ޔަހޫދީންގެ އެޖަރީމާތައް އަހަރެމެން ކުށްވެރި ކުރަން... ދެން އެހިސާބުން ނިމުނީބާ؟

[ޔަހޫދީންގެ ނުބައިކަން، ޔަހޫދީންގެ އަނިޔާތަކަށް ނިމުމެއް ނާދޭ، ޔަހޫދީން މުސްލިމުންނާއި ދޭތެރޭ ހިންގަމުން ގެންދާ ބޮޑެތި ޖަރީމާތައް، މިފަދަ ޢަމަލުތައް ކުށްވެރިކޮށް އިޙްތިޖާޖު ކުރުމުން މައްސަލަ ނިމުނީ ބާއެވެ؟ ނުވަތަ މުސްލިމުންނަށް އޮތް ހަމަ އެކަނި ގޮތަކީ އާޚިރަށް ދުވަސް އައުމަށް ދާންދެން މި ގޮތުގައި އެ ޖަރީމާތައް ކުށްވެރި ކޮށްލަ ކޮށްލާ ތިބުން ބާއެވެ؟ ނުވަތަ މަހުދީގެފާނު ވަޑައިގެން, ހަނގުރާމަކުރައްވަންދެން, އަތް އުރާލައިގެން ތިބެންވީ ބާއެވެ؟ ނޫނީ އެ ލަޝްކަރަކީވެސް އަހަރެމެން އަތްއުރާލައިގެން ތިއްބާ ހަމަހުރެފަ އަންނާނެ ލަޝްކަރެއް ބާއެވެ؟]

ޙައްޤާއި ބާޠިލާއި ދެމެދުގައި ޤިޔާމަތާ ހިސާބަށް ދާންދެން ދެކޮޅުވެރިކަން އޮންނާނެއެވެ. ނަމަވެސް ބާޠިލުގެ އަހުލުވެރީން ޙައްޤުގެ އަހުލުވެރީންނާއި ދެމެދު ހިންގަމުން ގެންދާ ޖަރީމާތަކާއި ދެކޮޅަށް އަޅުގަނޑުމެންނަށް ކޮށްދެވިދާނެ އެތަށް ކަމެށް ހުންނާނެކަން ވެސް ކަށަވަރެވެ. ނަމަވެސް ހިތާމަޔަކީ, އަޅުގަނޑުމެންގެ މި ދިވެހި ފަސްގަނޑުގައި, ޢިލްމު އުގެނިގެން ތިއްބެވި ބޭކަލުން ކިތަންމެ ގިނަ ކަމުގައިވީ ނަމަވެސް, މިކަމުގައި އަހަރެމެންނަށް ކޮށްދެވޭނެ ކަންތައްތައްތަފްޞީލުކޮށކިޔައިދެވިފައި ނުވާތީއެވެ. އެހެނީ މިއީ މުޅި ދުނިޔޭގެ އެންމެންގެ ކުރިމަތީގައި ވަންހަނާވެފައިވާ މައްސަލައަކަށް ނުވާއިރު, ފުންނާބު އުސް ޢިލްމުވެރިން މިކަމާއިމެދު ދެއްވަވާފައިވާ ފަތުވާތަކުގެ މިންވަރުވެސް ބަޔާންކޮށްދެވިފައި ނުވަނީ ކީއްވެބާއެވެ؟ އެގޮތުން:

ޕަލަސްޠީނު އަދި ދުނިޔޭގެ އެހެން ބިންތަކުގައި މުސްލިމުންނާއި ދެކޮޅަށް ހިންގަމުން ގެނދެވޭ ޤަތުލްޢާމް އާއި ބެހޭގޮތުން އަހަރެމެން ކަންތައް ކުރަންވީ ކިހިނެއްތޯ އާއި މެދު އައް-ޝައިޚް ޞާލިޙް އަލް-މުނައްޖިދު ވިދާޅުވިއެވެ.

