ހުޅުވިގެންވާ ޖަންނަތުގެ ދޮރުކޮޅުތައް
🔰އިމާމު އަޙުމަދު އެކަލޭގެފާނުގެ މުސްނަދުގައި ގެންނަވާފައިވެއެވެ.
ޢަބްދުއްރަޙުމާނު ބިން ޢައުފު ރަޟިޔަﷲ ޢަންހުގެ ކިބައިން ރިވާވެގެން ވެއެވެ. ވިދާޅުވިއެވެ. ﷲގެ ރަސޫލާ ﷺ ޙަދީޘްކުރެއްވިއެވެ :
"އަންހެނާ ފަރުޟު ފަސްނަމާދު އަދާކޮށް ، އަދި ރަމަޟާންމަހުގެ ރޯދަ ހިފައި ، އަދި އެކަނބުލޭގެ ފަރްޖަށް ރައްކާތެރިވެ ، އަދި އެކަނބުލޭގެ ފިރިމީހާއަށް ކިޔަމަންތެރިވެއްޖެނަމަ ، އެކަނބުލޭގެއަށް ބުނެވޭ ހުއްޓެވެ. ޖަންނަތުގެ ދޮރުކޮޅުތަކުގެ ތެރެއިން ކަނބުލޭގެ އެދޭ ދޮރަކުން ޖަންނަތަށް ވަންނާށެވެ. " [ޞަޙީޙް އަށްތަރުޣީބު 1932 / އިމާމް އަލްބާނީ ޞައްޙަކުރައްވާފައި]
📌 އޭ އިސްލާމީ އުއްމަތުގެ އަންހެން ކަނބަލުންނޭވެ. ފަހެ ތިޔަކަނބަލުންނަށްޓަކައި ޖަންނަތުގެ އެންމެހައި ދޮރުކޮޅެއް އެވަނީ ހުޅުވިގެންނެވެ. އެ ދޮރުކޮޅުތަކުން ވަނުމަށް އަވަސްވެގަންނާށެވެ.
⏺️ ތިޔަ ކަނބަލުންގެ މައްޗަށްވާ ﷲ ގެ ޙައްޤުތައް އަދާކުރާށެވެ.
⏺️ ތިޔަކަނބަލުންގެ ފިރީންނަށް ކިޔަމަންތެރިވެ އޯގާތެރިވާށެވެ.
