ޞަހަރާގެ ސިންގާ
# ޤުރުއާން މުދައްރިސެއް ، އުއްމަތް ދިފާޢުކުރުމުގައި ޝަހީދުވި ކުޅަދާނަ ބަޠަލެއް
ލީބިޔާއަށް ގަދަކަމުން ވެރިވަގެނެގެން އުޅުނު ޞަލީބީ އިޓަލީގެ ލަޝްކަރާދެކޮޅަށް ޖިހާދުކުރި މުސްލިމުންގެ ވަރުގަދަ ކޮމާންޑަރެއް ކަމުގައިވާ ޢުމަރު މުޚްތާރަށް ބުންޏެވެ.
”އިޓަލީ އަތުގައި ވައިގެމަގުން ޙަމަލާދޭނެ ޖެޓްތައް އެބަހުއްޓެވެ. ޢުމަރު މުޚްތާރު އަތުގައި މި ޒާތުގެ އެއްވެސް އެއްޗެއް ނެތެވެ.“
ޖަވާބުގައި މުޖާހިދުންގެ ކޮމާންޑަރު ، ޞަޙަރާގެ ސިންގާ ޢުމަރު މުޚްތާރު ސުވާލެއް ކުރެއްވިއެވެ : "އެ ތަކެތި އުދުހެނީ ޢަރުޝިއަށްވުރެ މަތީގައި ހެއްޔެވެ؟ ނުވަތަ ދަށުގައި ހެއްޔެވެ؟"
އެބައިމީހުން ބުންޏެވެ : ޢަރުޝީގެ ދަށުގައެވެ.
އެހިނދު ޢުމަރު މުޚްތާރު ޖަވާބުގައި ވިދާޅުވިއެވެ : "ޢަރުޝީގެ މަތީގައިވާ ފަރާތް އަހަރުމެންނާއެކުގައި ވާހައި ހިނދަކު ، އެތާނގެ ދަށުގައިވާ ފަރާތްތަކަށް އަހަރުމެންނަކަށް ބިރެއްނުދެއްކޭނެއެވެ."
މިއީ ކޮންފަދަ އީމާންތެރިކަން ވަރުގަދަ ޢަޒުމް ވަރުގަދަ ލީޑަރެއްތޯއެވެ. މިއަދު އަޅުގަނޑުމެންގެ ދަރީންނަށްވެސް މިފަދަ ހަރުދަނާ ޢަޤިދާއެއްގެ ބިންގާ އަޅައިދޭން ޖެހެއެވެ. އެހެނީ އަޅުގަނޑުމެންގެ ޅަދަރީން އިސްތިޢުމާރީންގެ އަޅުވެތިކަމުގެ ރަހަ ދެކުން ދުރެއްނޫނެވެ. ހަމަ އެހެންމެ ކުފުރުގެ މިއްލަތް އިސްލާމީ އުއްމަތް ހަމަނޭވާ ލުމަކަށް ފުރުސަތެއް ނުދޭނެއެވެ. އެހެންކަމުން ﷲ ތަޢާލާއަކީ އެންމެހައި ބާރެއް މިލްކުވެގެންވާ އިލާހުކަން އަހަރެމެންގެ ޅަދަރީންނަށް ދަސްކޮށްދޭން ޖެހެއެވެ. އަދި އެއިލާހު ކަމަކަށް އިރާދަކުރެއްވުމުން ދެން އެކަމަށް ހުރަސްއަޅައި ހުއްޓުވޭނެ ހަމަ އެއްވެސް ފަރާތެއް ނުވާކަން އެ ހިތްތަކުގައި ބިންވަޅު ނަގަންޖެހެއެވެ. އެހެނީ ތުރާލާއި މުޞީބާތާއި އުނދަގުލުގެ ވަގުތުގައި މުއުމިނު އަޅާ ޘާބިތުކޮށްދެނީ އޭނާގެ ހަރުދަނާ ޢަޤީދާއެވެ.