ސުވާލު:

ފަލަސްތީނާއި، އަދި ދުނިޔޭގެ އެހެން ޞަރަޙައްދުތަކުގައި މުސްލިމުންނާއި (ދެކޮޅަށް) މިވަޤުތު ހިންގަމުން ގެންދާ ޤަތުލުޢާމް ތަކާއި މެދު އަހަރެމެންގެ ނިންމުމަކީ ފަހެކޮބައިތޯއެވެ؟ މި (ޤަތުލުޢާމް) ގައި ގެތައް ހަލާކުކުރެވި، ދަނޑުތައް ސުންނާފަތިކުރެވި، ކުޑަކުދިންތައް ޤަތުލުކޮށް، ޒަޚަމްވެފައިވާ މީހުން މަގުތައްމަތީ (ފަރުވާ ހޯދުމަށް) އިންކާރުކުރެވިފައިވާ ޙާލު ހައްޔަރުކުރެވި، ގެތަކަށް ބޮމުގެ ޙަމަލާތައްދީ، ކާބޯތަކެތި ގަތުމަށް، ޔަހޫދީންނާއި އަދި މިނޫންމީހުންވަނީ މީސްތަކުންނަށް (އެބަހީ: މުސްލިމުންނަށް) ހުރަސްއަޅާފައެވެ. ފަހެ އަޅުގަނޑު، މުސްލިމެއްގެ ޙައިޞިއްޔަތުން މިކަމަށްޓަކައި ކޮށްދެވޭނީ ފަހެ ކީއްތޯއެވެ؟

ޖަވާބު:

[އެންމެހާ ޙަމްދެއްވަނީ ﷲ (سبحانه وتعالى) އަށެވެ.

1. ތިބާ (އެކަމަށްޓަކައި) ދުޢާ ކުރަންޖެހޭނެއެވެ. އަދި ނަމާދު (ތަކު)ގައި ޤުނޫތު ނާޒިލާ ވެސްމެއެވެ.

2. (އެކަމަށް އެހީވުމަށްޓަކައި) ޞަދަޤާތް އެއްކޮށް، އަދި އިތުބާރު ކުރެވޭ ފަރާތްތައް މެދުވެރިކޮށް އެފޮނުވާށެވެ.

3. ނިކަމެތި، އަނިޔާ ލިބެމުންދާ ފަރާތްތަކަށް އެންމެހާގޮތަކުން (އަދި ވަޞީލަތްތަކަކުން) އެހީވެދޭށެވެ. އޭގެތެރޭގައި މީޑިއާ އާއި އިންޓަރނެޓުންވެސް މެއެވެ.

4. ޢިލްމުވެރިންނާއި، ދަޢުވަތުދޭ ފަރާތްތަކާއި، ޚުޠުބާދޭ ފަރާތްތަކާއި، އަދި ލިޔުންތެރިންގެ ފުށުން، މިދެވެމުން ގެންދެވޭ އަނިޔާތައް ތަފްޞީލުކޮށްދ، އަދި އުއްމަތް (މިކަމަށްޓަކައި) ފަރުވާކުޑަވެފައިވާ ފަރުވާކުޑަވުމާއި، އަދި އުއްމަތް އޭގެ ޙުރުމަތްތެރިވެގެންވާ ބިންތައް ދިފާޢުކުރުމަށް ހޭއެރުވުމަށް މަސައްކަތްކުރުވާށެވެ.

5. އެމީހެއްގެ އަމިއްލަ ނަފްސުވެސް، ﷲގެ މަގުގައި ހަނގުރާމަކުރުމުގެ މައްޗަށްވާ ނިޔަތާއި މެދު ފިކުރުހިންގާށެވެ. އަދި އޭނާ (އޭނާގެ ނަފްސު)ގެ މައްޗަށް ނަބިއްޔާގެ މިޙަދީޘް ޤާއިމްކުރެވޭތޯ ބަލާ (ފިކުރު ކުރާ) ށެވެ: [ހަނގުރާމައިގެ ޙަރަކާތެއްގައި ބައިވެރި ނުވެ އަދި ބައިވެރިވުމުގެ ނިޔަތެއްވެސް ނެތި މަރުވާ މީހާ، މަރުވެގެންދަނީ މުނާފިޤު ކަމުގެ ދަރަޖައެއްގައެވެ.] (ޞަޙީޙް މުސްލިމް 3533#)

