ޢައްޒާގެ ހަނގުރާމަ "ޠޫފާނުލް އަޤްޞާ" އިން ވިސްނުމަށް ގެނުވާ ކަންކަން :
ފަހެ ޣައްޒާއަށާއި އިސްލާމީ އުއްމަތަށް ނަޞްރުދިނުމަށް އެދޭމީހާ 1 ދުވަހުން ބޮންތީގައި ހިފަން ނުވިސްނާށެވެ. އެހެނެއްކަމަކު އޭނާގެ މުޅި ޙަޔާތަކީ ޣައްޒާއާއި އިސްލާމީ އުއްމަތަށް ނަޞްރުދިނުންކަމުގައި ހަދާށެވެ.
އެގޮތުން ފިކުރީގޮތުން ވިސްނަންވީ ބައެއް މުހިއްމު ކަންކަމުގެ ތެރޭގައި:
ޢިލްމަށް އިސްކަންދިނުން: ކޮންމެ ދުވަހަކުވެސް ކޮންމެވެސް މިންވަރަކަށް ފޮތް ކިޔުމަކީ އާދައަކަށް ހަދާށެވެ. (އެގޮތުން ތާރީޚީ ފޮތްތަކާއި ޢަދުއްވުންގެތެރޭގައި ތިބި މުފައްކިރުންގެ ފޮތްތައްވެސް ކިޔާށެވެ. އެހެނީ ތާރިޚުގައި ތިބާއަށް ޢިބުރަތް ވެއެވެ. އަދި ޢަދުއްވުންގެ މުފައްކިރުންގެ ފޮތްތަކުގައި އެބައިމީހުންގެ ވިސްނުމާ ފިކުރުސާފުކޮށް ބަޔާންވެގެން ވެއެވެ. އެހިނދުން ތިބާ އެމީހުނާ ކުރިމަތިލާއިރު ޢަދުއްވުންނަށް އެންމެ ވޭންއަޅާނެ ދިމާލަކީ ކޮބައިކަން ރަނގަޅަށް އެނގޭނެއެވެ.)
ދުނިޔޭގެ މަސްރަޙަށް ލޯހުޅުވައި ހިނގަމުންދާ ކަންތައްތަކަށް ނަޒަރު ހިންގުން، އަދި އިމްޕޯޓްމުދަލަށް ބަރޯސާނުވެ، އަމިއްލަ ފުދުންތެރިކަމަކަށް ވިސްނުން.
އިޤްތިޞާދު ދައުރުވަމުންދާ ގޮތާއި، އަސާސީ ޚިދުމަތްތައް ޒަމާނީ ވަޞީލަތްތަކަށް ލެނބިފައި އޮތްއޮތުމަށް ހައްލެއް ގެނައުން، އަދި މިއަދުގެ ޓެކްނޮލޮޖީއާއި ނުލައި އެއަސާސީ ޚިދުމަތްތައް ލިބޭނެ ގޮތަކަށް ދިރިއުޅުން ބިނާކުރުން. އެހެނީ ބަޔަކާއި ކުރިމަތިލާއިރު، ހާސްކޮށްލާ، ހެދޭނުހެދޭ ނޭނގޭ ހިސާބަށް މީހާދުއްވާލުމަކީ އެމީހާގެ މައްޗަށް ކާމިޔާބު ހޯދަން ދާދި ފަސޭހަކަމެކެވެ. އެހެންކަމުން ޢަދުއްވުންނަކީ ހަމައެއް ލަމައެއް އަޚުލާޤެއް ނުހުންނާނެ ބައެއްކަމުން މުސްލިމުން އެކާފިރުންނާ ކުރިމަތިލާއިރު އެފަދައިން ވިސްނުން ގެންގުޅުން އުނދަގޫޙާލަތުގައި މީހާގެ ނަފްސު ކޮންޓްރޯލްކޮށް ހަމަވިސްނުމަށް ދިއުމަށް ފަސޭހަވެއެވެ.
ދިމާވާ ހުރަސްތަކުގައި ނުވަތަ ޢަދުއްވުންގެ ކުރިމަތީގައިވިޔަސް، އެކަންކަމަށް ބޯލެނބުމުގެ ބަދަލުގައި ކުރިމަތިލުން، އެހެނީ ނަޞްރުވަނީ ގަދަމީހާ އަކަށްނޫނެވެ. ނަޞްރުވަނީ ހިތްވަރުގަދަ މީހާއަށެވެ. ކާފިރުން ކިތަންމެ ވަރުގަދަވެފައި އަޔަސް ތިބާ ހިތްވަރުކޮށްލައިފިނަމަ އެމީހުން ތިބާގެކުރިމަތީ ބަލިވެ ފުރަގަސްދޭނެއެވެ.
ވަށައިގެންވާ މާޙައުލުގައި ފަސޭހައިން ލިބެންހުންނަ ކާބޯތަކެއްޗަކީ ކޮބައިތޯ ބަލައި ، ދަތި އުނދަގޫވެދާނެ ދުވަސްވަރަކަށްބަލައި އެފަދަ ގަސްގަހާގެހި ހަައްދާ އާލާކުރުމުގެ ޘަޤާފަތެއް ދިރުވުން.
