްރާނުގެ ކަންތައް ދިޔަ ހިސާބަކީ: ޢަލީ ބްނު އަބީ ޠާލިބު رضي الله عنه ގެ ހަށިކޮޅަށް ޚަންޖަރު ހަރާ ޤަތުލުކުރި ޚަވާރިޖުންގެ ބޮޑު ޢަބްދުއްރަޙްމާނު ބްނު މުލްޖިމުއަށް ޢިމްރާނު ޘަނާކިޔާ، އޭނާއަކީ ތަޤްވާވެރިއެއްކަމުގައި، އަދި އޭނާ އެކުރި ޢަމަލަކީ ﷲ ގެ ރުއްސެވުން ލިބޭ މަތިވެރި ޢަމަލެއްކަމުގައި ޞިފަކޮށް ޅެންވެސް ކިއެވެ.
📖 ތަހްޛީބުލް ކަމާލް 📖