6. ޢަދުއްވުންނާއި <ހަނގުރާމައިގެ މައިދާނުގައި> ބައްދަލުވުމަށްޓަކައި، މާއްދީގޮތުންނާއި ރޫހާނީގޮތުން (ބާރުހޯދައި ތަރުބިއްޔަތު ވެވޭނޭ) އެންމެހާގޮތްތަކެއް ހޯދުމަށް މަސައްކަތްކުރުން

7. ޚުދު އަމިއްލަ ނަފްސަށާއި، އެހެންމީހުންނަށް، ﷲގެ މަގުގައި ޝަހީދުވުމުގެ މާތްކަމާއިމެދު ހަނދުމަކޮށްދީ، ޖިހާދު ކުރުމުގެ މައްޗަށްވާ ޙުކުމްތަކާއި، ދުނިޔެއަށް އެއްވެސްކަހަލަ ބުރަހެލިކަމެއް ނުވުމުގެ މައްޗަށްވެސް ހަނދުމަކޮށްދިނުން.

8. އަހަރެމެންނާއި ހަނގުރާމައެއްގެ މަރުޙަލާގައިވާ އެންމެހާ ޢަދުއްވުންނަށް ކުޅަދާނަވީހައި މިންވަރަކުން ގެއްލުން ދިނުމަށް މަސައްކަތްކުރުން. އެމީހުންގެ މުދާ ބޮއިކޮޓް ކުރުމާއި، އެބައިމީހުން ރުޅި އަރުވައި، ލަދުވެތިކޮށް، އަދި އެބައިމީހުންގެ ކުފުރާއި ޝިރުކާއި ﷲ (تعالى) އަށް ރައްދުކުރާ ޢައިބު ބަސްތައް ފާޅުކޮށް ދުލުގެ ގޮތުން ޙަމަލާދިނުން. އޯޑިއޯ އާއި ވީޑިއޯގެ ޒަރީއާއިން މިމައްސަލައިގެ މުޙިއްމު ކަމާއިމެދު ވެވުނުހައި މިންވަރަކުން ބަޔާންކޮށް އަދި އިސްލާމީ ޢަޤީދާ އާއި ﷲ (تعالى) އާއި އެއިލާހުގެ ނަބިއްޔާ (صلى الله عليه وسلم) ގެ ބަސްފުޅުތައް (މިމައްސަލައިގެ މައްޗަށް) އޯޑިއޯ އާއި ވީޑިއޯ ތަކުގައި ގުޅުވުން.

އަހަރެމެން ﷲ سبحانه وتعالى ޙަޟުރަތުން އެދެނީ އެއިލާހުގެ ދީނަށް އެހީދެއްވައި، އެއިލާހުގެ ކަލިމަ މަތިވެރިކުރެއްވުމަށެވެ.]

- ޝައިޚު ޞާލިޙް އަލް-މުނައްޖިދުގެ ފަތުވާ ނިމުނީ -

މިއީ ފަލަސްޠީނުގައި އިޒްރާއީލުން ފަށާފައިވާ ޤަތުލުޢާމް އާއި ގުޅިގެން އިސްލާމީ ސުވާލާއި ޖަވާބު އިންޓަރނެޓް ވެބްސައިޓް (islamqa.com) ގައި ޝާއޢު ކުރެވުނު، އައ-ޝައިޚް ޞާލިޙް އަލް-މުނައްޖަދު ގެ ފަތުވާ: [ފަލަސްތީނާއި، ދުނިޔޭގެ އެތަންމިތާގައ(ޢަދުއްވުން) ހިންގަމުން މިދާ މުސްލިމުން ގެ ކަތިލެވުންތަކާމެދު އަހަރެމެންނަށް ކޮށްދެވޭނީ ކޮންފަދަ އެހީއެއްހެއްޔެވެ؟] (ފަތުވާ ނަންބަރަކީ 21284)

