♻️ ދަރިން އަދަބުވެރި ކުރުވުން
ޢައްބާސީ ޚިލާފަތުގެ މަޝްހޫރު ޚަލީފާ "ހާރޫނު އަލް ރަޝީދު" ގެ ދަރިކަލުން މައުމޫނު ތުއްޕުޅުއިރުގައި ކިޔަވަންގޮސް އުޅުއްވަނިކޮށް ، މުދައްރިސް ގެންގުޅުއްވާ އަސާއިން މައުމޫނުގެ ގައިކޮޅުގައި އެއްވެސް ސަބަބަކާނުލައި ޖެއްސެވިއެވެ. އެހިނދު ، ޖެހީ ކީއްވެތޯ؟ މައުމޫނު ސުވާލު ކުރެއްވިއެވެ.
ޖަވާބުގައި މުދައްރިސް ބުންޏެވެ. "ހިމޭނުން ހުންނާށެވެ."
އޭގެ 20 އަހަރު ފަހުން މައުމޫނު ޚަލީފާކަމަށް އިސްވުމުން ، ޚަލީފާގެ ދަރުބާރަށް މުދައްރިސް ގެންނަވައި ސުވާލު ކުރެއްވިއެވެ. "ތިމަން ކުޑައިރުގައި ޖެހީ ކީއްވެގެންތޯ؟" އެވެ.
އެހިނދު މުދައްރިސް ހިނިތުންވެލާފައި ބުންޏެވެ. "އެ ހަނދާން އަދިވެސް ނުފިލާހެއްޔެވެ؟"
ޖަވާބުގައި މައުމޫނު ދެންނެވިއެވެ. "ﷲ ގަންދީ ބުނަމެވެ. އަދިވެސް އެހަނދާން ނުނެތެއެވެ."
އެހިނދުގައި މުދައްރިސް ދެންނެވިއެވެ. "އެއީ އަނިޔާލިބޭ މީހާ ، އެކަން ހަނދާނުން ފިލާ ނުދާނެކަން ތިބާ ދެނެގަތުމަށެވެ."
📌 ނަމަވެސް މިއަދު އަޅުގަނޑުމެންގެ ދަރިންނަށް ދެމުން އައި އިސްލާމީ ތަރުބިއްޔަތު މިވަނީ ހުޅަނގުން ފޭރިގަންފައެވެ. އަދި މި ތަރުބިއްޔަތަށް ހުރަސްއަޅާ އެންމެބޮޑު އެއްޗަކީ އިންސާނީ ޙައްޤުތަކާއި ކުޑަކުދިންގެ ޙައްގުތަކުގެ ނަމުގައި ގެންގުޅޭ ހަންފެތުރުމެވެ.
