އެކަލާނގެއީ ތިޔަބައިމީހުންކުރެ ޢަމަލުގައި އެންމެ ރަނގަޅީ ކާކުތޯ امتحان ކުރެއްވުމަށްޓަކައި،.....
﴿އެކަލާނގެއީ ތިޔަބައިމީހުންކުރެ ޢަމަލުގައި އެންމެ ރަނގަޅީ ކާކުތޯ امتحان ކުރެއްވުމަށްޓަކައި، މަރުވުމާއި، ދިރިހުރުން، އުފެއްދެވި ރަސްކަލާނގެއެވެ. އަދި އެކަލާނގެއީ، عزيز ވަންތަ، ގިނަގިނައިން ފާފަފުއްސަވާ ރަސްކަލާނގެއެވެ.﴾
(ސޫރަތުލްމުލްކް، 2)
އޭ މުސްލިމް އަޅާއެވެ. ﷲ ތަޢާލާ އަހަރެމެންނަށް ލެއްވި މަޤްޞަދަކީ އެއިލާހަށް އަޅުކަންކުރުމެވެ. އެއީ އަހަރެމެންގެ ޢަމަލެވެ. ކޮންމެ ޙާލަތެއްގައިވެސް އޭނާ ﷲ އަށް އަޅުވެތިވާ މިންވަރު ޓެސްޓްކުރެވެމުން ދެއެވެ. އަދި މީގައިވެސް އެންމެ ވަރުގަދަ އެއް އިމްތިޙާނަކީ ތިބާގެ މަހާކަށިން ، ތިބާގެ ލެއިން އުފެދިގެންއަންނަ ލޯބި ލޯބި ދަރިފުޅެވެ. އެދަރިއަކަށްޓަކައި އެތައް އުއްމީދަކާ ތައްޔާރީއެއްވަމުންދާ ދަރިފުޅެވެ. ދެން ފަހެ ޣައްޒާފަދަ ޙާލަތެއް އައިސް ﷲ ތަޢާލާ އެދަރި ނަންގަވައިފި ނަމަ ތިބާއަށް ޣައްޒާގެ އެ މުޖާހިދުންތައް ދައްކަމުންދާފާދަ ރިވެތި ކެތްތެރިކަމެއް ދެއްކޭނެތޯއެވެ. ޣައްޒާގެ އަޚުން ބުނަމުންދެއެވެ. ((އޭ ﷲ އެވެ. އިބައިލާހު ރުއްސަވަންދެން އަހަރެމެންގެ ކިބައިން ނަންގަވާށެވެ. ފަރުވާލެއް ނެތެވެ.)) ކޮންފަދަ ރިވެތި އީމާނުންފުރިގެންވާ ޢިބާރާތް ކޮޅެއްހެއްޔެވެ.