"الدفاع عن أراضي المسلمين أهم فروض الأعيان" "މުސްލިމު ބިންތައް ދިފާޢުކުރުމަކީ އެންމެ މުހިއްމު ޢައިނިއްޔަ ފަރުޟުތަކެވެ." މިފޮތަކީ ސަޢޫދީ ޢަރަބިއްޔާގެ ކުރީގެ މުފްތީ ޝައިޚް ބިން ބާޒް (رحمه الله) ވެސް ތަޒްކިޔާ ދެއްވާފައިވާ ފޮތެކެވެ. މިފޮތުގެ ޞަފްޙާ ނަންބަރު 16، މިހާރު ފަލަސްޠީނާއި އަފްޣާނިސްތާނުގައި ހަނގުރާމަކުރުމުގެ ޙުކުމާއި ބެހޭ ބާބުގައި, ޝައިހް ޑރ. ޢަބްދުﷲ އައްޒާމް (رحمه الله) ވިދާޅުވަނީ:

ކުއްފާރުން މުސްލިމު ބިމެއްގެ އެންމެ ކައިވަތަކަށް ވެރިވި ކަމުގައި ވިޔަސް އެ ކައިވަތް ނިސްބަތްވާ މީސްތަކުންނާއި އޭގެ ކައިރީގައިވާ މީސްތަކުންގެ މައްޗަށް ޖިހާދުކުރުން ޢައިނިއްޔަ ފަރުޟަކަށް ވާނެއެވެ. އަދި އެބައިމީހުންނަށް އެބައިމީހުންގެ މާއްދީ ބަލިކަށިކަމުން ނުވަތަ އެބައިމީހުންގެ ފަރުވާކުޑަކަމުން، އަރައިގަތް ކުއްފާރުން ބޭރު ނުކުރެވިއްޖެނަމަ ޖިހާދު ކުރުމުގެ ފަރުޟުކަން އޭގެ ވަށައިގެންވާ މީސްތަކުންގެމައްޗަށް ފެތުރިގެންދާނެއެވެ. އަދި މިގޮތުގައި މި ޢައިނިއްޔަ ފަރުޟް މުޅި ދުނިޔެއަށް ފެތުރިގެންދާނެއެވެ.

އަދި މި ޙާލަތުގައި އަނބީން އެބައިމީހުންގެ ފިރީންގެ ގާތުން ހުއްދަ ހޯދުމަކަށް ބޭނުމެއް ނުވާނެއެވެ. އަދި ދަރިން މައިންބަފައިން ގާތުން ހުއްދަ ހޯދުމަކަށް ބޭނުމެއް ނުވާނެއެވެ. އަދި ދަރަނި ވެރިޔާ ދަރަނި ނެގި މީހާގެ ގާތުން ހޯދުމަކަށް ބޭނުމެއް ނުވާނެއެވެ.

