ކިޔަމަންތެރި ވަލީވެރިން
رَقَائِق (ހިތްތައް މަޑުމޮޅިކުރުން) ގެ ތެރެއިން...
ސަހުމް ވިދާޅުވިއެވެ: އަލްހަޒާރް ބުން ހަޒަރަމޭއާއިއެކު އަހަރެމެން ޖިހާދަށް ނިކުތީމެވެ، އަދި އޭނާ ތިން ދުޢާ އެއް ކުރިއެވެ، އަދި ﷲ އެހުރިހާ ދުޢާތަކެއް އިޖާބަކުރެއްވެވިއެވެ. އަހަރެމެނެ އޭނާއާއެކު ދަތުރުކޮއްފައި ދިޔައީމެވެ. ދަތުރު މަތީގައި އަހަރެމެން މަންޒިލަކަށް ފާބައިފީމެވެ. އަދި ވުޟޫ ކުރުމަށްޓައި ފެންފޮދެއް ހޯދަން އުޅެފީމެވެ. އަހަރެމެންނަކަށް ވުޟޫކޮށް ހަދާނޭ ފެނެށް ނުލިބުނެވެ. އެއަށްފަހު އޭނާ ތަޔަންމަމު ކޮށްގެން ދެރަކްޢަތް ނަމާދެއްކުރިއެވެ .ދެއަތް އުފުލައި ދުޢާކުރަންފެށިއެވެ. "اللهم يا عليم يا حليم يا علي يا عظيم އަޅަމެންނީ އިބަ އިލާހުގެ އަޅުންނީމުއެވެ، އަޅަމެން މިހަނގުރާމަކުރަނީ އިބައިލާހުގެ މަގުގައި އިބަ އިލާހުގެ އަދުއްވުންނާއެވެ. އަޅަމެން އެއިން ފެންބުއިމަށްޓަކައި އަޅަމެނަށް ފެން ދެއްވާށި! އަދި އަޅަމެން ހަދަޘުން ޡާހިރުވެގަތުމަށްޓަކައި ވުޟޫ ކުރާނޭ ފެން ދެއްވާށި! އަދި އަޅަމެން އެފެން ދޫކޮށް ހިނގައްޖެނަމަ އަޅަމެން ފިޔަވައި އެހެން އެއްވެސް ބަޔަކަށް އެފެނުން ނަސީބެއް ނުކުރުއްވާށި!"
އޭނާގެ މިދުޢާއަށްފަހު ދެން އަހަރެމެން ތަންކޮޅަކަށް ދިޔަތަނާ ފެނުނީ ވާރޭފެނުގެ ކޯރެކެވެ. އަހަރެމެން އުފަލުން އެފެންގަންޑުގެ ކައިރިއަށް ގޮސް ފެންބޮއެ ވުޟޫކޮށް އަހަރެމެންގެ ކަންވާރުތައް ފުރާލައިގެން ދަތުރަށް ފަށާފީމެވެ. އަހަރެން ހިތާހިތާ ބުނެލީމެވެ. "މީނާގެ ދުޢާ ފުރިހަމަޔަށް ﷲ އިޖާބަކުރިތޯ އަހަރެން ބަލާނަން." އަހަރެމެން މޭލެއްހާ ދުރަށް ދިއުމަށް ފަހު އަހަރެންގެ އެކުވެރިން ކިބައިން އިޒުނަހޯދުމަށް ފަހު އެންބުރި ފަހަތަށް އެފެންގަނޑާ ހަމަޔަށް ހިންގައްޖެއީމެވެ. އަހަރެން އެތާގައި ބަހައްޓާފައި އައި ކަންވާރެއް ބަލައެވެ. سبحان الله އެތަނެކޭ ދުވަހަކުވެސް ފެންފޮދެއް ނުޖެހޭތަނެކޭ އެއްފަދައެވެ. އަހަރެންގެ ގައިން ހީބިހި ނަގައިގެން ދިޔައެވެ. އަދި ހައިރާންކަމާއެކު ފެންކަޅި ވެވިއްޖެއެވެ. ﷲ މިވަނީ އޭނާގެ ފުރަތަމަ ދުޢާ އިޖާބަ ކުރައްވައިފައެވެ. ދެން އަހަރެން އަހަރެންގެ ކަންވާރު ހިފައިގެން އެންބުރިއައިސް ގާފިލާޔާ ހަމަކޮއްފީމެވެ. އެއަށް ފަހު ދަތުރުކުރަމުން ގޮސް ބަހުރައިނީގެ ދާރައިނީއޭ ކިޔޭ ރަށާ ހަމަޔަށް އާދެވިއްޖެއެވެ. އަހަރެމެންނާ ޢަދުއްވުންނާ ދެމެދުގައި އޮތީ މާސިންގާ ބޮޑު ކަނޑެވެ. އެހިސާބުންވެސް އޭނާ ދެއަތް އުފުލައި ﷲއަށް ދުޢާކުރަން ފެށިއެވެ. "اللهم يا عليم يا حليم يا علي يا عظيم އަޅަމެންނީ އިބައިލާހުގެ އަޅުންނީމުއެވެ. އަދި އަޅަމެން ހަންގުރާމަމިކުރަނީ އިބައިލާހުގެ މަގުގައި އިބަ އިލާހުގެ އަދުއްވުންނާއެވެ. ފަހެ އިބައިލާހުގެ އަދުއްވުންނާ ހަމަޔަށް ދެވޭނޭ ފަދަ މަގެއް އަޅަމެންނަށް ލައްވާށި!" އޭނާގެ މިދުޢާ ހަމަ ނިމުމާއެކު