” ފިރިހެނުން އެމީހުންގެ ބެލުން ތިރިނުކުރަނީ ކީއްވެ ހެއްޔެވެ؟“
⭕️ އަންހެންކަނބަލުންގެ ޒީނަތްތެރިކަން ފާޅުނުކުރުމަށާއި ، އެކަނބަލުން ޙިޖާބުވުމަށް އެދި ދަޢުވަތުދީ ޝެއިޚަކު ގޮވާލަމުންދިޔައެވެ. އެހިނދުގައި އަންހެނަކު އެކަމަށް ދެކޮޅުހަދައި ޝެއިޚާދިމާލަށް ބުންޏެވެ. ” ފިރިހެނުން އެމީހުންގެ ބެލުން ތިރިނުކުރަނީ ކީއްވެ ހެއްޔެވެ؟“ ( އެބަހީ ، ފިރިހެނުން އެމީހުންގެ ބެލުން ތިރިކުރުމުން ތިމަންމެން ޙިޖާބުނޭޅިޔަސް ވެދާނެ ނޫން ހެއްޔެވެ.؟). އެހިނދު ޖަވާބުގައި ޝެއިޚް ވިދާޅުވިއެވެ. ” ކަނބުލޭގެ އަތުގައި މާމުއި ތައްޓެއް އިނދެ އެޔަށް މެހި ޖަމަޢަވާނަމަ ، ފަހެ އެ މެހިތައް ފައްސައި ދުރަށްލާނީ ކިހިނެއް ހެއްޔެވެ؟
އެ އަންހެނާ ބުންޏެވެ. : ” ތިމަން އޭގެ މަތިޖަހައި ބަންދުކުރާނީއެވެ.“
އެހިނދު ޝެއިޚް ވިދާޅުވިއެވެ : ”އަންހެނާވެސް އެފަދައިން ، އެކަނބުލޭގެގެ ރީތިކަން ފަރުދާކޮށް ނިވައިކޮށްފިނަމަ ، އިންސާނުންގެ ތެރޭ އުޅޭ މެހިތައްވެސް އެކަނބުލޭގެޔާ ދުރަށް ދެއެވެ.“
މުސްލިމް އުޚްތާއެވެ. ފަހެ ތިޔަ ކަނބަލުން ވިސްނާ ފިކުރުނުކުރަނީހެއްޔެވެ؟ ނިކަންވިސްނާށެވެ. މެހި އެންމެ ގިނައިން ޖައްސަނީ ކުނިބުނީގައްޔާއި ނަޖިހުގައެވެ. ފަހެ މެހި ނަޖިހުގައި ތަތްތެޅިފައި އައިސް ތިބާގެ ގައިގައި އިށީންނަށް ނުރެހޭ އިރު ފާފައިގައި ތަތްތެޅިފައި އަންނަ އިންސާނާ ތިބާގެ ގައިގައި ޖެއްސުމަށް ރުހެވޭނީ ކިހިނެއް ހެއްޔެވެ؟
