އަހަރެމެންގެ އެތެރެފުށާއި ބޭރުފުށް ތަޢާރުޟު ވުން

رَقَائِق (ހިތްތައް މަޑުމޮޅިކުރުން) ގެ ތެރެއިން...

ޝައިޚް ޢަބްދުﷲ ޢައްޒާމް (رحمه الله)

ސުބުޙާނަﷲ! ޙަމްދު ހުރީ އިބަﷲ އަށެވެ. ކޮންމެ ގޮތެއްގައި ވިޔަސް މުއުމިނު މިހާ ދެކެ އެންމެން ލޯބިވެއެވެ."

އެއީ ކީއްވެ ހެއްޔެވެ؟

މުއުމިނަކީ ހެދިގެން އުޅޭ މީހެއްނޫނެވެ. އޭނާ ހިފެހެއްޓޭނެ އެއްވެސް ކަމެއް ނުވެއެވެ. އޭނާ ސިއްރުގައި ކުރާ ކަންތަކަކީ އޭނާ ފާޅުގައިވެސް ކުރާ ކަންތަކެވެ. ސިއްރުގައި ކުރެވޭ ޢަމަލް ތަކަކާއި ފާޅުގައި ކުރެވޭ ޢަމަލް ތަކެއް ނުވެއެވެ. ސިއްރިޔާތުގައި ވަކި ޝަޙްޞިއްޔަތެއް ހުރެފައި ފާޅުގައި މީހުންގެ ތެރޭގައި ތަފާތު އެހެން ޝަޙްޞިއްޔަތެއް ނުހުންނާނެއެވެ. އެދެ ޙާލަތުގައިވެސް އޭނާވަނީ އެއް ގޮތެއްގައެވެ. އެހެން ކަމުން ތިބާ އޭނާގެ ފަރުދީ ޙަޔާތަށް ބަލާލައިފިނަމަ އެނގިގެންދާނީ އޭނާގެ އިޖްތިމާޢީ ހަޔާތަށްވުރެ ފަރުދީ ޙަޔާތުގައި މާރަގަނޅުކަމަށެވެ. ތިބާ ރޭގަނޑުގެ ވަގުތުގައި އޭނާ ގޭގައި ވަނިކޮށް ފެނިއްޖެނަމަ ފެންނާނީ، ނަމާދު ކުރަނިކޮށް ނޫނީ ނިދަނިކޮށް ނޫންނަމަ ހާރު ކަނިކޮށް ނުވަތަ ޤުރުޢާން ކިޔަވަނިކޮށެވެ. އޭނާ އާއި ދެކޮޅަށް ތިބާއަށް ދެއްކޭނެ އެއްވެސް ކަމެއް ނުފެންނާނެއެވެ. ފާހިޝް ޢަމަލެއް ކުރުމަށްޓަކައި އޭނާގެ ގެއަށް ވެއްދި އަންހެން ކުއްޖަކު ނުވެއެވެ. އަދި ކިއެއްތަ، އޭނާ ގުނާ ފައިސާ އަކީ އޭނާ ވަގަށް ނަގާފައިވާ ފައިސާއެއް ނޫނެވެ.

އޭނާގެ ބޭރުފުށުގެ ޙާލަތު ވަނީ އޭނާގެ އެތެރޭގެ ޙާލަތާއި އެއްގޮތަކަށެވެ. އަދި ހަޤީޤަތަކީ އޭނާގެ ބޭރުފުށުގެ ޙާލަތަށް ވުރެ އެތެރޭގެ ޙާލަތު މާ ރަނގަޅު ކަމެވެ. އަދި ކުރީގެ މުސްލިމުން ބުނެތެވެ. [އޭ ﷲއެވެ! އަޅަމެންގެ އެތެރޭގެ ޙާލަތު އަޅަމެންގެ ބޭރުފުށުގެ ޙާލަތަށްވުރެ ރަނގަޅު ކުރައްވާންދޭވެ! އަދި ބޭރުފުށުގެ ޙާލަތު ރަނގަޅު ކުރައްވާންދޭވެ!] އޭނައާއި ދެކޮޅަށް ހިފޭނެ އެއްވެސް ކަމެއް ނެތެވެ. އޭނާގެ ނަފްސުގެ ޔަޤީންކަމާއި އިތުބާރު އޮވެއެވެ. އަދި އޭނާ ވަނީ ހިތްހަމަޖެހިގެންނެވެ.

އެކަމަކު މުނާފިޤެއްގެ ޙާލަތަކީ، އޭނާ ކުރާ ފާފަތައް އެހެންމީހުންނަށް ނޭނގޭ ޙާލު އޭނާ ކުރާ ގޯސްކަންތައްތައް އެހެން މީހުންނަށް އެނގިދާނެތީ އެކަމާ އޭނާ ބިރުގަނެއެވެ.

