ﷲ އީ އަހަރެންގެ ވެރި ރަށްބެވެ.
ﷲ އީ އަހަރެންގެ ވެރި ރަށްބެވެ.
އެއިލާހު ވަނީ އެއިލާހުގެ ޛާތުފުޅު ސިފަކޮށްދެއްވާފައެވެ. ފަހެ އެއިލާހުގެ ޛާތުފުޅު އެއިލާހަށްވުރެ ބޮޑަށް އެނގޭނެ އެހެންފަރާތެއް ވޭ ހެއްޔެވެ؟
އެއިލާހު ވަޙީކުރައްވާ ބަޔާންކޮށްދެއްވާފައި ވެއެވެ.
އެއިލާހީ ޙައްޤުވެގެން އަޅުކަންވެވޭ އިލާހެވެ.
އެއިލާހީ އެއްކައުވަންތަ ( އެންމެ) އިލާހެވެ.
އެއިލާހަށް ބައިވެރިޔަކު ( އަންބަކު) ނުވެއެވެ.
އެއިލާހަށް ދަރިކަލަކު ނުވެއެވެ.
އެއިލާހީ އެއްވެސް ފަރާތަކަށް އުފަންވެ ވޮޑިގެންވާ ( މަންމަ އެއް ބައްޕައެއްވާ ) އިލާހެއް ނޫނެވެ. އެބަހީ އިލާހުވަންތަކަން ވާރުތަވާ ނަސަބެއް ނުވެއެވެ.
އެއިލާހާއެކު ކައުނު ހިންގުމުގައި ބައިވެރިއެއް ( ޕާރޓްނަރެއް) ނުވެއެވެ. ވާނަމަ އުޑާއި ބިން ފަސާދަވެއްޖައީސްކަން ކަށަވަރު ކަމުގައެވެ.
ވީއިރު މިމަތިވެރި ވަންތަ އެއްކައުވަންތަ އިލާހު އެއްކައުވަންތަ ކޮށް އެއިލާހަށް އެކަނި އަޅުކަންކުރެވޭތީ މިއަދު އަހަރެން ފަޚުރުވެރި ވަމެވެ . އާއެކެވެ. އަހަރެންނަކީ މުސްލިމެކެވެ. އަދި ޝިރުކާއި އެ ޝިރުކުގެ އަހުލުވެރީންގެ ކިބައިން ބަރީއަވަމެވެ.
الْحَمْدُ لِلَّهِ الَّذِي هَدَانَا لِهَٰذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ (الاعراف 43)
