ކަނުއަނދިރިކަން ވެރިވެފައިވާ ޣައްޒާއަށް ކޮންމެރެޔަކުހެން....
ކަނުއަނދިރިކަން ވެރިވެފައިވާ ޣައްޒާއަށް ކޮންމެރެޔަކުހެން އަލިކޮށްލަނީ، މިފަދަ މިސައިލެއްގެ ގޮވުންގަނޑަކުންނެވެ. އެތަކެއް ޅަދަރިންނާއި، ޢާއިލާތައް ޝަހީދުކޮށްލާފައެވެ. ނަމަވެސް މާދަމާ މިހުރިހާ ކަމެއް އުއްމަތުގެ ފަރުދުންތައް ހަނދާންނައްތާލާފައި ކުރީގެ ޙަޔާތައް ދާދިއަވަހަށް ރުޖޫޢަވެދެއެވެ.
ނަމަވެސް ޣައްޒާގެ ކުޑަކުޑަ ދަރިފުޅުގެ މުޅި ޙަޔާތްވޭތުކުރަނީ ބައްޕަ ކޮބައިހެއްޔެވެ؟ ކޮއްކޮއަށް ބައްޕައާ ބައްދަލު ނުވަނީ ކީއްވެހެއްޔެވެ؟ މަންމަ ކޮބައި ހެއްޔެވެ؟ މަންމަގެ އަތުގަ ހިފައިގެން ގޭދޮށުގައި ހިނގާލާހިިތްވެއެވެ.
ގެޔަށް ބަލާލައިފިނަމަ ފެނިގެންދަނީ ފުރޭންޏެހެން ބާގަނޑުތައް ހެދިފައިވާ ފާރުތަކެވެ. ބިތްތައް ވެއްޓި ޝީޓްތައް މުގުރިފައިވާ ގެއެވެ. ޣައްޒާގެ ފާރުތައް ވަނީ ހަނގުރާމައިގެ ނިޝާންތަކުން ފުރިފައެވެ. ޢިމާރާތްތަކުގައި ވަނީ ކުށެއްނެތް އެތައް މުސްލިމެއްގެ ލޭގެ ނިޝާންތަކެވެ.
ވީއިރު ޣައްޒާގެ އެތުއްތު ކުދިންތައް މިއަނިޔާވެރިކަން ހަނދާންނައްތާލާނީ ކިހިނެއް ހެއްޔެވެ؟ އޭ އުއްމަތުގެ ޒުވާނުންނޭވެ. ތިޔަބައިމީހުނީ މާދަމާ ޣައްޒާގެ ޚާއިނުންކަމުގައި ނުވުމަށް މިއަދު ޢަޒުމްކަނޑައަޅާށެވެ.
