ޣަައްޒާގެ ނަޞްރާއިމެދު ތިބާ ޝައްކު ނުކުރާށެވެ.
{ وَمَا جَعَلَهُ ٱللَّهُ إِلَّا بُشۡرَىٰ لَكُمۡ وَلِتَطۡمَىِٕنَّ قُلُوبُكُم بِهِۦۗ }
އަދި، ތިޔަބައިމީހުންނަށް (نصر ލިބޭނެކަމުގެ) އުފާވެރި خبر އެއް ކަމުގައްޔާއި، އަދި އެކަމުގެ ސަބަބުން ތިޔަބައިމީހުންގެ ހިތްތައް ހަމަޖެހުމަށްޓަކައި މެނުވީ، اللَّه އެކަންތަކެއް ނުލައްވަތެވެ.
[ސޫރަތު އާލް ޢިމްރާން : 126]
🔘 މޫސާގެފާނުގެ ޢަސާކޮޅު ވެގެންދިޔައީ 3 ކަމެއްގެ ސަބަބަކަށެވެ.
- ފިރުޢައުނުގެ ސިޙުރުވެރިން އިސްލާމްވުން
- ހިލަފަރުބަދައިގެ ތެރެއިން ފެންއާރު ނެރުއްވުން (ބަނޫއިސްރާއިލުން ފެނައްޖެހުނު ހިނދު)
- ކަނޑު ދެފަޅިވެ ހިކިފަސްމަގެއް ބަނޫއިސްރާއީލުންނަށް ދައްކަވައި ، ފިރުއައުނުގެ ކިބައިން މިންޖުކުރެއްވުން .
🔘 ޔޫސުފްގެ ފާނުގެ ޤަމީސްކޮޅު ވެގެން ދިޔައީ 3 ކަމެއްގެ ސަބަބެއްކަމުގައެވެ.
- ޔޫސުފްގެ ފާނުގެ އަޚުން ޔަޢުގޫބުފާނަށް ހެދި ދޮގު ހާމަވުން
- މިޞްރުގެ ޢަޒީޒުގެ އަންހެނުންގެ ކިބައިން ޔޫސުފްގެފާނު މިންޖުވުން .
- ޔަޢުޤޫބުގެފާނުގެ ލޮލުގެ ފެނުން އަނބުރާ ރައްދުކޮށްދެއްވުން
سبحان الله ، އެއިލާހު ތިބާއަށް ނަޞްރުދެެއްވުމަށް ކަނޑައަޅުއްވައިފިނަމަ ތިބާއަށް އެންމެ އާދައިގެ އެއްޗެހިންވެސް ނަޞްރުދެއްވައެވެ. ފަހެ ތިބާ ބަރޯސާވާންވީ އެއިލާހަށެވެ. ސަބަބުތަކަށް ނޫނެވެ.
[ ޝެއިޚް އަބޫޚާލިދް އައްޝާދީ ޙަފިޡަހުﷲ ]
އޭލޮބުވެތި އިސްލާމީ އުއްމަތެވެ . ޣަައްޒާގެ ނަޞްރާއިމެދު ތިބާ ޝައްކު ނުކުރާށެވެ. އަދި މާޔޫސްނުވާށެވެ . އަދި ޣައްޒާއާއި މަސްޖިދުލް އަޤްޞާއަށް ނަސްރުދިނުމުގައި ކުރިއަށްދާށެވެ. ހަމަކަށަވަރުން އިސްލާމީ އުއްމަތުގެ ނަޞްރު ވަރަށްގާތްވެއްޖެއެވެ. ﷲ ތަޢާލާ އެއިލާހުގެ އައުލިޔާއިން ހީވެސް ނުކުރާގޮތްގޮތުން މިންޖުކުރައްވައި ނަޞްރުދެއްވައެވެ. އަދި އެއިލާހުގެ ދީނުގެ ޢަދުއްވުން ހީވެސްނުކުރާ ގޮތްގޮތުން ހަލާކުކުރައްވައި ނެތިކުރައްވައެވެ.
