އަލް ޤުދުސް (މުސްލިމުންގެ ފުރަތަމަ ޤިބުލަ)
🍃🍃🍃 އަލް ޤުދުސް (މުސްލިމުންގެ ފުރަތަމަ ޤިބުލަ)
02 އޮކްޓޯބަރ 1187 މ. އަކީ ޞަލީބީން ޤުދުސަށް ވެރިވެފައި ވަނިކޮށް އެ ނުބައި ކާފިރުންގެ ނަޖިހުން ފަލަސްޠީނުގެ ބިން ތާހިރު ކުރެވިގެން ދިޔަ ދުވަހެވެ. އޭރުގެ މުޖާހިދުންގެ އިމާމު މުސްލިމުންގެ ވަރުގަދަ ބަޠަލް "ޞަލާޙުއްދީން އަލް އައްޔޫބީ" ރަޙިމަހުﷲ ގެ ހިތްވަރާއި މިންނެތް މަސައްކަތެވެ.
ނަމަވެސް މިއަދު އޮކްޓޯބަރ 02 އަހަރަކަށް ފަހު އަހަރެއް އިސްލާމީ އުއްމަތުގައި ތަކުރާރުވަމުން ދެއެވެ. އެހެނަސް ޤުދުސްގެ ބިން އެވަނީ އަޅުވެތިކުރެވިފައެވެ. އިސްލާމީ ޤައުމުގަކުގެ ވެރީންވަނީ ޔަހޫދީންގެ މޭޒުތަކަށް ސަލާންޖަހަން ނާށިގަނޑު ހިފައިގެން ގޮއްސައެވެ. އުއްމަތަށް ޣައްދާރުވެ ޚިޔާނާތްތެރި ވެފައެވެ.
އޭ މުސްލިމް އުއްމަތުގެ އަންހެން ކަނބަލުންނޭވެ. ޞަލާޙުއްދީން އަލްއައްޔޫބީ އަކީވެސް މުސްލިމް މަންމައަކަށް ލިބުނު ދަރިއެކެވެ. ނަމަވެސް ތިޔަކަނބަލުންގެ ދަރީންނާއި އެކަނބަލުންގެ ދަރީންނާއި ހުރި ތަފާތު އެނގިލައްވާ ހެއްޔެވެ؟ ތިޔަ ކަނބަލުންގެ ދަރީންނަށް ދަސްކޮށްދެމުން ދަނީ ދުނިޔެ ހޯދާނެ ގޮތެވެ. އެކަނބަލުންގެ ދަރީންނަށް ދަސްކޮށްދެއްވީ އާޚިރަތް ހޯދާނެ ގޮތެވެ.
