އަހަރެމެންނަކީ ކޮންފަދަ ނުބައި އަޅުންނެއް ހެއްޔެވެ؟

ހަސަން އަލްބަޞަރީ (رحمه الله)

ަ

ހަސަން އަލްބަޞަރީ (رحمه الله) ވިދާޅުވިއެވެ:

“އޭނާއަކީ، އޭނާގެ ވެރި އިލާހަށް ކޮންފަދަ ނުބައި އަޅެއް ހެއްޔެވެ؟ އަހުރެން މިވާހަކަ ދައްކަނީ ތިރީގައިވާ ބަޔާންކުރުންތަކާއި އެއްގޮތްވާ އަޅުގެ ވާހަކައެވެ.

1- އޭނާ ފާފަފުއްސެވުމަށް އެދެއެވެ. އެއީ ފާފަވެރި ނުކިޔަމަންތެރި ކަންތަކުގައި ހަރަކާތްތެރިކަމާއެކު ބައިވެރިގެން އުޅޭ ޙާލު އެވެ.

2- އޭނާ މަޑުމައިތިރި ކިޔަމަންތެރި ގޮތުގެ މަތީގައި އުޅެއެވެ. އެއީ އޭނާއަށް އަމާނާތްތެރިކަމުގެ ލަޤަބު ލިބިދާނެ ކަމަށެވެ. އެކަމަކު އޭނާ ހަމައެކަނި އެގޮތަށް ކަމަށް ދައްކަނީ، އޭނާގެ ޚިޔާނާތްތެރިކަން ފޮރުވުމަށްޓަކައެވެ.

3- އޭނާ ނުބައި ކަންތައްތައް މަނާ ކުރެއެވެ. ނަމަވެސް އޭނާގެ އަމިއްލަ ނަފްސުން އެކަންތަކުން ދުރެއް ނުވެއެވެ.

4- އޭނާ ހެޔޮކަންތައްތަކަށް އަމުރުކުރެއެވެ. ނަމަވެސް އޭނާ އިރުޝާދު ދޭ ގޮތާއި އެއްގޮތަށް ޢަމަލެއް ނުކުރެއެވެ.

5- އޭނާ ހޭދަކުރާ ކަމުގައި ވަނީނަމަ، އެކަން ކުރަނީ ވަރަށް ދަހިވެތިކަމާއިއެކުގައެވެ. އަދި އޭނާ މީސްތަކުންނަށް ހޭދަނުކޮށް ހިފަހައްޓާނަމަ އެކަމަކަށް މަޢާފަކަށް ނޭދޭނެއެވެ.

6- ރަނގަޅު ޞިއްޙަތެއްގައި އޭނާ ވެއްޖެނަމަ، އެކަމުން އޭނާ ސަލާމަތްތެރިކަން އިޙްސާސްކުރެއެވެ. ނަމަވެސް އޭނާ ބަލިވެއްޖެނަމަ، އެކަމާ ހިތާމަކުރެއެވެ.

7- އޭނާ ފަޤީރުވެއްޖެނަމަ އެކަމާއި ދެރަވެއެވެ. އަދި މުއްސަނދި ވެއްޖެނަމަ އަމިއްލަ ނަފްސުގެ އެދުންތަކަށް ލެނބެއެވެ.

8- ސަލާމަތްތެރިކަމަށް އޭނާ އެދެއެވެ. ނަމަވެސް އެއާއި އެއްގޮތަށް ޢަމަލެއް ނުކުރެއެވެ.

9- ޢަޛާބަށް އޭނާ ބިރުގަނެއެވެ. ނަމަވެސް އެކަމުން ސަލާމަތްވުމަށް ފިޔަވަޅެއް ނާޅައެވެ.

10- ގިނަ ފައިދާތައް ލިބުމަށް އޭނާ އެދެއެވެ. ނަމަވެސް އޭނާއަށް ލިބޭ ނިޢުމަތްތަކަށް ޝުކުރެއް ނުކުރެއެވެ.

11- ރޫޙާނީ ދަރުމައިގެ ވިސްނުމަށް އޭނާ ރުހެއެވެ. ނަމަވެސް އޭނާ ކެތްތެރިއެއް ނުވެއެވެ.

12- އޭނާ ނިދުން ގިނަކުރެއެވެ. އަދި ރޯދަ ހިފުން ފަސްކުރެއެވެ.“

މަޞްދަރު: www.islaam.com

20 ޖުލައި 2010 -

www.click4islam.com