ނަޞާރާއިންގެ މީހަކަށް އެމީހުންގެ ޢީދު.....
🔰 ހިޖުރައިން 500 ގެ އަހަރުތަކުގައި އުޅުއްވި ޢިލްމުވެރި ބޭކަލެއް ކަމުގައިވާ ، އިބްނުލްޙާއްޖު ރަޙިމަހުﷲ ވިދާޅުވިއެވެ. :
"ނަޞާރާއިންގެ މީހަކަށް އެމީހުންގެ ޢީދު (އެބަހީ ކްރިސްޓމަސް) ފާހަގަކުރުމަށް ބޭނުންހިފޭ އެއްވެސް އެއްޗެއް ވިއްކުން ، މުސްލިމަކަށް ހުއްދަވެގެން ނުވެއެވެ. އެއީ މަސް ( ގެރި، ބަކަރި، ޖަމަލު ގެ) ކަމުގައިވިޔަސް ، ނުވަތަ ސުރުވާއެއް ކަމުގައިވިޔަސް، ނުވަތަ ހެދުމެއް ކަމުގައިވިޔަސް ނުވަތަ އަނބުރާ ގެންނަގޮތަށް އެއްޗެއް ބޭނުންކުރަން ދިނުން ކަމުގައިވިޔަސް މެއެވެ. އެހެނީ އެއީ ، އެމީހުންގެ އެ ކުފުރަށް އެމީހުނަށް އެހީވެ ވާގިވެރި ވުމެވެ."
މިވާހަކަ ޝާފިޢީ މަޛްހަބުގެ ބޮޑު ޢިލްމުވެރިއެއް ކަމަށްވާ އިބްނު ޙަޖަރު އަލް ހައިތަމީވެސް އެކަލޭގެފާނުގެ [އަލްފަތާވާ އަލްފިޤްހިއްޔަތުލް ކުބްރާ] ގެ ރިއްދާގެ ބާބުގައި ގެންނަވާފައި ވެއެވެ.
📌 ނަބިއްޔާ ﷺ ޙަދީޘްކުރެއްވި ކަމަށް ، ސުނަން އަބޫ ދާވޫދުގައި ގެންނަވާފައި ވެއެވެ. قَالَ: «مَنْ تَشَبَّهَ بِقَوْمٍ فَهُوَ مِنْهُمْ»
((މީހަކު ބަޔަކާއި ވައްތަރުވެއްޖެ ކަމުގައިވާނަމަ ، ފަހެ އޭނާ ވާހުށީ އެމީހުންގެ ތެރެއިންނެވެ.))