މިހެން ވުމުން ޝައްކު ކުރާ މީހާ މީސްތަކުން ކައިރީގައި ބުނަން ބޭނުންވާ ކަހަލައެވެ. [އަހަރެން ދުރަށް ގެންދާށެވެ. އަހަރެން ދުރަށް ގެންދާށެވެ.] ކީއްވެ ހެއްޔެވެ؟ އޭނާ ނަފްސު ފޯވެގެންވަނީ ނުބައި ކަންތައްތަކުންނެވެ. އަދި މިވެނި މީހަކަށް އޭނާގެ އެ ނުބައި ކަންތައްތައް އެނގިދާނެ ނުވަތަ ފެނިދާނެ ކަމަށް ތުޙުމަތު ކުރެއެވެ. އެހެން ކަމުން އޭނާގެ މުޅި ޙަޔާތް ފުރިގެންވާނީ ހިތްނުތަނަވަސްކަމާއި ބަންދު ކަމެއްގެ ތެރޭގައެވެ.

ނަމަވެސް މުއުމިނެއްގެ ޙާލަތަށް ބަލާއިރު:-

އުމަރު ބިން އަލް-ޙައްޠާބް (رضي الله عنه)، މިމްބަރުގައި ހުންނަވަނިކޮށް އެކަލޭގެފާނުގެ ވުޟޫ ބާތިލްވިއެވެ. އެކަލޭގެފާނު ވިދާޅުވިއެވެ. [ އޭ މީސްތަކުންނޭވެ! އަޅުގަނޑަށް ވަޔެއް ބޭރުކުރެވިއްޖެއެވެ. އަދި ވުޟޫ ކުރުމަށްފަހު އަޅުގަނޑު އެނބުރި އަންނާނަމެވެ.] އެކަލާގެފާނުގެ އަމިއްލަ ނަފްސަށް ޔަގީންކަން އޮތެވެ. އެހެން ވީއިރު މީސްތަކުން ދެކޭނެ ގޮތަކާއިމެދު ވިސްނަންވީ ކީއްވެގެން ހެއްޔެވެ.

ހުކުރު ދުވަސް ނޫން އެހެން ދުވަހެއްގައި އެކަލޭގެފާނު މިމްބަރަށް އަރައި ވަޑައިގެން މީސްތަކުންނާއި މުޚާތަބު ކުރައްވާ ވިދާޅުވިއެވެ.

[އޭ މީސްތަކުންނޭވެ! އަޅުގަނޑު މީގެ އަހަރު ތަކެއް ކުރިން މަދު ލޯ ފޮތި ކޮޅަކަށް، މައްކާގެ މީހުންނަށް ބަކަރި ހުއި ހެއްޕެވީމެވެ.] މިހެން ވުމުން އަބްދުއް ރަޙްމާން ބިން ޢަޥުފް އުމަރު (رضي الله عنه) އެއްފަރާތަކަށް އެކަހެރި ކުރައްވާ ވިދާޅުވިއެވެ. [އޭ އަމީރުލް މުޢުމިނީން އެވެ! ކަލޭގެފާނަށް ތިކުރެއްވުނީ އެންމެހާ މީސްތަކުންގެ ކުރިމަތީގައި ކަލޭގެފާނުގެ އަމިއްލަ ނަފްސް ނިކަމެތި ކުރެއްވުން ނޫން އެހެން ކަމެއް ނޫނެވެ.] އެހިނދު އުމަރު (رضي الله عنه) ވިދާޅުވިއެވެ. [ހަމަޔަޤީނުންވެސް އަޅުގަނޑުގެ ނިޔަތަކީ އެއީއެވެ. އަޅުގަނޑުގެ އަމިއްލަ ނަފްސުގެ ސަބަބުން އަޅުގަނޑަށް ނުފޫޒު ފޯރިއެވެ. އެހެން ވުމުން އެންމެހާ މީސްތަކުންގެ ކުރިމަތީގައި ނިކަމެތި ވާން ބޭނުންވީއެވެ.]

މިއީ [ފީ ޡިލާލް ސޫރަތުއްތައުބާ] ގެ ޞަފްޙާ 489 އިން ތަރުޖަމާ ކުރެވި ހަދިޔާކުރެވިފައިވާ ލިޔުމެކެވެ. جزاهم الله خيرا

www.haqqubooks.com

ކުރީގެ ކުލިކްފޯއިސްލާމްގެ ވެބްސައިޓްއިން ނެގިފައި

29 އޮގަސްޓު 2009 –

Click4islam