އެއްދުވަހަކު އަހަރެންނާއި އިމާމް އަޙްމަދުއާއި ބައްދަލުވިއެވެ.
އަބޫ ޘާބިތު އަލްޚައްޠާބު ވިދާޅުވިއެވެ:
"އެއްދުވަހަކު އަހަރެންނާއި އިމާމް އަޙްމަދުއާއި ބައްދަލުވިއެވެ.
ދެން އެކަލޭގެފާނު އެއްސެވިއެވެ: 'އޭ އަބޫ ޘާބިތެވެ! ކޮންތާކުން ހެއްޔެވެ؟'
އަހަރެން ދެންނެވީމެވެ: 'އަބޫ ސުލައިމާނު އަލްޖައުޒުޖާނީއަށް ގޮދަންފުށްކޮޅެއް ގަނެދޭންވެގެންނެވެ.'
އެހިނދު ވިދާޅުވިއެވެ: 'އަބޫ ސުލައިމާނަށް ގޮދަންފުށް ގަނެދެނީހެއްޔެވެ!؟'
އަހަރެން ދަންނަވައިފީމެވެ: 'މައްސަލައަކީ ކޮބައިތޯއެވެ؟'
އިމާމް އަޙްމަދު ވިދާޅުވިއެވެ: 'ހުއްދަވެގެން ނުވެއެވެ! '
އަހަރެން ބުނެފީމެވެ: 'އޭ އަބޫ ޢަބްދުﷲ އެވެ! ކޮންކަމަކާތޯއެވެ؟'
ވިދާޅުވިއެވެ: 'ހުއްދައެއް ނުވާނެއެވެ!
ﷲ ގެ ރަސޫލާ صلى الله عليه وسلم ގެ ޙަދީޘްތައް ރައްދުކުރާ މީހަކަށް ކަލޭ ފުށް ގަނެދޭންވީހެއްޔެވެ!؟؟"
-އަލްއާދާބުއް ޝަރުޢިއްޔާ-
ދެންފަހެ ޙަދީޘް ރައްދުކުރާ މީހަކަށް ހުއްދަ ގޮދަންފުށްކޮޅެއް ހިސާބުވެސް ގަނެދިނުމަށް އުއްމަތުގެ އިމާމުން ނުރުއްސަވާ އިންކާރު ކުރެއްވިިއިރު، ރޯމާދުވާލު އެކަލޭގެފާނަށް ފުރައްސާރަކޮށް ބަދުބަސްބުނާ ބަޔަކާއި އެކީގައި އަތާއި އަތްގުޅައިގެން ޤައުމަށް ގުޑުންއަރުވަން އުޅޭ ލަދުހަޔާތް ކެނޑިފައި ހުރި ގޮތްކުޑަ ކަލޭގެއާއި އެއިން ބޭކަލަކާއި ދިމާވެއްޖެނަމަ އެއްލަވާނެ އެތިފަހަރު ތަޞައްވަރުވެސް ކޮށްނުލެވެއެވެ!
