ދެއަތް އުފުލާ ދުޢާކުރުން ގިނަ ކުރާށެވެ.
ޝެއިޚުލް އިސްލާމް އިބްނުތައިމިއްޔާ ރަޙިމަހުﷲ ވިދާޅުވިއެވެ.
((ބިންމަތީގައި، އިރުން ހުޅަނގަށް ވާހައި މުސްލިމުންގެ ހިތްތައް ގުޅިލާމެހިފައިވަނީ ﷲ އާއި އެއިލާހުގެ ރަސޫލާ ﷺ އާއި މުއުމިނުތަކުންނަށް ލޯބިވުމާއި، ﷲ އާއި އެއިލާހުގެ ރަސޫލާ ﷺ ގެ ޢަދުއްވުންނާއި، މުއުމިނުތަކުންގެ ޢަދުއްވުންނަށް ޢަދާވާތްތެރިވުމުގައެވެ.
އަދި އެބައިމީހުންގެ އެ ތެދުވެރި ހިތްތަކާއި، ހެޔޮވެގެންވާ ޞާލިޙު ދުޢާތައް އެއީ، އެމައްޗަށް ގަދަނުވެވޭނެ ޢަސްކަރެވެ. އަދި ނިކަމެތި ނުވާނެ ޖުންދެވެ.))
(މަޖުމޫޢުލްފަތާވާ، 644/28)
އެހެންކަމުން ލޮބުވެތި މުސްލިމުން، އަޅުގަނޑުމެންނަށް ވީ މިންވަރަކުން ފަލަސްޠީނުގެ އަނިޔާލިބެމުންދާ އަޅުގަނޑުމެންގެ އަޚުންނާއި އުޚްތުންނަށް ނަޞްރުދިނުމަށް، ދެއަތް އުފުލާ ދުޢާކުރުން ގިނަ ކުރާށެވެ. އަދި މައިންބަފައިންވެސް އެމީހުންގެ ދަރިންނަށް އެކަމަށް ނަޞޭޙަތްތެރިވާށެވެ. އަދި މުދައްރިސުންނަށް ވީވަރަކުން ދަރިވަރުންނަށް އިލްތިމާސް ކުރާށެވެ. އެއީ އެންމެ ކުޑަމިނުން އަޅުގަނޑުމެންގެ ވާޖިބު އަދާކުރެވޭނެ މިންވަރެވެ.
