ވިސްނުމަށް ރޯދައިގެސަބަބުން ކުރާ ފައިދާ
މާތްﷲ ވަޙީކުރަށްވާފައިވާ ބަސްފުޅެއްގެ މާނައިގައިވެއެވެ " އޭ إيمان ވެއްޖެ މީސްތަކުންނޭވެ! ތިޔަބައިމީހުންގެ ކުރީގެ މީހުންގެ މައްޗަށް فرض ކުރެއްވި ފަދައިން ތިޔަބައިމީހުންގެ މައްޗަށްވެސް ރޯދަ فرض ކުރައްވައިފިއެވެ. (އެއީ) ތިޔަބައިމީހުން تقوى ވެރި ވުމަށްޓަކައެވެ"(بقرا 183)
ކީރިތި ޤުރުޢާނުގައި ރޯދަ ފަރުޟު ކުރެއްވެވިއްޖެކަމަށް އެންގެވި ފުރަތަމަ ޢާޔަތުންވެސް ރޯދައިގައިވާ އެންމެ ބޮޑު ފައިދާއަކީ ތަޤުވާވެރިވުންކަން އެނގިގެންދެއެވެ. އެއީ ހިތްއެދޭއެތައްކަމަކުން ނަފްސުކޮންޓްރޯލްކޮށްގެންނެވެ. ފަހެ ނަފްސުކޮންޓްރޯލް ކުރުމަކީ ވަރަށްގިނަ ދީންތަކުގައި އެބައިމީހުންގެވެސް އަޅުކަންތަކުގައިހުންނަ ސިފައެކެވެ. އާދެ ގިނަމީހުންނަށް އެންމެއިރެއްގެ ކެއުން ދޫކޮށްލުންވެސް މިވަނީ އުނދަގޫކަމަކަށެވެ. ނަމަވެސް މުސްލިމުން އެއްމަސްދުވަސް ވަންދެން ދުވާލުގަޑީގެ ހުރިހާއިރެއްގެ ކެއުން މާތްﷲ ގެ ރުއްސެވުން އެދިގެންވަނީދޫކޮށްލާފައެވެ. އަދި ސައިކޮލޮޖީގެ ދާއިރާގެ ފައްނީބޭފުޅުން ކުރެއްވި ދިރާސާތަކަކުން އެނގޭގޮތުގައި ގިނަ އިރު ނުވަތަ ގިނަ ދުވަސްތަކެއްވަންދެން ނަފްސު ކޮންޓްރޯލް ކުރުމުން ދިރިއުޅުމުގެ ދިގުރާސްތާގައި އެފަދަ މީހުންނަށް ނުވަތަ ކުދިންނަށް ވަރަށް ބޮޑެތި ފައިދާތަކެއްވެއެވެ. އެބައިމީހުން ކުރި އެއްދިރާސާއެއްގައި ކުޑަކުދިންތަކަކަށް އެމީހުންގަޔާވާފަދަ މެޓާ ނުވަތަ ކުޅޭތަކެތި ބަހައްޓައިފައި ވަކި ވަގުތެއްޖެހުމުގެ ކުރިން އެތަކެތީގައި އަތްނުލުމަށް ބުންޏެވެ. މިދިރާސާގައި އެކުދިންގެ ނަފްސު ކޮންޓްރޯލް ކުރެވުނު ކުދިން އޭގެ 14 އަހަރުފަހުން ބެލިބެލުމުން އެނގުނުގްތުގައި (އެކްސްޒެކިއުޓިވް ފަންކްޝަނިން) (ސައިކޮލޮޖިސްޓުން ވިސްނުމުގެ ސިފައަކަށް ކިޔާނަމެއް) މާބޮޑުތަނުންވެސް އެކުދިންގެ ގައިގައި ބޮޑެވެ، އެއިގެ ތެރޭގައި މައްސަލައިގެ ޙައްލު އަވަހަށް ހޯދުމާއި، ރަނގަޅުނިންމުން ނިންމަންއެނގުމާއި ،އެއްމަސައްކަތުން އެހެން މަސައްކަތަކަށް ބަދަލުވުމަށް ފަސޭހަވުމެވެ.އަދި ޑިވެލޮޕްމެންޓް ސައިކޮލޮޖިސްޓުން ގަބޫލުކުރާގުތުގައި ނަފްސު ކޮންޓްރޯލް ކުރުން ދިގުރާސްތާގައި އެކުއްޖަކަށް ދިރިއުޅުމުގައި ކާމިޔާބީ ލިބުމަށް (އައި ކިއު) އަށްވުރެވެސް މުހިއްމު ރޯލެއްކުޅެއެވެ.
