މިއީ މުއުމިނު އަޅާއަށް ވާ ޖަންނަތުގެ ކަންޒެކެވެ.
🔰 އަބޫ މޫސާ އަލް ޢަޝްޢަރީ ރަޟިޔަﷲ ޢަންހުގެ ކިބައިން ރިވާވެގެން ވެއެވެ. ވިދާޅުވިއެވެ. ﷲ ގެ ރަސޫލާ ﷺ ޙަދީޘްކުރެއްވިއެވެ.
” ތިމަން ރަސޫލާ ، ތިބާއަށް ޖަންނަތުގެ ޚަޒާނާގެ ތެރެއިން ޚަޒާނާއެއް ބުނެދެން ހެއްޔެވެ؟ ފަހެ ތިމަން ދެންނެވީމެވެ. އާދޭހެވެ. އޭ ﷲ ގެ ރަސޫލާއެވެ. ޙަދީޘްކުރެއްވިއެވެ. އެއީ لاَحَولَ وَلاَ قُوَّة إِلاَّ بِاللَّهِ ގެ ކަލިމައެވެ. “
ރިޔާޟުއް ޞާލިޙީން 1443
📌 އޭ ލޮބުވެތި މުސްލިމް އަޚާއެވެ. އުޚްތާއެވެ. ފަހެ ތިބާ މިކަލިމަ ކިޔުމަށް ދަހިވެތި ނުވާނަންތޯއެވެ. ފަހެ މިކަލިމަ ކިޔުމަކަށް ޓެކްސް ދައްކާކަށް ނުޖެހެއެވެ. އަދި އެއްޗަކަށް ސަވާރުވެގެން ވަކި ތަނަކަށް ދަތުރުކޮށްފައި ދާކަށް ނުޖެހެއެވެ.
ތިބާވީ ކޮންމެ ޙާލެއްގައިވެސް މި ކަލިމަ ތިބާއަށް ކިޔާލެވިދާނެއެވެ. (ފާޚަނާ ފަދަ ތަނެއް މެނުވީއެވެ.) މަގުގައި ހިނގާފައި ދަމުންނެވެ. މިސްކިތަށްދާހިނދުގައްޔާއި އެނބުރި އަންނަމުންނެވެ. ވަޒީފާއަށް ދާއިރުގައްޔާއި ވަޒީފާއިން އެނބުރި އަންނަމުންނެވެ. ސައިކަލުދުއްވަމުންވެސް މެއެވެ. ދަރިފުޅު ސްކޫލަށް ގެންދަމުންވެސް މެއެވެ. ބަދިގޭގައި ކައްކަމުންނެވެ.
ވީއިރު މިފަދަ ފަސޭހަކަމެއްކޮށްގެން އާޚިރަތުގައި ބޮޑު އަޖުރެއް ލިބެންއޮއްވައި ބުއްދިވެރިއަކު އެ ދޫކޮށްލަފާނެ ހެއްޔެވެ؟
⏺️ ތޔަބައިމީހުންގެ ގެތައް ﷲ ޛިކުރުން ގުގުމާލައްވާށެވެ. އޭރަށް ރަޙުމަތުގެ މަލާއިކަތުން އެގެތަކަށް އައިސް އުޅޭނެއެވެ.
⏺️ ދތައް ﷲ ގެ ޛިކްރުން ފޯކޮށްލާށެވެ. އޭރުން ޝައިޠާނާ އަށް ތިޔަބައިމީހުނާއި ހަމައަށް ވާޞިލް ނުވެވޭނެއެވެ.
