ޔޫރަޕްގެ މެދުގައި އޮންނަ "ޗެކްރިޕަބްލިކް"
🌼 އިސްލާމްދީނާއި ދެކޮޅު ކޮންމެ ޝިޢާރެއް ފާޅު ކުރުމީ މިއަދު ޙައްޤަކަށް ވެއްޖެ
🌿 އިސްލާމްދިނުގެ ނަންގަތުންވެސް ،ނުވަތަ ޝަހާދަތުގެ ދެކަލިމަ ކިޔައިލުންވެސް އެއީ ޓެރަރިޒަމް އަށް ވެއްޖެއެވެ. އަދި މިއަދުގެ ޔަހޫދީ މީޑިޔާ ސިސްޓަމުން މިކަމުގައި ވަރަށްބޮޑު ދައުރެއް ރައްޔިތުންނަށް މިގޮތަށް ފީޑްކޮށްދިނުމަށް އަދާކުރަމުން ދެއެވެ. ރާއްޖޭގެ މީޑިއާތަކަށް އިންޑިޔާ އެމްބަސީ އަތްބޭނުން އެކަމުގެ ހެއްކަކަށް ފުދެއެވެ.
ޞަލީބީވެރިކަމެއް އޮންނަ "ޗެކްރިޕަބްލިކް" ގެ ކެޕިޓަލް ސިޓީގެ "ކަރލޯވާ ޔުނިވަރސިޓީ" ގެ ދަރިވަރުންތަކެއް ، ޞަލީބީ ހަނގުރާމައިގައި ލައިއުޅޭ ފަދަ ހެދުންލައިގެން ، އަދި ހަނގުރާމައިގައި ބޭނުންކުރާ ފަދަ ޝީލްޑެއް ހިފައިގެން މީސްތަކުންނަށް މި ފޯރުކޮށްދެނީ ކޮން މެސެޖެއް ހެއްޔެވެ. އަދި މި ޝީލްޑުގައި ((އިސްލާމްދީން ހުއްޓުވާ)) މިފަދައިން ބުނާއިރު ، ޞަލީބީ ހަނގުރާމައިގެ ހެދުމުގައި ތިބުމުން އެބުނާ އެއްޗެއް ވަރަށް ސާފުވެއެވެ.
ހަމައެހެންމެ އެބައިމީހުންވަނީ މުސްލިމުންނާ ދެކޮޅަށް ފާޅުގައި ހަނގުރާމަ އިޢުލާންކޮށްފައެވެ. އަދި އެކަމަށް އެތައް ޕްލޭނެއްކޮށް ، އެތައް ތައްޔާރީއެއް ވެއެވެ. އަދި މި ފޮޓޯއިންވެސް އެނަޞޯރާއިންގެ ނަފްރަތާއި ރުޅިވެރިކަން ހާމަކޮށްދެއެވެ. ނަމަވެސް މިއަދު އަޅުގަނޑުމެންގެ ދަރިވަރުންނަށް ސްކޫލްތަކާއި ޔުނިވަރ ސިޓީތަކުގައިވެސް ކިޔަވައިދީ ދަސްކޮށްދެނީ އެ ޞަލީބީންދެކެ ލޯބިވުމާއި އެބައިމީހުނާއި އެކުވެރިވެ ރަޙުމަތްތެރި ވުމަށެވެ. އަދި އަހަރެމެންގެ ދަރީން އެބައިމީހުނަށް ކުރުނީސްކޮށް ، އެ ނަޞޯރާއިންނަކީ އިންސާނިއްޔަތު ޙިމާޔަތްކުރާ ، ދުނިޔެ އަމާންކަންމަތީ ބޭއްވުމަށް މަސައްކަތްކުރާ ބައެއްގެ ގޮތުގައި ޤަބޫލުކުރުމަށެވެ. ނަމަވެސް އިސްލާމީ އުއްމަތުގެ ލެއިން އެބައިމީހުންގެ އަތްތައް ވަނީ ތަތްތެޅިފައެވެ.
📌 ނަމަވެސް ހަމަ މި މޭރުމުން އަޅުގަނޑުމެންގެ ރާއްޖޭގައި ޔުނިވަރސިޓީ ދަރިވަރުންތަކެއް ނުވަތަ ސްކޫލް ދަރިވަރުންތަކެއް ޖުއްބާއާއި ފަގުޑި ނުވަތަ ޝަލްވާރާއި ފަގުޑިއަޅައި އިޒާރު ތަނބިކައްޓާއި ހަމައަށް ބަހައްޓައި ކަނޑިޔަކާއި އައްޑަނައެއް ހިފައިގެން ހުރެ ((ޞަލީބީން ހުއްޓުވާ)) ، މިހެން ބުނެފިނަމަ ކަންތައް ދާނެގޮތް ތަޞައްވަރު ކޮށްލައްވާށެވެ.
ފުރަތަމަ އެކުދިން އުފުރާލަން އަންނާނީ ފުލުހުންގެ ސްޕެޝަލް ފޯސްއެވެ. އަދި އެ މަޢުޟޫގެ ބަހުޘް ވަގުތުން ކުރިޔަށްދާނީ މަޖިލީހުގައި ކެނެރީގޭ ނަޝީދުގެ ލަފާގެ މަތީންނެވެ. އެހެނަސް ކޮންމެ 2 މިނެޓަކުން ޚިޔާލު ފާޅުކުރުމުގެ މިނިވަންކަމޭ ކިޔައިން ބަހަނާދައްކައި މީހުންގެ ލޮލުގައި އަދުން އަޅުވައެވެ. މިއީ %100 މުސްލިމް ކަމަށް ބުނާ މި ކުޑަ ޤައުމުގެވެސް ޙާލަތެވެ. އަދި ކަންހިނގަމުން އަންނަ ޙަޤީގަތްވެސް މެއެވެ.
