ތަޤްވާވެރިކަމުގެ ދިރާސާ

رَقَائِق (ހިތްތައް މަޑުމޮޅިކުރުން) ގެ ތެރެއިން...

ޝައިޚް އަޙްމަދު ފަރީދު

ސަލަފުންގެ ސިފަތަކުގެ ތެރެއިން]

ސަލަފުންގެ އަދަބުވެރިކަމާއި އަޚްލާޤަށް ބަލާއިރު އެބޭކަލުން ވަރަށް ސަމާލުވެލައްވައިގެން އެބޭކަލުންގެ ތަޤްވާވެރިކަން ދިރާސާ ކުރައްވައެވެ. އަދި ދުވަހަކުވެސް އެ ސިފަ އެބޭކަލުންނަށް ލިބިވަޑައިގެންފައިވާ ކަމަށް ދަޢްވާއެއް ނުކުރައްވަވައެވެ. ﷲ ތަޢާލާ ވަޙީ ކުރައްވަނީ:

فَلا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى

ތިޔަބައިމީހުންގެ އަމިއްލަ ނަފްސުތަކަށް، ޠާޙިރުވެގެންވާ ބައެއް ކަމުގައި ނުދެކޭށެވެ! ތަޤްވާވެރިވީމީހުންގެ ކަންތައް އެއިލާހު ދެނެވޮޑިގަތުން ބޮޑެވެ.

(ސޫރަތު އައް-ނަޖްމު 32)

ރަސޫލާ )صلى الله عليه وسلم (ހަދީޡް ކުރެއްވިއެވެ. [ތަޤްވާވެރިކަން ވަނީ މިތާނގައެވެ.] އަދި އެކަލޭގެފާނު އިޝާރާތް ކުރެއްވެވީ ހިތަށެވެ.(މުސްލިމް 16/120.121)

ޢުމަރު ބިން ޢަބްދުލް ޢަޒީޒް (رحمه الله) ޢާންމު ގޮތެއްގައި ވިދާޅުވެއެވެ. [ދުނިޔެމަތީގައި ނުވަތަ އާޚިރަތުގައި އެމީހަކު ލަދުވެތިކުރަނިވި ޢަމަލެއް ނުވަތަ ބަހެއް އޭނާ އަށް ލިބިގެންވާ ހިނދެއްގައި އޭނާ އަށް ތަޤްވާވެރިކަމަށް ވާޞިލެއް ނުވެވޭނެއެވެ. ]އެއްފަހަރަކު އެކަލޭގެފާނާ ސުވާލު ކުރެވުނެވެ. [އަޅުވެރިއަކު އޭނާގެ ތަޤްވާވެރިކަމުން އެންމެ މަތީ ދަރަޖައަށް ވާޞިލު ވަނީ ކޮން ހިނދަކު ހެއްޔެވެ؟] އެކަލޭގެފަނު ޖަވާބުގައި ދެންނެވިއެވެ. [އޭނާ، އޭނާގެ ވިސްނުންތަކާއި އެދުންތައް ހިތު ތެރެއިން ނެރެލާ އެއަށްފަހު އެތަކެތި ތަށްޓަކަށް ލައިގެން ބާޒާރުގައި އެގޮތް މިގޮތަށް ހިނގާލާށެވެ. އޭނާ އެތާގައިވާ އެއްވެސް ކަމަކާ ލަދުގަނެގެން ނުވާނެއެވެ.] އަދިވެސް އެކަލޭގެފާނު ޢާންމުގޮތެއްގައި ވިދާޅުވެލައްވައެވެ. [ތަޤްވާވެރީންގެ ޢަލާމާތަކީ އިޙްރާމް ބަނދެގެން ހުންނަ މީހާ ވާހަކަ ދެއްކުމުން ރައްކައުތެރިވާ ފަދައިން، ވާހަކަދެއްކުމުން ރައްކައުތެރިވެ ހުރުމެވެ. ތަޤްވާވެރިއަކު ޝަރީޢަތުގެ ޢިލްމުގައި ޢިލްމުވެރިއަކަށް ވާންޖެހޭނެއެވެ. އެހެންނޫންނަމަ އޭނާގެ ތަޤްވާވެރިކަން އޭނާއަށް ނޭންގި އޭނާގެ ކިބައިން ފިލައިގެން ހިނގައިދާނެއެވެ.]

