ދަރީން ، ތިބާގެ އަތުން މޮޑޭ ފުށްގަނޑެއް ފަދައެވެ.
އޭ ލޮބުވެތި މުސްލިމް މަންމައާއި ބައްޕައެވެ. ތިޔަ ބޭފުޅުންގެ ދަރިންގެ ދޫތައް ހެޔޮވެގެންވާ ދުޢާއިން ﷲ އަށް މުނާޖާ ދެންނެވުމަށް އަހުލުވެރި ކުރުވާށެވެ. އޭރުން ތިޔަބޭފުޅުން ދުނިޔޭގައި ނެތްދުވަހެއް ކުރިމަތިވިނަމަވެސް އެ ދުޢާތަކުން އެ ދަރިން ހެޔޮމަގަށް އަޅުވަމުން ގެންދާނެއެވެ. ފަހެ އެފަދަ ދުޢާތައް އެ ދަރީންނަށް އުނގަންނައި ދިނުމުގައި ގަދައަޅައި މަސައްކަތްކުރާށެވެ. އަދި އެކަމުގައި ތިޔަ ބެލެނިވެރިން ރިވެތި ނަމޫނާ ދައްކާށެވެ. ﷲ ތަޢާލާ އިސްލާމީ އުއްމަތުގެ ދަރީންގެ ހިތްތައް ހެޔޮމަގަށް ލަންބުވާ އެ ހިތްތައް އީމާންކަމުގެ ނޫރުން އަލިކުރައްވާށިއެވެ. (آمين)
﴿رَبَّنَا لَا تُزِغۡ قُلُوبَنَا بَعۡدَ إِذۡ هَدَیۡتَنَا وَهَبۡ لَنَا مِن لَّدُنكَ رَحۡمَةًۚ إِنَّكَ أَنتَ ٱلۡوَهَّابُ﴾
”އަޅަމެންގެ ވެރިރަސްކަލާކޮ! އަޅަމެންނަށް ތެދުމަގު ދައްކަވައިފުމަށްފަހުގައި، އަޅަމެންގެ ހިތްތައް حق ން އެއްކިބާ ނުކުރައްވާނދޭވެ! އަދި އަޅަމެންނަށް އިބަރަސްކަލާނގެ حضرة ން رحمة އެއް ދެއްވާނދޭވެ! ހަމަކަށަވަރުން، އިބަރަސްކަލާނގެއީ، ގިނަގުނަ نعمة ތައް ދެއްވާ ރަސްކަލާނގެއެވެ.“
[آل عمران 8]
