ހެޔޮލަފާ ޞާލިޙު އަނބިންނަކީ ، ފިރިހެންވަންތަ ފިރިހެން ދަރީން ، ޢާލިމުންނާއި މުޖާހިދުން އުންމަތަށް އު
📌 ހެޔޮލަފާ ޞާލިޙު އަނބިންނަކީ ، ފިރިހެންވަންތަ ފިރިހެން ދަރީން ، ޢާލިމުންނާއި މުޖާހިދުން އުންމަތަށް އުފަންކުރުވާ ބައެކެވެ.
⭕️ އިމާމް ޝާފިޢީ ރަޙިމަހުﷲ (150 ހ - 204 ހ ) ތުއްޕުޅުއިރު ބައްޕަ ނިޔާވެ ޔަތީމްވުމުން ތަރުބިއްޔަތު ކުރެއްވީ މަންމަ އެވެ.
⭕️ އިމާމް އަޙުމަދު ރަޙިމަހުﷲ ( 164 ހ - 241 ހ) ތުއްޕުޅުއިރު ޔަތީމްވުމުން ތަރުބިއްޔަތު ކުރެއްވީ މަންމަ އެވެ.
⭕️ އިމާމް ބުޚާރީ ރަޙިމަހުﷲ ( 194 ހ - 256 ހ ) ތުއްޕުޅުއިރު ޔަތީމްވުމުން ތަރުބިއްޔަތު ކުރެއްވީ މަންމަ އެވެ.
⭕️ އަލް ޙާފިޡް އިބްނުޙަޖަރު ރަޙިމަހުﷲ(773 ހ - 852 ހ ) ތުއްޕުޅުއިރު ބައްޕާއާއި މަންމަވެސް ނިޔާވެ ، ތަރުބިއްޔަތު ކުރެއްވީ އެކަލޭގެފާނުގެ ދައްތަ (އުޚްތު) އެވެ.
އިސްލާމީ އުންމަތުގެ އަންހެންތަކުން އިޞްލާޙުވެއްޖެ ނަމަ ، މުސްލިމް ފިރިހެންތަކުންނަށް ލިބިގެންދަނީ ހެޔޮލަފާ ޞާލިޙު އަނބީން ތަކެކެވެ. އަދި މުސްލިމް ދަރިންނަށް ހެޔޮލަފާ ޞާލިޙު މައިންތަކެކެވެ. އެހިނދުން ގޭތެރެއާއި މުޖުތަމަޢު އިޞްލާޙު ވެދެއެވެ.
ފަހެ އެފަދަ އިމާމުންތަކެއް ދެން އުއްމަތަށް އުފަންވެދާނެކަމުގައި ޝައްކުކުރަނީ ހެއްޔެވެ؟ އެއީ އިސްލާމީ އުއްމަތަށް ދުރުގައިވާ ކަމެއްނޫނެވެ. އެފަދަ މައިންތަކެއް އަޅުގަނޑުމެންގެ މިއަދުގެ މުސްލިމް ދަރީންނަށް ލިބިއްޖެނަމަ އެފަދަ އިމާމުންތަކެއް އުއްމަތަށް އަލުން އުފަންވުމަކީ ދުރުގައިވާ ކަމެއް ނޫނެވެ. ބޭނުންވަނީ ހިތްމަތާއި ، ހިތްވަރާއެކު މަސައްކަތްކުރާނެ ހީވާގި މައިންބަފައިން ތަކެކެވެ.
