އިބްނުލް ޤައްޔިމުގެ ތަރުބަވީ ބަސްފުޅުތައް-1
އިބްނުލް ޤައްޔިމު ވިދާޅުވިއެވެ:
"ދަރިފުޅަށް މަންފާކުރާނޭ ތަކެތި ދަސްކޮށްދިނުމާއިމެދު އިހްމާލުވެ، އަދި ބޭކާރު ގޮތުގައި އުޅެން އެކުއްޖާ ދޫކޮށްލައިފި މީހާ، ފަހެ އެކުއްޖާއަށް އިންތިހާއަށް ނުބައިކޮށް ހިތައިފިއެވެ.
އަދި ގިނަ ދަރިން ފަސާދަވެގެން ދަނީ އެކުދިންގެ މައިންބަފައިންގެ ސަބަބުންނެވެ.
އެއީ އެކުދިންނަށް އިހްމާލުވެ، އަދި ދީނުގެ ފަރުޟުތަކާއި ސުންނަތްތައް އެކުދިންނަށް އުނގަންނައިދިނުން ދޫކޮށްލުމުންނެވެ.
ޅައިރުގައި އެކުދިންނަށް އިހްމާލުވެ ނަގައިލިއެވެ. ދެން އެކުދިންގެ އަމިއްލަ ނަފްސުތަކަށް މަންފާއެއް ނުކޮށްދެވި، އަދި ބޮޑުވެގެން މައިންބަފައިންނަށް ވެސް ފައިދާއެއް ނުކޮށްދިނެވެ."
📖 ތުޙްފަތުލް މައުދޫދު 📖
