އެމީހެއްގެ ހިތް ތަނަވަސްވެ ، އަދި ފާފަތައް ފުއްސަވައި ، މުސީބާތް ފިއްލަވައި ، އަދި ނުތަނަވަސްކަން ފި
📌ގޭގައި ބަންދުވެއްޖެއެވެ. ދަތުރުފަތުރު ކުރުން މަނާވެއްޖެއެވެ. ވަޒީފާ ގެއްލިދާނެކަމުގެ ބިރުބޮޑު ވެއްޖެއެވެ. ގައުމުގެ އިޤްތިޞާދު ހުސްވެއްޖެއެވެ. އަތުގައި ފައިސާއެއްނެތްތާނގައި ، ލިބޭނެގޮތަކާއިމެދު ކަންބޮޑުވެއްޖެއެވެ. އޭ ލޯބިވާ މުސްލިމް އަޚާއެވެ . އުޚްތާއެވެ. ﷲ ތިބާއަށް ހެޔޮމަގު ދައްކަވައި ކެތްތެރިކަން އިތުރުކޮށްދެއްވާށިއެވެ. އަދި ތިބާ ހިނުކުރާ ގޮތްގޮތުން ތިބާއަށް ރިޒުޤުތަނަވަސް ކޮށްދެއްވާށިއެވެ. ފަހެ ތިބާގެ އެދުންތައް ﷲ އަށް ދެންނެވުމުގައި ފަސްނުޖެހޭށެވެ.އަދި ލަދުނުގަންނާށެވެ. އެއިލާހީ ، އެންމެހައި މީސްތަކުން ތިބާއެކަނިކޮށްލައި ތިބާގެ އާދޭސްތަކަށް ނޫނެކޭ ބުނާއިރު ، ތިބާގެ ޙާލާއިމެދު ރަޙުމްކުރައްވައި ، ޢަދަދެއް ނުވާހެން ތިބާއަށް ރިޒުޤު ދެއްވައި ތަނަވަސް ކޮށްދެއްވާ އިލާހެވެ. މިއަދު ތިބާއަށް ކުރިމަތިވެފައިވާ މުޞީބާތުން ސަލާމަތްވުމަށް ތިބާ އެދެމު ހެއްޔެވެ؟ ފަހެ މާތް ނަބިއްޔާ މުޙައްމަދު ﷺ އަށް ގިނަގިނައިން ޞަލަވާތްކިޔާށެވެ.
އިމާމް އިބްނުލްޤައްޔިމް ރަޙިމަހުﷲ ވިދާޅުވިއެވެ.
((އެމީހެއްގެ ހިތް ތަނަވަސްވެ ، އަދި ފާފަތައް ފުއްސަވައި ، މުސީބާތް ފިއްލަވައި ، އަދި ނުތަނަވަސްކަން ފިލައި ދިއުމަށް އެދޭމިހާ ، ފަހެ އޭނާ ގިނަގިނައިން ނަބިއްޔާ ﷺ ގެ މައްޗަށް ޞަލަވާތް ކިޔަވާށެވެ.))
