އަދި އެކަނބަލުންގެ (ގަހަނާއާއި) ޒީނަތުގެ ތެރެއިން، ވަންހަނާވެފައިވާ ތަކެތި އެންގުމަށްޓަކައި، ފައިތިލ

﴿وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ﴾ އަދި އެކަނބަލުންގެ (ގަހަނާއާއި) ޒީނަތުގެ ތެރެއިން، ވަންހަނާވެފައިވާ ތަކެތި އެންގުމަށްޓަކައި، ފައިތިލަތަކުން (ބިމުގައި) އެކަނބަލުން ނުތަޅާހުށިކަމެވެ! [سورة النور 31]

ފަހެ އުސްކަށިތަކަށް އަރައިގެން ، މަރުތޭލައިން ތަޅާހެން ، އަޑުގޮއްވަމުން ނުހިނގިޔަކަސް ކަނބުލޭގެ އަށް ޤަދަރާއި ޢިއްޒަތް ހޯދި ދާނެއެވެ.

📌 އިސްލާމްދީނުގެ ފުރިހަމަކަމާއެވެ.

އަޅުގަނޑުމެންގެ ދުސްތޫރު ކަމުގައިވާ މި ޤުރުއާނުގެ އާޔަތްތަކުން އެނގިގެން މިދަނީ އަޅުގަނޑުމެންގެ އުޚްތުންނަށް ޒީނަތްތެރިވުން ވާކަމެވެ. އެހެނަސް އެ ޒީނަތްތެރިކަން ވަނީ ފޮރުވިފައިކަމެވެ. އެހެނީ އެއްޗެއް މަދުވެ ފޮރުވިގެންވާ މިންވަރަކުން ، އެ އެއްޗެއްގެ އަގުބޮޑުއެވެ. އަދި އެ އެއްޗެއް ހޯދުމަށް ކުރަންޖެހޭ މަސައްކަތް އިތުރުވެއެވެ.

މުސްލިމް އުޚްތުންނަކީ ، އެތައް ދީނަކާއި މިއްލަތެއްގެ ކުރިމަތީގައި ޢަދަދު މަދު ބައެކެވެ. އަދި ﷲ ގެ އާޔަތްތަކަށް ދޭންޖެހޭ ޤަދަރުދީ އެއަށް ޢަމަލުކޮށް ، މާތް ނަބިއްޔާގެ ސުންނަތަށް ތަބަޢަވާން ޖެހޭކަމަށް ޤަބޫލު ކުރަނީ އެއަށްވުރެވެސް މަދު ބައެކެވެ. އަދި ﷲ ގެ އަމުރުފުޅުތައް އެމީހެއްގެ ޙަޔާތުގައި ޢަމަލުން ދައްކައި މާތް ނަބިއްޔާ ގެ ސުންނަތަށް ޢަމަލު ކުރުމުން ، އެތައް ބައެއްގެ ފުރައްސާރައާއި އެކަހެރިކޮށްލުމާއި ، ނިކަމެތިކޮށްލުމުގެ ކުރިމަތީގައި ދޫދިނުމެއްނެތި ސާބިތުކަންމަތީ ދެމިހުންނީ ވަރަށްވެސް މަދު ބައެކެވެ.

އޭ އުޚްތާއެވެ. ތިބާ ޒީނަތްތެރިވާށެވެ. އެހެނަސް ތިބާގެ ފިރިމީހާއަށެވެ . އަދި ފިރިމީހާގެ ކުރިމަތީގައި ތިބާ ޒީނަތްތެރިކޮށް ހުރުން ، އެއީ އިސްލާމްދީން ބާރުއަޅާގޮތްވެސް މެއެވެ. އެއީ ދެމަފިރިންގެ ގުޅުން އިތުރަށް ބަދަހިވެ ވަރުގަދަ ވުމަށެވެ.އަދި އެކަކު އަނެކަކަށް ވަފާތެރިވެ ، އޯގާތެރި ލޯބިވެތި ދިރިއުޅުމެއް އުޅުމަށެވެ. ނަމަވެސް ތިބާގެ ޒީނަތްތެރިކަން އެހެން ފިރިހެނުންނަށް ފާޅުކުރާނަމަ ، ދެމަފިރިންގެ ގުޅުން ހީނަރު ކުރުވައެވެ. އެކުގައި އުޅުމަށް ވީ ޢަހުދު އުވާލައި މިސްރާބު ގެއްލިދެއެވެ. އަދި ދަރިންގެ ތަރުބިއްޔަތަށް ނުހަނު ބޮޑެތި ގެއްލުންތައް ލިބި ، މުސްތަޤުބަލާއި މެދު ދެމަފިރިން ކުރަމުންދިޔަ އުއްމީދު ފެނަށް ދެއެވެ.

ދެންފަހެ އެމީހަކު އަމިއްލައަށް އެމީހެއްގެ ނަފްސު އަގެއްނެތް އެއްޗެއްގެ ގޮތުގައި ހަދައި ، ބާޒާރުގައި ނީލަމަށް ލައިފިނަމަ ވާނީ ކިހިނެއްތޯއެވެ؟ ފާސިޤުންނާއި ، ފާޖިރުންނާއި ، މުޖުރިމުންގެ ޝިކާރައަކަށެވެ. އެބައިމީހުންގެ މުނިފޫހި ފިލުވުމަށް ކުޅެން ގެންގުޅޭ އެއްޗެއްގެ ގޮތުގައެވެ.އޭގެ އެއްވެސް

އަގެއްނެތް އެއްޗެއްގެ ގޮތުގައެވެ. ފަހެ ބުއްދިވެރިއަކު އެފަދަ އެއްޗެއް ބަލައެއް ނުގަންނާނެއެވެ. އެހެނީ އޭ

ގެން ކުރާމަންފާ އަށްވުރެ ލިބޭ ގެއްލުން ބޮޑުވެގެން ވާތީއެވެ.