ޣައްޒާގެ އުޚްތުން މިއަދު މުޅިއުއްމަތަށް ދައްކަމުންއެދާ ރިވެތި މިސާލެވެ. ކެތްތެރިކަމުގެ އިންތިހާއެވެ.
ޣައްޒާގެ އުޚްތުން މިއަދު މުޅިއުއްމަތަށް ދައްކަމުންއެދާ ރިވެތި މިސާލެވެ. ކެތްތެރިކަމުގެ އިންތިހާއެވެ. ﷲ ގަންދީ ބުނަމެވެ. މިފަދަ އީމާނުގެ ބަޔަކު ﷲ ތަޢާލާ ނަޞްރުނުދެއްވައި ދޫކޮށްނުލައްވާނެއެވެ. އެހެނެއްކަމަކު އެއީ ޞަފުތައް ސާފުވެ ޙަޤީޤީ މުއުމިނުން މީސްތަކުންގެ ލޯތަކަށް ފާޅުކުރެއްވުމެވެ.
ނިކަން ދެކޭށެވެ. އެމަންމަގެ ދަރިންކޮޅު ޝަހީދުވެގެން ދިޔުމުންވެސް އެދުލުން ނިކުތް ބަސްކޮޅަކީ ((އޭ އަޅުގެ ރައްބެވެ. (އެދެނީ) ހަމައެކަނި ތިޔަ ރައްބުގެ ރުއްސެވުމެވެ.))
ވިސްނާށެވެ. ދަރިއަކު ވިހަނީ 9 މަސްދުވަހު އެތައް ވޭނެއް އުފުލާފައެވެ. ވީއިރު ހަނދުމަނެތޭނީ ކިހިނެއްހެއްޔެެވެ؟ އެދަރިއަށްޓަކއި އެތައް ޤުރުބާނެއް ވެފައިވަނިކޮށް އެދަރި މަރުވެފައިވާތަން ބަލަން ކެތްވާނީ ކޮން މަޔަކަށް ހެއްޔެވެ؟ ނަމަވެސް މިއަދު އަހަރެމެންނަށް ޞަޙާބީންގެ ޒަމާން ތަޞައްވުރުކޮށްލަން ފުރުޞަތެއް ލިބެއްޖެއެވެ. އެ ޞަޙާބިއްޔާގެ ފިރިކަލުން އަދި ދަރިކަލުން އަދި ބޮޑުބޭބެ ޝަހީދުވި ޚަބަރުދިންއިރުވެސް ސުވާލުކުރައްވާނީ ރަސޫލު ﷲ ﷺ ގެ ޙާލުކޮޅަކީ ކޮބައިތޯއެވެ. އެކަލޭގެފާނު ހެޔޮޙާލުގައި ހުންނެވިއްޔާ ދެންހުރީ ހައްތަހާވެސް ކުދިކަންތައް ތަކެވެ.
