އަހަރެމެންގެ ދުޢާ އިޖާބަ ނުކުރައްވަނީ ކީއްވެގެން ހެއްޔެވެ؟

رَقَائِق (ހިތްތައް މަޑުމޮޅިކުރުން) ގެ ތެރެއިން...

އިބްނު ރަޖަބް އަލްހަންބަލީ (رحمه الله)

ތަރުޖަމާ: އަޚް އަބޫ ކަޘީރު (جزاه الله خير)

އިބްރާހިމް އިބްނު އަދްހަމް (رحمه الله) އަކީ ތިންވަނަ ގަރުނުގެ ޢިލްމުވެރިއެކެވެ. މިބޭފުޅާއަކީ ސުފިޔާނުއް ޘައުރީގެ ބައިވެރިއެކެވެ. ﷲ ތަޢާލަގެ އާޔަތާ ބެހޭ ގޮތުން މިބޭފުޅާއާއި ސުވާލު ކުރެވުނެވެ.

"وَقَالَ رَبُّكُمُ ادْعُونِي أَسْتَجِبْ لَكُمْ... [އަދި ކަލޭމެންގެ ވެރި ރައްބު ވަޙީ ކުރައްވަނީ: ތިމަން އިލާހުގެ ހަޟްރަތުން އެދޭށެވެ. ތިމަން އިލާހު ކަލޭމެންގެ ދުޢާތައް އިޖާބަ ކުރައްވާހުށީމެވެ." (ސޫރަތުލް މުއުމިން:60)"

"އަހަރެމެން ދުޢާ ކުރަމެވެ. އެކަމަކު ޢިޖާބައެއް ނުކުރައްވައެވެ. (ކީއްވެހެއްޔެވެ؟)" އެހެން ކަމުން އިބްރާހިމް އިބްނު އަދްހަމް (رحمه الله) އޭނާއަށް ބުންޏެވެ.

"ކަލެއަށް ﷲ ތަޢާލާ އެނގެއެވެ. އެކަމަކު ކިޔަމަންތެރިއެއް ނުވެއެވެ.

ކަލޭ ޤުރުއާން ކިޔަވައެވެ. އެކަމަކު އޭގެ މައްޗަށް ޢަމަލެއް ނުކުރެއެވެ.

ކަލެއަށް ޝައިތާނާ އެނގެއެވެ. އެކަމަކު އޭނާއާ ކަލޭ އެއްބަސް ވެއެވެ.

ﷲ ގެ ނަބިއްޔާ (صلى الله عليه وسلم) ދެކެ ލޯބިވާކަމަށް ކަލޭ ދަޢްޥާ ކުރެއެވެ. އެކަމަކު އެނަބިއްޔާގެ ސުންނަތްތައް ވަނީ ދޫކޮށްލާފައެވެ.

ޖަންނަތައް ލޯބިކުރާކަމަށް ކަލޭ ދަޢްޥާ ކުރެއެވެ. އެކަމަކު އެ ޙާޞިލް ކުރުމަށް މަސައްކަތެއް ނުކުރެއެވެ.

ޖަހައްނަމައިގެ އަލިފާނަށް ބިރުގަންނަ ކަމަށް ކަލޭ ބުނެއުޅެއެވެ. އެކަމަކު އެއިން ރައްކާތެރިއެއް ނުވެއެވެ.

ހަމަކަށަވަރުން މަރުވާނެކަން އެއީ ޙަޤީޤަތެއް ކަމަށް ކަލޭ ޤަބޫލު ކުރެއެވެ. އެކަމަކު އެކަމަށް ތައްޔާރެއް ނުވެއެވެ.

އެހެން މީހުންގެ ކުއް ހޯދުމުގައި ކަލޭގެ ނަފްސު މަސްޢޫލު ކުރެއެވެ. އެކަމަކު ކަލޭގެ އަމިއްލަ ކުއްތަކަކަށް ނުބަލައެވެ.

ކަލޭ ﷲ ދެއްވި ތަކެތިން ކައިބޮއެ ހަދައެވެ. އެކަމަކު އެއިލާހަށް ޙަމްދެއް ނުކުރެއެވެ.

ކަލޭމެންގެ ތެރެއިން މަރުވާ މީހުން ވަޅުލައެވެ. އެކަމަކު އޭގެން ފިލާވަޅެއް ޙާޞިލެއް ނުކުރެއެވެ."

ކުލިކްފޯއިސްލާމްގެ ކުރީގެ ވެބްސައިޓުންނެގިފައި

Click4islam

23 ނޮވެމްބަރު2009 -