އޭ މުޖުރިމުންނެވެ. ކަލޭމެން އުޒުރު ނުދައްކާށެވެ.
• •
ޣައްޒާގެ މުސްލިމުންނަށް އެންމެހައި ގޮތްގޮތުން އަނިޔާވެރިވާ މުޖުރިމުންނަށް ތަބަޢަވެގެން ތިބި އަދި ކުޅަދާނަކަން ލިބިމެ މުސްލިމުންނަށް އެހީވުމަށް މަނާވެވިގެން ތިބި މީސްތަކުންނޭވެ! ކަލޭމެން އެބައިމީހުންގެ ކުރިމަތީ ކުަޑަކަކޫ ޖަހާ އަމިއްލަޔަށް ބަލިކަށިވެގަނެގެން ތިބުމަކުން ކަލޭމެންނަށް ކުރާނެ އެއްވެސް މަންފާއެއްނެތެވެ.
ﷲ ސުބްޙާނަހޫ ވަތަޢާލާ ވަހީ ކުރެއްވި ބަސްފުޅެއްގެ މާނާގައިވެއެވެ.
"އަދި އެ އެންމެން އެކީ ކައްވަޅުތަކުން ނުކުމެގެން ﷲ تعالى ގެ حضرة އަށް ފާޅުވާނެއެވެ. محشر ގެ ميدان އަށް ހުސްބިމަށް ޖަމާވާނެއެވެ. ދެންފަހެ ދުނިޔޭގައި އުޅުނުއިރު ބޮޑާވެ ކިބުރުވެރިވީ މަތީމީހުންނާ تبع ވެގެންއުޅުނު ދެރަނިކަމެތިން އެމީހުންނަށް ބުނާނެއެވެ. (ދުނިޔޭގައި) އަހުރެމެންވީ ކަލޭމެނާ تبع ވެގެންވާ ބަޔަކުކަމުގައެވެ. (ކަލޭމެން ބުނިހާކަމެއް އަހުރެމެން ކުރީމެވެ.) ފަހެ ﷲ ގެ عذاب ގެތެރެއިން އެއްވެސް މިންވަރެއް އަހުރެމެންގެ ކިބައިން ކަލޭމެން دفاع ކޮށްދޭނޫހެއްޔެވެ؟ ދުރުކޮށްދޭށެވެ..."
(އިބްރާހިމް: 21)
ﷲ ތަޢާލާ އެބައިމީހުން ސިފަ ކުރައްވާފައިވަނީ ދެރަނިކަމެތިންގެ ގޮތުގައެވެ. އަދި ކިއެއްހެއްޔެވެ. ޙަޤީޤަތުގައި ވެސް އެބައިމީހުންނީ ނިކަމެތިންނެވެ. އެހެންނަމަވެސް، މިނިކަމެތިކަމަކީ މުސްލިމުންނަށް އަނިޔާވެރިވުމާއި، އެބައިމީހުން ޤަތުލުކުރުމަށް މުޖުރިމުންނަށް އެހީތެރިވުމުގައި އުޒުރުދެއްކޭނެ ކަމެއް ނޫނެވެ. އަދި ކިއެއް، މިފަދައިން ކަންކޮށްގެން ކަލޭމެން ވެސް ތިޔަ ވަނީ މިޖަރީމާގައި ބައިވެރިވެފައެވެ.
ކަލޭމެންގެ ނަފުސުތަކަކީ ޣައްޒާގެ މުސްލިމުންގެ ފުރާނަތަކަށް ވުރެ ވަކިން އަގުހުރި ފުރާނަތަކެއް ނޫނެވެ. ވުމާއެކު، ކަލޭމެންނަށް މަޖުބޫރު ކުރެވިފައި ކަމުގައި އުޒުރު ނުދައްކާށެވެ! އެހެނެއްކަމަކަު، ކަލޭމެންނީ މުޖުރިމުންނެވެ. އަދި ޤިޔާމަތްދުވަހުން ﷲ ގެ ޙަޟްރަތުން ލިބިގެންދާ ޢަޛާބުން މިންޖުކޮށްދޭނޭ ބައެއްގެ ގޮތުގައި ކަލޭމެން ތަބާވެގެން އުޅޭ ބޮޑުން ނުވާނެކަން ދަންނާށެވެ!
އައް-ދުކްތޫރު ޢިޔާދު ޤުނައިބީ -حفظه الله-
• • •
