...އަދި އަސީރުވެފައިވާ މީހާ މިނިވަންކުރާށެވެ.
މައިސޫން އަލްޖިބާލީއަކީ އިޒްރޭލުގެ ޖަލުން މިފަހަރު މިނިވަންކުރި އުޚްތުންގެ ތެރެއިން އެންމެ ގިނަދުވަސްވީ އެއް އަސީރެވެ. އެ އުޚްތާ ޔަހޫދީ ޖަލުގެ ހިތި ތަޖުރިބާ ކިޔައިދެމުން ބުންޏެވެ.:
((އިހްތިލާލު (ޔަހޫދީ) ސިފައިން އަހަރެމެން ޗެކްކޮށް ހަދަނީ ޖަލުގައި އަހަރެމެން އޮރިޔާންކޮށްފައެވެ. އަދި އެމީހުން އަހަރެމެންގައިގައި ތަޅައި އަނިޔާކޮށް ، އަހަރެމެންނަށް ގޯނާކޮށް ހަދައެވެ. އަދި އަހަރެމެން ބަލިވުމުން ޑޮކްޓަރުން އައިސް އަހަރެމެންނަށް ބުނެއެވެ. ކަލޭމެން ފެންބޯށެވެ.))
އަބޫމޫސާ އަލްއަޝްޢަރީ ރަޟިޔަﷲ ޢަންހުގެ ކިބައިން ރިވާވެގެން ވެއެވެ. ވިދާޅުވިއެވެ. ރަސޫލާ ﷺ ޙަދީޘްކުރެއްވިއެވެ.:
((ބަލިމީހާއަަށް ޒިޔާރަތް ކުރާށެވެ. އަދި ބަނޑުހައިހޫނުކަމުގައިވާ މީހާއަށް ކާންދޭށެވެ. އަދި އަސީރުވެފައިވާ މީހާ މިނިވަންކުރާށެވެ.))
(ރަވާހުލް ބުޚާރީ)
ނިކަންދެކޭށެވެ. މިޙަދީޘްގައި އެބަޔާންވަނީ އަޅުގަނޑުމެންގެ ވާޖިބެވެ. ވީއިރު މުދަލުގެވެރިޔާ މުދާ ހޭދަކުރާށެވެ. ނަފްސުގެވެރިޔާ ނަފްސުން ހޭދާކުރާށެވެ. އަދި ދުލާއި ޤަލަމުގެ ވެރިޔާ އެއިން ހޭދަކުރާށެވެ. ފަހެ އެފަދަމީހާއަށް ﷲ ގެ ޙަޟްރަތުގައި އުޒުރުލިބުން ގާތްވެގެން ވެއެވެ.
