ހުރި ހިތާމައެއްގެ ބޮޑު ކަމާއެވެ. ކޮއްތުގެ މަދުކަމާއި ދަތުރުގެ ދިގުކަމާއެވެ.....
♻️ ޢަލީ ރަޟިޔަﷲ ޢަންހު ވިދާޅުވާކަމުގައި ވިއެވެ.
((ހުރި ހިތާމައެއްގެ ބޮޑު ކަމާއެވެ. ކޮއްތުގެ މަދުކަމާއި ދަތުރުގެ ދިގުކަމާއެވެ. އަދި ހުރަސްކުރަންޖެހޭ މަގުގެ ނުރައްކާތެރިކަމާއެވެ.))
މިބަސްފުޅާއި މެދު އިބްނުލް ޖައުޒީ ރަޙިމަހުﷲ ވިދާޅުވިއެވެ.
”ޢަޖާއިބު ވާހާވެއެވެ. އެބޭކަލުންގެ ތަޤުވާވެރިކަމާއެކުވެސް އާޚިރަތާއި މެދު ބިރުވެތިވާ މިންވަރެވެ.އަދި ތިބާ ފާފަތަކާއިއެކުވެސް އަމާންވެގެން ހުންނަމިންވަރެވެ.“
﴿ وَقُلِ ٱعۡمَلُوا۟ فَسَیَرَى ٱللَّهُ عَمَلَكُمۡ ﴾ ”ކަލޭގެފާނު ވިދާޅުވާށެވެ! ތިޔަބައިމީހުން عمل ކުރާށެވެ! ފަހެ، ތިޔަބައިމީހުންގެ عمل ތައް اللَّه ދެކެވޮޑިގެންވާނެތެވެ.“ (التوبة 105)
އޭ ﷲ ގެ އަޅާއެވެ. ﷲ تعالى ގެ މިބަސްފުޅު އަހަރެމެންނަށް ނުފުދޭ ހެއްޔެވެ؟ އަހަރެމެންގެ ޣާފިލުކަމުން ހޭއަރާނީ ފަހެ ކޮން ދުވަހަކުންތޯއެވެ.
ނަރަކައިގެ ތުންފަތްމަތީގައި ދެމިގެންވާ ޞިރާތެވެ ( މަގު) . ކަނޑީގެ މިޔައަށްވުރެ ތޫނެވެ. ދެފަރާތުގައި ބުޅިގަނޑު ތަކެއް ވެއެވެ. އެއިން ބުޅިގަނޑެއް ގައި އަޅާގަނެފި މީހާ ނަރަކައިގެ ތެރެއަށް ވެއްޓެއެވެ. ތިރިން ނަރަކައިގައި މީހުންތައް އެފުށް މިފުށަށްޖެހޭތަން ފެންނަމުން ދާނެއެވެ. އެމަގަށް އެރުމަށް ތައްޔާރުވަމުންދާ މީހުނަށް ، އެ މަގު ހުރަސްނުކުރެވި އެތައްބަޔަކު ވެއްޓޭތަން ފެންނާނެއެވެ. މިސްތަކުން ބިރުން މޭގަނޑު އަނގަޔަށް އަންނާނެތެވެ. އެހިނދުގައި ނަބިއްޔުންނާއި ރަސޫލުންވެސް ، ދުޢާކުރައްވާނީ ސަލާމަތްވޭތޯއެވެ.
ދަންނާށެވެ. މި ރަމަޟާންމަހުގެ ކޮންމެ ރެޔަކީ އެ ނަރަކައިން ﷲ تعالى ގެ އެތައް އަޅަކު ، އެއިލާހުގެ އޯގާވަންތަކަމާއި ރަޙުމަތުން މުއްތިކުރައްވާ ރެއެކެވެ. ފަހެ އަހަރެމެން އެ ބިރުވެރިކަމުން މުއްތިވެ ނަޖާވުމަށްވުރެ ވަކިން ބޮޑު ކާމިޔާބީއެއް ވޭހެއްޔެވެ؟
