ރަމަޟާންމަސް ތިބާއާއި އެބަ ބައްދަލު ކުރެއެވެ.
އައްޝެއިޚް ޢުމަރުލްއަޝްޤަރު ރަޙިމަހު ﷲ ވިދާޅުވިއެވެ. :
((ޖަންނަތަކީ މަތިވެރިވެގެންވާ ދަރަޖައެކެވެ. އަދި މައްޗަށް އެރުމަށް އެތައް ބުރަމަސައްކަތެއް ކުރަންޖެހެއެވެ. އަދި ޖަންނަތައް ދިއުމަށްވާ މަގުވަނީ ، ހަވާނަފްސާއި އެ ހަވާނަފްސުގެ އެދުންތަކާއި ޚިލާފުވުމުގައެވެ. އަދި އެކަމަށް ދެމި ހުންނަނިވި ވަރުގަދަ އަޒުމެއް ބޭނުންވެއެވެ.))
📌 އޭ ލޮބުވެތި މުސްލިމެވެ. ޖަންނަތުގެ ދޮރުކޮޅުތައް އެމަހަކަށްޓަކައި ހުޅުވައިލެވި ، އުޑުގައި ޚާއްޞަ ތައްޔާރިތަކެއް އެމަހުގެ އިސްތިޤުބާލުގައި ވެވޭއިރު ، ތިބާ އެމަހާއި ބައްދަލު ކުރަނީ ފާފައާއި ، އުރެދުމުން ތަތްތެޅި ދަމިލަވެފައިވާ ހިތަކާއިގެން ހެއްޔެވެ؟ ނުވަތަ ﷲ އަށް ތައުބާވެ ، އެއިލާހުގެ ތަނަވަސް ފުއްސެވުމާއި ރަޙުމަތް ލިބިގެންވާ މީހެއްގެ ގޮތުގައި ހެއްޔެވެ؟
ފަހެ ރަމަޟާންމަސް ތިބާއާއި އެބަ ބައްދަލު ކުރެއެވެ.
އޭ ހެޔޮކަމަށް އެދޭ މީހާއެވެ. ކުރިމަތިލާށެވެ. އަދި ނުބައިކަމަށް އެދޭ މީހާއެވެ. ފަހެ އެކަމުން ދުރުހެލިވާށެވެ.
