ވަރަށް މުހިއްމު 3 ކަމެކެވެ. ތިބާގެ މައްޗަށްވާ އަމުރެކެވެ.
ވަރަށް މުހިއްމު 3 ކަމެކެވެ. ތިބާގެ މައްޗަށްވާ އަމުރެކެވެ.
عن أنس رضي الله عنه أن النبي صلى الله عليه وسلم قال: «جَاهِدُوا المشركين بأموالكم وأنفسكم وألسنتكم». [رواه ابو داوود]
އަނަސްގެފާނުގެ ކިބައިން ރިވާވެގެން ވެއެވެ. ހަމަކަށަވަރުން ނަބިއްޔާ ޙަދީޘް ކުރެއްވިއެވެ.:
((ތިޔަބައިމީހުންގެ މުދަލުންނާއި، ނަފްސުތަކުން އަދި ދޫތަކުން މުޝްރިކުންނާއި ދެކޮޅަށް ހަނގުރާމަ ކުރާށެވެ.))
⬛ ވީއިރު މުދާލިބިގެންވާމީހާ އޭނާގެ މުދަލުން ޔަހޫދީންނާއި ދެކޮޅަށް ހަނގުރާމަ ކުރާށެވެ. އަދި އެމުދަލުން ޖިބާދުގެ ބިންތަކަށް ހޭދަކޮށްލާށެވެ. ޔަހޫފީ ބޮޑެތި ވިޔަފާރިވެރިން ބާޠިލުގެ ލަޝްކަރަށް ހޭދަކުރާއިރު ތިބާ ޙައްޤުގެމަގަށް ހޭދަކުރުމަށް ފަސްޖެހެންވީ ކީއްވެހެއްޔެވެ؟
⬛ ދުޅަހެޔޮ ޞިއްޙަތެއް ލިބިގެންވާމީހާ އޭނާގެ ނަފްސުން ޔަހޫދީންނާއި ދެކޮޅަށް ނިކުމެ ޖިހާދު ކުރާށެވެ. އުއްމަތުގެ ޒުވާނުން އެޒުވާނުންގެ ހަށިގަނޑުތައް ﷲ ގެ މަގުގައި ނެރެލުމަށް ތައްޔާރު ކޮށްލާށެވެ. ﷲ ތަޢާލާ ވަޙީކުރައްވާފައި ވެއެވެ. ﴿ وَأَعِدُّوا۟ لَهُم مَّا ٱسۡتَطَعۡتُم مِّن قُوَّةࣲ وَمِن رِّبَاطِ ٱلۡخَیۡلِ تُرۡهِبُونَ بِهِۦ عَدُوَّ ٱللَّهِ وَعَدُوَّكُم ...﴾
އެއުރެންނާ ދެކޮޅަށް ތިޔަބައިމީހުންނަށް ކުޅަދާނަވީހައި ބާރެއް ތިޔަބައިމީހުން ތައްޔާރުކުރާށެވެ! އަދި އަސްތައްވެސް ބަނދެ ތައްޔާރުކުރާށެވެ! އެކަމުން اللَّه ގެ عدوّ ންނާއި، ތިޔަބައިމީހުންގެ عدوّ ންނާއި، އެއުރެންނޫން އެހެންބަޔަކު ބިރުގެންނެވުމަށްޓަކައެވެ.
(ސޫރަތުލް އަންފާލް، 60)
⬛ ދުލުން ބަސްބުނުމުގެ ކުޅަދާނަކަން ލިބިގެންވާ ކޮންމެ މުސްލިމަކު ޣައްޒާގައި ތިބި އޭނާގެ އަޚުންގެ ދިފާޢުގައި ބަސްބުނާށެވެ. ވާހަކަ ދައްކާށެވެ. ސޯޝަލްމީޑިޔާ އާއި އެހެންވެސް ވަޞީލަތްތަކުގައި ދައުރުކުރުވާށެވެ. ފަލަޞްތީނު މުޖާހިދުންގެ މިންނެތް މަސައްކަތް ޢާންމު މުސްލިމުންނަށް ފޯރުކޮށްލަދޭށެވެ. ކާފިރުންގެ ޙަޤީޤީ ސިފަ ދައްކުވާލަދޭށެވެ. އިޒްރޭލާއި އެމެރިކާ އަދި ހުޅަނގުގެ ނިފާޤުކަމާއި ހީލަތްތެރިކަން ހެއްކާއެކު ދައްކުވާށެވެ. ނަޞޭޙަތުގެ ބަސްކޮޅުތަކުން ޒުވާންޖީލު ހޭލައްވާލާށެވެ.
ނޯޓް: ހުޅަނގުގެ މީޑިއާތަކުން އިސްލާމްދީނާއި، މުޖާހިދުންގެ ނަން ކިލަނބުކޮށް މީސްތަކުންނަށް އެއީ ވަރަށް ނުބައި ބައެއްކަމަށް ދެއްކުމަށް ބޮޑު ޢަދަދުން ފައިސާ ހޭދަކޮށް، ނުހަނުބުރަމަސައްކަތްކުރަމުންދާއިރު، އެކާފިރުންގެ ދޮގާ މަކަރުގެ ޙީލަތްތައް ޢާންމުންނަށް ފާޅުކޮށްދިނުމަކީ އެތައްބަޔަކަށް ޙައްޤުފެނުމަށް ލިބޭ ވަޞީލަތެކެވެ. ވީއިރު ތިބާއަކީ އެ ވަޞިލަތަށްވެދާނެއެވެ. ފަހެ ހިތްވަރާއެކު ކެރިގެން މަސައްކަތްކުރާށެވެ.
