ދެންފަހެ ދީނުގެ ހުރިހާ ޙުކުމްތަކެއްގެ ފަހަތުން އެޙުކުމެއްގެ ޙިކްމަތާއި ސަބަބު ދެނެގަންނަން އުޅޭ މީހާ
"ދެންފަހެ ދީނުގެ ހުރިހާ ޙުކުމްތަކެއްގެ ފަހަތުން އެޙުކުމެއްގެ ޙިކްމަތާއި ސަބަބު ދެނެގަންނަން އުޅޭ މީހާ އެ ކުރަނީ މުސްތަޙީލު ކަމެކެވެ.
އަދި މިއީ މުޢުތަޒިލީންގެ ވައްތަރެކެވެ. އިންސާނާ އެކަމުގެ ސަބަބުން މުލްޙިދަކަށްވެ، މިއްލަތުން ބޭރުވުމާއި ދިމާލަށް ގެންދާ ކަމެކެވެ.
ޝަރީޢަތުގެ ކޮންމެ ޙުކުމަކަށް ޙިކުމަތެއް ނުވަތަ އެކަމަށްޓަކައި ޝަރުޢުކުރެއްވުނު ސަބަބެއް ދެނެގަންނަން ދަހިވެތިވެ ޝައުޤުވެރިވެއްޖެ މީހާ،
ފަހެ މިއީ ނުރައްކާތެރި ކަމެކެވެ. މިއީ މުޢުތަޒިލީންގެ ޢަޤީދާގެ ފެށުމެވެ.
މިހެންވެ ކާފަރުންވެސް މަގުފުރެދިގެންދިޔައީ (ﷲ ގެ އަމުރުފުޅުތަކުގެ) ޙިކްމަތްތައް ހޯދަން އުޅުމުންނެވެ.
ﷲ ތަޢާލާ އިންސާނާއަށް ބުއްދި ދެއްވިއެވެ. އެއީ މިވެނި ކަމެއް އެކަލާނގެ ޙަރާމް ކުރެއްވީ މިވެނި ސަބަބަކަށްޓަކައިކަން، އަދި މިވެނި ކަމަކަށް އަމުރުކުރެއްވީ ބޮޑުވެގެންވާ ޙިކްމަތަކަށްޓަކައިކަން،
އަދި މިވެނި ކަމެއްގެ ޙިކްމަތް އެކަލާނގެ ވަންހަނާ ކުރެއްވިކަން، އަދި އެވެނި ކަމެއް ޙަރާމް ކުރެއްވުމުގެ ޙިކްމަތް ވަންހަނާ ކުރެއްވިކަން އޭނާއަށް އެނގިގެން ދިޔުމަށެވެ."
-ޝެއިޚު ޠަރީފީ-