ފަސްޓް އެއިޑް ނުވަތަ އަވަސްފަރުވާގެ ކަންކަމަށް ޢާންމުންގެ މެދުގައި ހޭލުންތެރިކަން އިތުރުކޮށް، ޢާންމުބަލިތަކާއި، އެކަމަށްބޭނުންވާ ބޭސްފަދަތަކެތި ދަނެގަނެ، އެފަދަ ތަކެތި އަބަދުވެސް ދުރުމުސްތަޤްބަލަކަަށް ވާވަރަށް ރައްކާކުރުން . އެހެނީ ޖިހާދީރޫޙެއްގައި ކާފިރުންގެ ކިބައިން ބަދަލުހިފާ މީހަކަށް ޢާންމުންގެ ތެރޭގައި ޢާންމުވަސީލަތްތައް ހޯދުމަކީ އުނދަގޫކަމެކެވެ. ހަމައެހެންމެ އެއީ ޖާސޫސުންނަށްވެސް މީހާގެ މަޢުލޫމާތު ހޯދުމަށް ފަހިވާ ފުރުޞަތެކެވެ. އެގޮތުން ވީހާވެސް ބޮޑަށް އަމިއްލައަށް ކަންކަން މެނޭޖްކޮށްލެވޭނެގޮތަކަށް ކަންތައްތައް ރާވައިލުން ބުއްދިވެރިއެވެ.
ދުޅަހެޔޮޞިއްޙަތަކަށް އިސްކަންދިނުމާއި ، ކަސްރަތުކުރުން ، އެހެނީ ބަލިކަށި މުއުމިނަކަށްވުރެ ވަރުގަދަ މުއުމިނަކު ﷲގެ ޙަޟްރަތުގައި ލޮބުވެތިކަން ބޮޑެވެ. އަދި އޭނާގެފަރާތުން ކުރާ މަންފާވެސް ބޮޑުވާނެއެވެ.
ފާރުތަކާއި މަގުތަކަށް، އިސްލާމްދީނާއި، ޤުދުސްއާ މެދު ޖޯޝްގެނުވާނެ ޢިބާރާތްތައް ސްޕްރޭކުރުން. ހަމައެހެންމެ ގޭތެރޭގައިވެސް ފަލަސްޠީނާއި ޤުދުސްގެ ފޮޓޯ ދަރިންނަށް ފެންނާނެހެން ބެހެއްޓުން އެހެނީ އެއީ ވަރަށްބޮޑަށް ، މީހާގެ މަޤްޞަދު ހަނދުމަކޮށްދީ، އެމައްޗަށް ދަރިންވެސް ދުރުމުސްތަޤްބަލެއްގައި ތަރުބިއްޔަތުކުރުވާނެ ކަމެކެވެ.
ކަންކަމަށް މީހުން ހުރަސްއެޅުމުން ފިނޑިވެ ދޫނުދިނުން . މިއީ ކުޑަކުދިންގެ މެދުގައިވެސް އަށަގެންނެވުން ވަރަށް މުހިއްމު ޘަޤާފަތެކެވެ. އެހެނީ މިއަދުގެ ގިނަ ރައްޔިތުންތައް އެމީހެއްގެ އަސާސީ ޙައްޤު ހޯދަން ނިކުތުމުން 6 ފުލުހުން މަގުމަތީ އެތުރިލުމުން ގިނަމީހުނަށް ދެން ކުރިޔަށް ދާން ނުކެރެއެވެ. އެހެނަސް އޭގެ 6 މީހުން ރައްޔިތުންގެ 20 ނުވަތަ 30 މީހުން ހުއްޓުވަނީ ކިހިނެއް ހެއްޔެވެ؟ އެއީ މީސްތަކުންގެ ހިތްތަކަށް ވައްދާފައިވާ ބިރުވެރިކަމެވެ. އޭގެ ބަދަލުގައި 6 މީހުން ކުރިޔަށް ޖެހެން ދިމާކުރިނަމަވެސް ފުލުހުންވެސް އެބަޔަކަށް ޖާގަދިނުން ނޫންގޮތެއް ނޯންނާނެއެވެ. ވީއިރު 20 މީހުން މައިތިރި ކުރާނީ ކިހިނެއްހެއްޔެވެ؟ އެހެނީ ޙަޤީޤީ މުއުމިނު އަޅާ އެފަދަ ޠޯޣޫތީ އަޢުވާނުންދެކެ ޖެހިލުމެއް ނުވާނެއެވެ. އެހެންކަމުން ކެރިގެން ކުރިމަތިލުމާއި، ގެއްލުމެއްދީފިނަމަ ދޫނުދީ ކުރިމަތިލުން މިއީ މުހިންމު ކަމެކެވެ.
އުނދަގުލަށް ކެތްކުރުމާއި، އުނދަގޫ ތަޙައްމަލު ކުރުމަކީ ބަޔަކާއި ކުރިމަތިލުމަށް ވިސްނާމީހަކަށް މުހިއްމުކަމެކެވެ.
