ކުފުރާއި، އެންމެހާ ފަސާދައެއްގެ އަސްލުކަމުގައިވާ އެމެރިކާއިން އިޒްރޭލުގެ ޔަހޫދީންނަށް ދީފައިވާ މިސައިލް ބޮމުގެ ޢަދަދު 22000
ކުފުރާއި، އެންމެހާ ފަސާދައެއްގެ އަސްލުކަމުގައިވާ އެމެރިކާއިން އިޒްރޭލުގެ ޔަހޫދީންނަށް ދީފައިވާ މިސައިލް ބޮމުގެ ޢަދަދު 22000 މައްޗަށް އަރައެވެ. މިއީ އަދި ބިލިއަން ޑޮލަރުގެ ފައިސާ އާއި އެހެނިހެން އެހީތައް ދިނުމުގެ އިތުރުންނެވެ. ހަމައެހެންމެ އެމެރިކާގެ ސިފައިންވެސް ދަނީ ޣައްޒާގައި އިޒްރޭލަށް އެހީތެރިވަމުންނެވެ.
އެމެރިކާގެ ފޮރިންއެފެއާޒްއިން އިއްޔެ ނެރުނު ސްޓޭޓްމެންޓެއްގައި: ((އިޒްރޭލުން ޣައްޒާގައި ޢާންމުންނަށް ޤަސްތުގައި ޙަމަލާނުދެއެވެ. އެހެނަސް ޙަމާސްއިން ޢާންމުން ހިޔުމަންޝީލްޑްގެ ގޮތުގައި ބޭނުންކުރަނީއެވެ.))
ދަންނާށެވެ. ކުފުރުގެ ދައްޖާލުން ރޯމާދުވާލު މީސްތަކުންގެ ލޯމައްޗަށް ފެންނަންހުއްޓާވެސް ދޮގުހަދައި އޮޅޮވާލެވޭތޯ ބަލަނީއެވެ. ޒަޔަނިސްޓު ޔަހޫދީންނަށް ޢުޒުރު ހޯދައިދެވޭތޯއެވެ. އެހެންކަމުން މިއަދު އުއްމަތުގެ މަސްއޫލިއްޔަތަކީ މިކާފިރުންގެ މަކަރުވެރިކަން މީސްތަކުންނަށް ބަޔާންކޮށްދިނުމެވެ. އެބައިމީހުންގެ ޙަޤީޤަތް ޅަޖީލަށް އަންގައިދީ ކިޔައިދިނުމެވެ. ހަމައެހެހެންމެ އެމެރިކާއާއި މެދު މީސްތަކުންގެ މެދުގައި ނަފްރަތު އުފައްދައި އެކަން ފާޅުކުރުމެވެ.
