އައް-ޠާއިފަތުލް މަންޞޫރާ

- ޝައިޚް އަބޫ މުޙައްމަދު އަލް-މަޤްދިސީ - |

އަދި ކާމިޔާބު ލިބެނިވި ބައިގަނޑާއިމެދު ނަބިއްޔާ صلى الله عليه وسلم، ބަޔާންކޮށްދެއްވި އެއްޗަކަށް އަހަރެމެން އީމާންވަމެވެ. އެކަލޭގެފާނު ޙަދީޘްކުރެއްވިއެވެ. “ތިމަންކަލޭގެފާނުގެ އުއްމަތުގެ ތެރެއިން ބަޔަކު ޙައްޤުގެ މަތީގައި، (އެބަހީ: ﷲ سبحانه وتعالى، ގެ މަގުގައި) ހަނގުރާމަ ކުރުމުގައި ޤިޔާމަތް ދުވަހާ ޖެހެންދެން ދެމިތިބޭނެއެވެ. އަދި މަރްޔަމްގެފާނުގެ ދަރިކަލުން ޢީސާ عليه السلام، ފައިބާ ވަޑައިގަންނަވާނެއެވެ. އެހިނދު އެބައިމީހުންގެ އަމީރު ދަންނަވާނެއެވެ. [ވަޑައިގެން އަޅުގަނޑުމެންނާއި އެކު އިމާމްވެ ނަމާދު ކޮށްދެއްވާށެވެ!] އެހިނދު ޢިސާ عليه السلام ވިދާޅުވާނެއެވެ. [ނޫނެކެވެ! ﷲ سبحانه وتعالى ގެ ޙަޟުރަތުން މިއުއްމަތަށްވާ ޝަރަފެއްގެ ގޮތުން، ތިޔަބައިމީހުންނީ އެއްބައެއް އަނެއްބައެއްގެ މައްޗަށްވާ އަމީރުންނެވެ.]“ [ޖާބިރުގެ ކިބައިން މަރްފޫޢުކޮށް މުސްލިމް ރިވާކުރެއްވި ޙަދީޘެއް] އަދިވެސް އެކަލޭގެފާނު صلى الله عليه وسلم ޙަދީޘްކުރެއްވިއެވެ. “ތިމަންކަލޭގެފާނުގެ އުއްމަތުގެ ތެރެއިން ބަޔަކު، އެންމެ މަތިވެރި ﷲ سبحانه وتعالى، ގެ އަމުރުފުޅަށް، އެބައިމީހުންގެ ޢަދުއްވުންގެ މައްޗަށް ގަދަވެގެންވާ ޙާލު ހަނގުރާމަކުރުންމަތީ ދެމިތިބޭނެއެވެ. އެބައިމީހުންނާއި ދެކޮޅުވެރިވާ ބައެއްގެ ސަބަބުން އެބައިމީހުންނަކަށް ގެއްލުމެއް ނުވާނެއެވެ. އެގޮތުގައި ޤިޔާމަތް ވެއްޖައުމަށް ދާންދެން އެބައިމީހުން ދެމިތިބޭނެއެވެ.” [އުޤްބާ އިބުނު އާމިރުގެ ކިބައިން މަރްފޫޢުކޮށް މުސްލިމް ރިވާކުރެއްވި ހަދީޘެއް] އަދިވެސް ސަލަމާ އިބްނު ނުފައިލް އަލް ކިންދީ رضي الله عنهم ގެ ކިބައިން ރިވާވެގެން އައިސްފައިވެއެވެ. އެކަލޭގެފާނު ވިދާޅުވިއެވެ. ‘އެއްދުވަހު رسول الله صلى الله عليه وسلم، އާއި އެކު ތިމަން އިނީމެވެ. އެހިނދު މީހަކު އައިސް ދެންނެވިއެވެ. “އޭ ﷲ ގެ ރަސޫލާއެވެ! މީސްތަކުން އެބައިމީހުންގެ އަސްތަކުން ފައިބައި، ހަތިޔާރުތައް ބަހަށްޓައި މިހެން ކިޔަން