ކައިވެނި ކުރުމާއި ޖާރިޔާއިން ގެންގުޅުން ގިނަ ކޮށްފި މީހާ ވާނީ ތަޢުރީފު ކުރެވޭ މީހަކަށެވެ.
އިބްނުލް ޖައުޒީގެ ބަހެއް:
"ކައިވެނި ކުރުމާއި ޖާރިޔާއިން ގެންގުޅުން ގިނަ ކޮށްފި މީހާ ވާނީ ތަޢުރީފު ކުރެވޭ މީހަކަށެވެ. މަލާމާތްކުރެވި ކުށްވެރި ކުރެވޭ މީހަކަށް އޭނާ ނުވާނެއެވެ.
ފަހެ ހަމަކަށަވަރުން ނަބިއްޔާ صلى الله عليه وسلم އަށްވެސް އެތަކެއް އަނބިންނާއި ޖާރިޔާއިން ލިބިގެންވިއެވެ. އަދި ގިނަ ޞަޙާބިންވަނީ އެކަންތަކުގައި އިތުރު ކުރެއްވުމުގެ މަތީގައިއެވެ.
ޢަލީ ބްނު އަބީ ޠާލިބު رضي الله عنه އަށް ހަތަރު އަނބިންނާއި، 17 އަޅު އަންހެނުން ލިބިގެންވިއެވެ. އަދި އެކަލޭގެފާނުގެ ދަރިކަލުން ޙަސަނު رضي الله عنه 400 އެއްހާ އަންހެން ކަނބަލުންނާއި ކައިވެނި ކުރެއްވިއެވެ.
ފަހެ ދަރިން ހޯދުމުގެ ނިޔަތުގައި ކައިވެނި ކުރަން އުޅުމަކީ އަޅުކަމުގެ އިންތިހާ މަތީ ދަރަޖައެކެވެ. އަދި އަރާމާއި ލައްޛަތު ހޯދުމަށް ކައިވެނި ކުރަން އުޅުނަސް ފަހެ އެއީ ހުއްދަ ކަމެކެވެ. އޭގެ ދަށަށްވެސް އަޅުކަމުގެ ނުގުނޭހާ ގިނަ ވައްތަރުތައް ވަދެއެވެ. އަމިއްލަ ނަފްސާއި އަނބިމީހާ ޢިއްފަތްތެރިކޮށްދިނުމާއި އެނޫން ކަންކަންވެސްމެއެވެ.
އަދި މޫސާ عليه السلام އެކަލޭގެފާނުގެ ޝަރަފުވެރި ޢުމުރުފުޅުން 10 އަހަރު، ޝުޢައިބުގެފާނުގެ ދަރިކަނބަލުންގެ ރަނުގެ ގޮތުގައި ހޭދަކުރެއްވިއެވެ. ފަހެ ކައިވެނިކުރުން އެންމެ މޮޅުއިތުރު ކަންތައްތަކުގެ ތެރެއިން ނުވާނަމަ، ނަބީބޭކަލުންގެ ޢުމުރުގެ ގިނަ ދުވަސްތަކެއް އެކަމުގައި ނުދިޔައީހެވެ. އިބްނު ޢައްބާސް رضي الله عنهما ވިދާޅުވިއެވެ: "މިއުންމަތުގެ އެންމެ ހެޔޮވެގެންވަނީ، އެންމެ އަންހެނުން ގިނަ މީހާއެވެ."
އެކަލޭގެފާނުގެ އެއް ޖާރިޔާއާއި ޖިމާޢުވެފައި، އަނެއް ޖާރިޔާ (ގެ ގާތަށް ވަޑައިގަންނަވާ ޖިމާޢުވެ) އިންޒާލު ކުރައްވައެވެ. "
📖 ޞައިދުލް ޚާޠިރު 📖