ދެންވިސްނާލަންޖެހޭކަމަކީ ނަފްސު ކޮންޓްރޯލް ކުރުމުގެސަބަބުން ދިރިއުޅުމުގެ ކާމިޔާބީއާވަނީ ކޮންގުޅުމެއްކަމެވެ؟ ތިމާގެ ހިތްއެދޭހާކަމަކަށް ނުގޮސް ތިމާގެ ނަފްސު ކޮންޓްރޯލްކުރުމަށްޓަކާ ނުގުޑާފަދަ އަޒުމަކާއި ،ވަރަށްވެސް ވަރުގަދަ ހިތްވަރެއް ބޭނުންވާނެއެވެ. އެއީ ކަމެއް ޙާސިލްކުރުމަށް ބޭނުންވާނެ އަސާސީ ކަންތައްތަކެވެ. ރޯދައަކީ އެއިގެ ޒާތުގަވެސް މީހުން އެބައިމީހުން އެންމެބޮޑަށް އެދޭ ކަންތައްތަކުން ގިނަ އިރުތަކެއްވަންދެން ދުރުވެ ހުންނަންޖެހޭކަމެކެވެ. އާދެ މިކަމަށްވެސް ނުގުޑާފަދަ އަޒުމަކާއި ހިތްވަރެއް ބޭނުންވާނެއެވެ. މިހުރިހާކަމެއް އެއްވުމުން ނަފްސު ކޮންޓްރޯލް ކުރުމޭބުނެވިދާނެއެވެ.
ހަށިގަނޑުގެ އެހެނިހެން ކަންކަމަށް ރޯދައިގެ ސަބަބުން ލިބޭފައިދާތަށް ވަރަށްގިނައިން އަޑުއިވެއެވެ. މިސާލަކަށް ބަރުދަން ލުއިވުން، ސެލް ތަކަށް ލިބޭ ފައިދާ، މުސްކުޅިވުން ލަސްކޮށްދިނުން އަދި ހަކުރުބަލި ފަދަބޮޑެތި ބަލިތައްކުން ރޯދަވެރިޔާ ދުރުކޮށްދެއެވެ. ނަމަވެސް އަޅުގަނޑުމެންނަށް އަޑުނީވެ އޮންނަނީ ރޯދައިގެ ސަބަބުން ލިބޭ ސައިކޮލޮޖިކަލް ފައިދާތަކެވެ. ރޯދަވެރިޔާގެ ވިސްނުމުގެ ސިއްޙަތަށް ކުރާ ހެޔޮ އަސަރުތަކެވެ. މޫޑު ރަނގަޅުވުން - ގިނަ ވަގުތުތަކެއް ރޯދައަށް ހުރުމުން ހާއްސަކޮށް އަންހެނުންނަށް ވަރަށް ބޮޑު ކަމެއް ހާސިލް ކުރެވުމުގެ އިޙްސާސް ކުރެވި މީހާގެ ސެލްފް-އެސްޓީމް އަށް އެދެވޭ ހެޔޮ އަސަރުތަކެއްކުރެއެވެ. މި އެދެވޭ ހެޔޮ ބަދަލުތައް އަންނަ ސަބަބަކީ (އިއުފޯރިއާ) ނަމަކަށް ކިޔާ ހޯމޯންސް ރޯދައަށް ހުންނައިރު ރޯދަވެރިޔާގެ ހަށިގަނޑުން އުފަށްދާލެއް އިތުރު ކޮށްދެއެވެ، މިއީ ސިކުނޑިއަށް ތިމާއަށް އުފާވެރިކަން އިހްސާސް ކުރުވުމަށް ވަރަށް ބާރުގަދަ ރަނގަޅު ހޯމޯންސް އެކެވެ. ސުޓްރެސް އަތި އެންޝިއެޓީ ދަށްކޮށްދިނުން - ރޯދައިގެ ސަބަބުން ސިކުނޑިން ޑިޕްރެޝަންއަށް މީހާ ދިޔަނުދީ ހިފަހަށްޓައިދޭން ބޭނުންކުރާ ޕްރޮޓިންސް އުފައްދައިދެއެވެ. މީގެ ސަބަބުން ސްޓުރެސް ގެ މިންގަނޑު ދަށްކޮށްދީ އެންޝިއަޓީއާއި މީހާ ދުރު ކޮށްދެއެވެ. ރޯދައިގެ ސަބަބުން މިބުނި ކަންކަމަށް އަންނަ ހެޔޮ އަސަރު ބޮޑުކަމުން އެކަމުގެ ހާއްސަ ބައެއް ފަންނީ ބޭފުޅުން ޑިޕްރެޝަންއާއި ހަނގުރާމަ ކުރުމަށް ރޯދަށް ހުރުން އެކަމުގެ ފަރިވާއެއްގެ ގޮތުގަްއި ރަސްމީކޮން ހިފަންފެށުމަށް ވަނީ ލަފާދޭން ފަށާފައެވެ. ކަންކަން ހަނދާނުގައި ބަހަށްޓަން ފަސޭހަވުން - ރޯދައިގެ ސަބަބުން ސަމާލުކަންދީގެން ކަންކަން ކުރަން ފަސޭހަވުމުން އެކަންތައްތައް ގިނައިރު ހަނދާނުގައި ހުރެއެވެ. އަދި ރޯދައަކީ ގަބުކަމުގެ ފަރުވާއެއްވެސްމެއެވެ. ނިދަންފަސޭހަވުން - ރޯދަހިފާ ގިނަބަޔަކަށް ނިދީގެ އަރާމުކަން އިތުރުވެ ނިދަން ފަސޭހަވިކަމަށް ބުނެފައިވެއެވެ. އެއީ ތިމާގެ މޫޑަށް އަންނަ ހެޔޮބަދަލް ތަކެއްގެ ސަބަބުންނެވެ. އަދި އަރާމު ނިދި ލިބޭނަމަ ދުވަހުގެ ހުރިހާ މަސައްކަތަކަށްވެސް އެކަމުގެ ހެޔޮ އަސަރުކުރެއެވެ. ރޯދައަކީ ގިނަބަޔަކަށް އުނދަގޫ ކަމެކެވެ - ކާބޯތަކެތިން ދުރުވެ ދުވަހެއް އެއްކޮން ހުރުމަކީ އެހާ ފަސޭހަކަމަކަށް ނުވެދާނެއެވެ. އަދި މިތާ ހަނދާން ކޮށްލަންޖެހޭ އަނެއްކަމަކީ ހަމައެކަނި ހުއްޓާލައިގެން ހުންނަނީ ކާބޯތަކެތި އެކަންޏެއްނޫނެވެ. ދީނުގައި ނޭދެވޭ އެންމެހާ ކަންކަމުންވެސް ހުންނަންވާނީ ދުރުވެއެވެ. މިކަމުގެ ސަބަބުން އަހަރުމެންނަށް ނަފްސު ކޮންޓުރޯލް ކުރަންދަސްވެ، މާތްﷲ އަށް ތަޤުވާވެރިވެވި. މާތްﷲ އަށް އަދާކުރާ އަޅުކަންތައްތަކުގައި ހުޝުއަތްތެރިވެއެވެ .
މިއީ ހެޔޮއެދޭ ފަރާތަކުން މިވެބްސައިޓް އަށް ހަދިޔާ ކޮއްފައިވާ ލިޔުމެކެވެ. (جزاها الله خير)
www.haqqubooks.com