އަހަރެމެންނާއެކު އަހުގެ މަތީގައި ކަނޑާދިމާލައް ދުއްވަން ފެށިއެވެ. އަހަރެމެން ހައިރާންވެ އަންތަރީސްވެއްޖެއެވެ. ކަނޑުގެ ލޮނުގަންޑުމަތީގައި އަހުގައި އެކަނޑުގެ އެއްފަރާތުން އަނެއްފަރާތަށް އަހަރެމެން ދިޔައިމެވެ. އަހަރެމެންގެ ގައިން އެންމެ ތަންކޮޅެއްވެސް ނުތެމެއެވެ. سبحان الله އޭނާގެ ދެވަނަ ދުޢާވެސް ﷲ މިވަނީ ވަގުތުން އިޖާބަ ކުރައްވައިފައެވެ. އަހަރެމެން ކަނޑު ހުރަސްކޮށް އެތައް ހިސާބަކަށް ދިޔަ ފަހުން އޭނާގެ ބަނޑުގައި ރިއްސާތީ އުޅެލާފައި މާގިނަ އިރުތަކެއްނުވެ އޭނާ މަރުވެއްޖެއެވެ. انا الله و انا اليه راخعون ދެން އަހަރެމެން ބަލާލިއިރު އޭނާ ހިނަވާނޭހާ ފެނެއް އަހަރެމެންގެ އަތަކު ނެތެވެ. ދެން އޭނާގެ ހެދުން އެއީ ކަފުނެއްކަމުގެއި ބަލައި އޭނާ އެއޮތް ހާލަށް އޭނާ އެތާގައި ވަޅުލައިފީމުއެވެ. އެއަށްފަހު އަހަރެމެން ކުޑަ ތަންކޮޅަކަށް ކުރިޔަށް ޖެހިލިތަނާހެން ބޮޑު ފެންގަނޑެއް ފެނުނެވެ. އަހަރެމެން އެއްބަޔަކު އަނެއްބަޔަކަށް މަށްވަރާކޮށްފައި ނިންމީ އެންބުރި ގޮސް އޭނާގެ ކަށްވަޅުން ނެގުމަށް ފަހު ހިނެވުމަށެވެ. އަހަރެމެން އެންބުރިގޮސް އޭނާގެ ޤަބުރު ވަޅުލިތަން ކޮނެފީމެވެ. އަހަރެމެންނަކަށް އޭނާގެ ގަބުރެއް ނުފެނުނެވެ. ވީނުވީއެއްވެސް ނޭންގުނެވެ. އަހަރެމެންގެ ތެރެއިން މީހަކު ތެދުވެ ވާހަކަދައްކަން ފެށިއެވެ. އޭނާގެ ދެލޯ ވަނީ ފެންކަޅިވެފައެވެ. އަޑުގައިވަނީ ތުރުތުރުއެޅުމެވެ. އޭނާއަށް ވަނީ ވަރަށް ބޮޑަށް އަސަރުކޮއްފައިކަން މޫނުމަތިން އެންގެއެވެ. އޭނާބުނި އޭނާ ﷲއަށް ދުޢާ ދެންނެވިއަޑު އަހަރެން އެހިން "اللهم يا عليم يا حليم يا علي يا عظيم سبحان މިއަޅާ މަރުވުމަށް ފަހު މިއަޅާގެ ހަށިގަނޑު ފޮރުއްވަވާށި! ހިނަވާމީހުންނަށްވެސް އެއްވެސް މީހަކަށް މިއަޅާގެ ޢައުރަ ނުދައްކަވާށި!" سبحان الله! الله سبحانه وتعالا މިވަނީ އޭނާގެ ތިންވަނަ ދުޢާ ވެސް އިޖާބަ ކުރައްވައިފައެވެ. އެއީ އޭނާ މަރުވުމައްވެސް ފަހުގައެވެ. މިވީކަންތަކާއިމެދު އަހަރެމެން ހައިރާންވެ އަޖާބުވެގެން ތިބެ އޭނާއަށް ރަހްމަތް ލެއްވުންއެދި ދުޢާ ކުރަމުން އަހަރެމެން އެންބުރި އަތުވެއްޖެއީމެވެ.
ލޮބުވެތި އަޙުންނާ އުޙްތުން، އެކުވެރި ކިއުންތެރިން. ﷲ ގެ މަގުގައި ހަންގުރާމަ ކުރަމުންދާ އެއިލާހުގެ ވަލީން އެއިލާހުގެ މުޖާހިދުންނަށް އެކިޒަމާން ތަކުގައި އެއިލާހު ކަރާމާތްތައް ފާޅުކުރައްވަމުން ގެންދަވައެވެ. އެހެން ނުވާންވީ އެއްވެސް ސަބަބެއް ނެތެވެ. އެހެނީ އެބައި މީހުންނަކީ ﷲ ގެ މަގުގައި އެއިލާހުގެ ޢަދާވާތްތެރިންނާ ހަންގުރާމަކުރަމުންދާ އެއިލާހުގެ ކިޔަމަންތެރި ވަލީންނެވެ. އެބޭކަލުންނަކީ ދުނިޔެއާއި އާޙިރަތުގައި ﷲ ގެ މަދަދު އެބައިމީހުންނަށް ލިބިގެންވާ މާތް ބޭބޭކަލުންނެވެ.
އަޞްލު: http://www.raajjeislam.com ގައި ޝާއިޢުކުރި އޯޑިއޯއަކުން
15 ނޮވެމްބަރު 2009 -
www.Click4islam.com
