އިބްނުލް ޤައްޔިމުގެ ތަރުބަވީ ބަސްފުޅުތައް-5
"ކުޑަކުދިންނާއިމެދު ހެދޭ ގޯސްތަކުގެ ތެރޭގައި: އެކުދިން ބަނޑުފުރައި ކާން ދޫކޮށްލާ، ކެއުމާއި ބުއިން ގިނަކުރިޔަދިނުންވެއެވެ.
އެންމެ ފައިދާ ބޮޑުގޮތަކީ: ކުދިން ބަނޑުނުފުރޭ ވަރަށް ކާންދިނުމެވެ. އެއީ އެކުދިންގެ ހަޖަމުކުރާބައި ރަނގަޅުވެ، ހަށިގަނޑުގެ ދިޔަތައް މެދުމިނަކަށް އެޅި، އަދި އެކުދިންގެ ހަށިގަނޑުތަކުގައި އިތުރުވެ ބޭކާރުވާ ބައި މަދުވެގެންދިޔުމަށެވެ.
އަދި ހަމައެއާއިއެކު ކާބޯތަކެތީގައި ހުންނަ އިތުރުވާބައި މަދުކޮށްލުމުގެ ސަބަބުން އެކުދިންގެ ހަށިތައް ދުޅަހެޔޮވެ، ބަލިޖެހުން މަދުވެގެންދާނެއެވެ.
ބައެއް ޑޮކްޓަރުން ބުނެފައިވެއެވެ: 'މިވެނި އެވެނި ބަޔަކަށް އަހަރެން ތަޢުރީފުކުރަމެވެ. އެމީހުންގެ ޅަކުދިންނަށް ބަނޑު ނުފުރޭ ވަރަށް މެނުވީ ކާން ނުދެއެވެ. އެކަމުގެ ސަބަބުން އެކުދިންގެ އިސްކޮޅު ދިގުވެ، ހަށިތައް ދުޅަހެޔޮވެއެވެ. އަދި އެނޫން މީހުންނަށް ޖެހޭ އައްސިބައްޔާއި، ހިތާއި މޭގެ ރިހުމާއި އެނޫން އެފަދަ ބަލިތައް އެމީހުންގެ ތެރޭގައި މަދުވެގެންދެއެވެ.'
އެހެންކަމުން ކުއްޖާގެ ހަށިގަނޑު ރަނގަޅުވެ، އިސްކޮޅުން ހެޔޮވަރުވެ، ބުރަކަށި ގުދުނުލާ ހުންނަން ތިބާ އެދޭނަމަ:, ފަހެ ބަނޑުފުރާ ކެއުން ގިނަކުރުމުން އެކުއްޖާ މަނާކުރާށެވެ. އެހެނީ ކުއްޖާ ބަނޑުފުރައި ކައިފިނަމަ، އަރާމުކޮށް ނިދުނުން ގިނަކުރެއެވެ. އަދި ކުއްޖާގެ ބަނޑުފުފި، ގަދައަށް ވައިހެދުމަށް ހުށަހެޅެއެވެ."
📖 ތުޙްފަތުލް މައުދޫދު 📖