ފަށައިފިއެވެ. ‘ޖިހާދެއް ނެތެވެ. އެހެނީ ހަނގުރާމަ އޭގެ ބުރަކަން ނެތިކޮށްފިއެވެ.’” އެހިނދު رسول الله صلى الله عليه وسلم އެކަލޭގެފާނު މޫނުފުޅު ދުރަށް އަނބުރާލައްވާ ޙަދީޘްކުރެއްވިއެވެ. “އެބައިމީހުން ދޮގު ހަދައިފިއެވެ. ފަހެ، މިހާރު ހަނގުރާމައިގެ ވަގުތު އައިސް ޖެހިއްޖެއެވެ. ތިމަންކަލޭގެފާނުގެ އުއްމަތުގެ ތެރެއިން ބަޔަކު، ޙައްޤުގެ މަތީގައި، ހަނގުރާމަކުރުންމަތީ، ކެނޑިގެން ނުގޮސް ދެމިތިބޭނެއެވެ. އަދި ބައެއްގެ ހިތްތައް ﷲ سبحانه وتعالى ފުރައްދަވާނެތެވެ. ޤިޔާމަތް ޤާއިމްވެއްޖައުމަށް ދާންދެން، އަދި ﷲ سبحانه وتعالى ގެ ވަޢުދު އަތުވެއްޖައުމަށް ދާންދެން އެބައިމީހުންގެ ފަރާތުން (ޣަނީމާގެ ގޮތުގައި) އެބައިމީހުންނަށް ރިޒްޤު ދެއްވާނެއެވެ. ޤިޔާމަތް ޤާއިމްވެއްޖައުމަށް ދާންދެން އަސްތަކުގެ އިސްތަށިގަނޑުގައި ހެޔޮކަންވެއެވެ. އަދި ތިމަންކަލޭގެފާނަށް، ޚަބަރު ކުރެއްވިގެންވަނީ، ތިމަންކަލޭގެފާނު މަރުވާނެ ކަމަށެވެ. ތިމަންކަލޭގެފާނު ތިޔަބައިމީހުންގެ ތެރޭގައި ނުހުންނާނެ ކަމަށެވެ. ތިމަންކަލޭގެފާނަށް ފަހު، ތިޔަބައިމީހުން އެންމެންވެސް ތަބަޢަވާނެކަމަށެވެ. (އެބަހީ މަރުވާނެކަމަށެވެ.) އެއްބަޔަކު އަނެއްބައެއްގެ ކަނދުރާތައް ކަނޑާ ޙާލުގައެވެ. އަދި މުއުމިނުންގެ މައިމަރްކަޒު ވާހުށީ ޝާމްކަރައިގައެވެ.”‘ [އައްނަސާއީގެ ކިބައިން ރިވާވެގެންވާ ޞައްޙަ ޙަދީޘެއް “ އެހެންކަމުން، މިބައިގަނޑަކީ، ކޮންމެ ދުވަސްވަރެއްގައިވެސް، މިދީނަށް ނަޞްރުދޭ ބައިގަނޑު ރަމްޒުކޮށްދޭ ބައިގަނޑެވެ. އަދި އެއީ ނަޞްރުދެވޭ ހުރިހާ ގޮތަކުން ﷲ سبحانه وتعالى ގެ ދީނަށް ނަޞްރު ދިނުމަށް އަވަސްވެގަންނަ، ހަނގުރާމަކޮށް ޖިހާދުކުރަމުންދާ ބައިގަނޑެކެވެ. އަހަރެމެން ﷲ سبحانه وتعالى ގެ ޙަޟްރަތުން އެދެނީ އަހަރެމެންވެސް އެބައިގަނޑުގެ އަހުލުވެރިންގެ ތެރޭގައި ލެއްވުމަށެވެ. އަދި އަހަރެމެންގެ ނިމުން، އެއިލާހުގެ މަގުގައި ޝަހީދުވުމާއިއެކު މިންވަރުކުރެއްވުމަށެވެ.

މަޞްދަރު: “މިއީ އަހަރެމެންގެ އަޤީދާ” / ތަރުޖަމާ: އަރްޤަމް ޕަބްލިކޭޝަންސް

www.click4islam.com