އިބްނުލް ޤައްޔިމުގެ ތަރުބަވީ ބަސްފުޅުތައް-2
"ކުއްޖާ އުފަންވުމަށްފަހު ދެތިން ދުވަސްވަންދެން ކުއްޖާގެ މައިމީހާ ފިޔަވައި އެހެން މީހަކު ކިރުން ދިނުން ހުއްޓެވެ.
އެއީ އެންމެ މޮޅު ގޮތެވެ. އެއީ އެވަޤުތުގައި މަންމަގެ ކިރުގައިވާ އޮލަކަމާއި މަސްހުނިކަމަށްޓަކައިއެވެ. ކިރުދިނުމަށް އިސްތިޤުރާރުވެގެންވާ އަންހެނަކާ ޚިލާފަށެވެ.
އަދި ހުރިހާ ޢަރަބިންވެސް އެކަމަށް ސަމާލުކަންދެއެވެ. އެގޮތުން އެމީހުންގެ ދަރިން، ބާދިޔާގެ ރަށްފުށުގެ އަންހެނުން ލައްވާ ކިރުދެއެވެ. އެއީ ނަބިއްޔާ صلى الله عليه وسلم ވެސް ބަނީ ސަޢުދު ވަންހާގައި ކިރުދެއްވުނު ގޮތަށެވެ.
އަދި ކުއްޖާއަށް ތިން މަސް ވަންދެން، ކުއްޖާ އުފުލައި، އުރައިގެން ހިނގައި އުޅުން މަނާކުރަން ޖެހެއެވެ. އެއީ މަންމަގެ ބަނޑުން ނިކުތް ދުވަސް ކައިރިވެގެންވާތީ އަދި އެކުދިންގެ ހަށިތައްވެސް ބަލިކަށިގެންވާތީއެވެ.
އަދި ދަތްފަޅައިފުމަށް ދާންދެން ހަމައެކަނި ގާތުން ދޭ ކިރަށް ބަރޯސާވުން ހުއްޓެވެ. އެއީ އެކުދިންގެ މައިދާތައް ބަލިކަށިވެ، ކާނާ ހަޖަމުކުރުމުގެ ބައި ދަށްވެގެންވާތީއެވެ. ދެން ކުއްޖާގެ ދަތް ފަޅާހިނދު، އެކުއްޖާގެ މައިދާވެސް ވަރުގަދަވެއެވެ. އަދި އެހިނދުން ކާއެއްޗެހި ކެވޭނެއެވެ.
ފަހެ ހަމަކަށަވަރުން ﷲ ތަޢާލާ ކުއްޖާގެ ދަތް ފެޅުންވަނީ، ކާނާއަށް ބޭނުންޖެހޭ ޢުމުރަށް ލަސް ކުރައްވާފައިއެވެ. އެއީ އެކަލާނގެ ޙިކުމަތްފުޅުން އަދި އޯގާވަންތަކަމުންނެވެ. އަދި މަންމައަށްވެސްވާ ރަޙްމަތަކަށްޓަކައިއެވެ. އެއީ ގާތުން ދޭއިރު ކުއްޖާގެ ދަތްތަކުން ދަތް އެޅިޔަ ނުދިޔުމަށެވެ. "
📖 ތުޙްފަތުލް މައުދޫދު 📖