އަބޫ ދަރްދާ (رضي الله عنه) ވިދާޅުވިއެވެ. [ތަޤްވާވެރިކަން ފުރިހަމަ ވުމުގެ ތެރެއިން ހިމެނޭ ކަމަކީ، ޒައްރެއްގެ މިންވަރުގެ ކަމަކާއި މެދުވެސް، އަޅާ އޭނާގެ ވެރި ރައްބަށްޓަކައި ބިރުވެތިވުމެވެ.]

އަބޫ ހުރައިރާ (رضي الله عنه) ގެ އަރިހުގައި ތަޤްވާއާއި ބެހޭގޮތުން ސުވާލު ކުރެވުނެވެ. އެކަލޭގެފާނު ވިދާޅުވިއެވެ. [އެއީ ކަށި ގިނަ މަގެކެވެ. އެމަގުގައި ހިނގާ މީހަކަށް އިންތިހާއަށް ކެތްތެރިކަން ބޭނުންވާނެއެވެ.]

ސުފިޔާނުއް-ޡައުރީ (رحمه الله) ވިދާޅުވިއެވެ. [އެބަޔަކާ މުޚާތަބުކޮށް، ކަލޭމެން ﷲ އަށް ބިރުވެތިވާށޭ ބުނެވިއްޖެނަމަ އެކަމަށް ލޯބި ކުރާބަޔަކާ ތިމަންމެންނާއި ބައްދަލުވިއެވެ. އެހެންނަމަވެސް މިއަދު މިފަދައިން ބުނެވިއްޖެނަމަ މީހުން މިކަމާ ހިތްހަމަ ނުޖެހޭތަން ތިބާއަށް ފެންނާނެއެވެ]

މީހަކު ފުދައިލް އިބްނި އިޔާދު (رحمه الله) ގެއަރިހުގައި ސުވާލު ދެންނެވިއެވެ. [ތިމަންނާ އުޅުމަށް ކަލޭގެފާނު އެދިވަޑައިގަންނަވަނީ ކޮން ޤައުމެއްގައި ހެއްޔެވެ؟] ފުދައިލް ޖަވާބުގައި ވިދާޅުވިއެވެ. [ތިބާއާ ތިބާގެ ޤައުމާ އެއްވެސް ގުޅުމެއް ނުވެއެވެ. އަދި ތިބާއަށް އެންމެ ރަނގަޅު ޤައުމަކަށް ވާންޖެހޭނީ ތިބާއަށް ތަޤްވާވެރިކަން އެންމެ ބޮޑަށް ހާޞިލު ކުރުމަށް އެހީތެރިވެވޭނެ ޤައުމެކެވެ.]

އޭ އަޚާއެވެ! ތިބާގެ ނަފްސު ދިރާސާ ކުރާށެވެ! އަހަރެމެންގެ އިސްވެދިޔަ ސަލަފުން ﷲ އަށް ބިރުވެތިވި ފަދައިން ތިބާ އަށް ﷲ އަށް ބިރުވެތިވެވޭ ހެއްޔެވެ؟ ނޫނީ މިކަމުގައި ތިބާ އަށް ވަނީ އިޙްމާލުވެވިފަ ހެއްޔެވެ؟ ﷲ ހަޟްރަތުން ފާފަފުއްސެވުމަށް އެދޭށެވެ. އެހެނީ ހުރިހާ ޙަމްދެއްގެ ވެރި ފަރާތަކީ އުޑުތަކާއި ބިމުގެ ވެރި އިލާހެވެ.

އަޞްލު: www.sunnahonline.com

04 ޑިސެމްބަރު 2009 -[

www.click4islam.com