އިބްނުލް ޤައްޔިމުގެ ތަރުބަވީ ބަސްފުޅުތައް-8
"ކަންނެތްކަމާއި، ކަމެއްނެތި ހުސްވެހުރުމާއި، އަރާމުކުރުމާއި، ބަރުހެލިކަމާއި ބިތްޖެހުމުން ކުއްޖާ އެއްކިބާކުރާހުށިކަމެވެ. އަދި ކިއެއްތަ، އެކަންތަކުގެ އިދިކޮޅަށް އެކުއްޖާ ތަރުބިއްޔަތު ކުރުވާށެވެ. އެކުއްޖާގެ ނަފްސާއި ހަށިގަނޑު އަވަދިނެތިއުޅުމަށްޓަކައި ގައިގައި ވަރުޖައްސާލާ މިންވަރަށް މެނުވީ އަރާމުކުރިޔަ ނުދޭހުށިކަމެވެ.
ފަހެ ބަރުހެލިކަމާއި، ކަމެއްނެތި ހުސްކޮށްހުރުމުގައި ނުބައިވެގެންވާ ނަތީޖާއާއި، ހިތްދަތި ނިމުންތަކެއްވެއެވެ. އަދި މުރާލިކަމާއި ހީވާގިކަމާއި، ވަރުބަލިވުމުގައި ޙަމްދު ލިބިގެންވާ ހެޔޮ ނަތީޖާތައްވެއެވެ. ދުނިޔޭގައިއެވެ. ނުވަތަ އާޚިރަތުގައިއެވެ. ނުވަތަ އެދެތަނުގައިވެސްމެއެވެ.
ފަހެ މީސްތަކުންގެ ތެރެއިން އެންމެ ލައްޒަތާއި އަރާމުގައިވާ މީހަކީ އެންމެ ވަރުބަލިކޮށް އުޅޭ މީހާއެވެ. އަދި މީސްތަކުންގެ ތެރެއިން އެންމެ ވަރުބަލިމީހަކީ އެންމެ އަރާމުގައި އުޅޭ މީހާއެވެ. ފަހެ ވަރުބަލިކަމާއި އަވަދިވުމުގެ ފާލަމުގެ މަތިން މެނުވީ ދުނިޔޭގެ ސިޔާދަތާއި، އާޚިރަތުގެ ބާއްޖަވެރިކަމަށް ނުފޯރާހުއްޓެވެ. ޔަޙްޔާ ބްނު އަބީ ކަޘީރު ވިދާޅުވިއެވެ: 'ހަށިގަނޑު އަރާމުގައި ބަހައްޓައިގެން ޢިލްމު ޙާޞިލެއް ނުކުރެވޭނެއެވެ.'
އަދި ކުއްޖާ ރޭގަނޑުގެ ފަހުކޮޅުގައި ހޭލެއްވުމަށް ޢާދަކުރުވާށެވެ. އެހެނީ އެއީ ޣަނީމާތައް ބަހާލެވޭ، އިނާމުތައް ބަހައިލެވޭ ވަޤުތެވެ. އެވަޤުތުގައިވަނީ މަދުއެއްޗެއް މެނުވީ ނުހޯދާ މީހާއާއި، ގިނައިން ހޯދައިގަންނަ މީހާއާއި، އަދި އެއްޗެއް ނުލިބި މަޙްރޫމްވާ މީހާއެވެ. ޅައިރު އެކަމުގެ މައްޗަށް ޢާދަވެފައިވާނަމަ ބޮޑުވުމަށްފަހު އެކަން ފަސޭހަވެގެންދެއެވެ."
📖 ތުޙްފަތުލް މައުދޫދު 📖