1- މުސްލިމުންގެ ބިމެއްގެ ގޮތުގައި ކުރީގައި އޮތް އެއްވެސް ބިމެއްގެ ކައިވަތެއްގެ މިންވަރުވެސް ކުއްފާރުންގެ އަތުގައި އޮތްހާ ހިނދަކުު ހުރިހާ މުސްލިމުންގެ ބޮލުގައި ފާފަ ވެރިކަން ވަނީ އެޅިފައެވެ. 2- އަދި މި ފާފައިގެ މިންގަނޑު މީހާގެ ޤާބިލިއްޔަތާއި ބާރުގެ މިނުން ތަފާތު ވާނެއެވެ. ޢިލްމުވެރިންގެ ނުވަތަ ވެރީން ނުވަތަ މުޖްތަމަޢްތެރޭގައި މަޝްހޫރުވެފައިފާ ދާޢީން(އިސްލާމް ދީނަށް ދަޢުވަތު ދޭ މީހުން)، އާދައިގެ އާންމު މުސްލިމުންނަށް ވުރެ ބޮޑަށް މިކަމުގައި ފާފަވެރިވާނެއެވެ. 3- މިއަދުގެ މިޖީލު އަފްޣާނިސްތާނަށާއި ފަލަސްޠީނަށާއި ފިލިޕީންސްއަށާއި ކަޝްމީރަށާއި ލުބުނާނަށާއި އެރިޓްރިޔާ އާއި ދިމާލަށް (ޖިހާދު ކުރުމަށްޓަކައި) ނުދާ ކަމަށްޓަކައި އެމީހުންގެ މައްޗަށް ވާ ފާފަވެރިކަން، މުސްލިމުންގެ އަތުން ބީވެގޮސް ކުއްފާރުންގެ އަތަށް މާކުރިން ގޮސްފައިވާ މުސްލިމު ބިންތަކުގެ ސަބަބުން ވެފައިވާ ފާފަވެރިކަމަށް ވުރެ މާބޮޑުވެގެންވެއެވެ.

މިއަދު އަހަރެމެންގެ ހުރިހާ ވިސްނުމެއް ދޭންޖެހޭނީ އަފްޣާނިސްތާނަށާއި ފަލަސްޠީނަށެވެ. އެހެނީ އެއީ މިއަދު އަހަރެމެންގެ އެންމެ ފުރަތަމަ ވާޖިބެވެ. އަދި މީގެ އިތުރުން އަހަރެމެންގެ މައްޗަށް ވެރިވެގަނެފައިވާ ޢަދުއްވުންނަކީ ވަރަށްވެސް ހީލަތްތެރި ބައެކެވެ. އެގޮތުން އެމީހުން އެސަރަހައްދު ތަކުގައި އެމީހުންގެ ބާރު ގަދަކުރުމަށްޓަކައި އެތައް ކަންތައްތަކެއް ކުރެއެވެ. އަދި އަހަރެމެންނަށް މި އުނދަގޫ ޙާލު ޙައްލު ކުރެވިއްޖެ ނަމަ، ބޮޑު އުނދަގޫ އެތައް މައްސަލަތަކެއް ޙައްލުވެގެންދާނެއެވެ. އެތަންތަން ރައްކައުތެރި ކުރުމަކީ މުޅިސަރަހައްދު ރައްކައުތެރި ކުރުމެވެ.

- ޝައިޚް ޢަބްދުﷲ ޢައްޒާމްގެ ބަސް ނިމުނީ -

އެހެންކަމުން ޙައްޤު މީސަތަކުންނަށް ބަޔާން ކޮށްދިނުމުގައި ﷲ ފިޔަވައި އެހެން އެއްވެސް ފަރާތެއްދެކެ ބިރު ނުގަންނާށެވެ! ހަމައެކަނި ﷲ އަށް ބިރުވެތިވާށެވެ! އެމެރިކާ އާއި އޭގެ އަޢްވާނުންނާއި ނަރަކަ ބަލަހައްޓަވާ އެންމެ މަލާއިކަތަކާއިވެސް ނުބައްދަލުވާނެއެވެ. އަދި ޙައްޤު ބަޔާން ކޮށްދީގެން ދުނިޔޭގައި މުޅި ޢުމުރު، ޖަލުގައި ހޭދަކުރަން ޖެހުންވެސް މާދަމާ ޖަހަންނަމައިގެ އަލިފާން ކެއުމަށްވުރެ މާހެޔޮ ވެގެންވެއެވެ. މިއަދު ދުނިޔޭގެ ކަންކޮޅުތަކުގައި މުޖާހިދުން އެބައިމީހުން، ނުހަނު ޢަދަދުން މަދު ހިނދުގައިވެސް އެެންމެ ބާރު ގަދަކަމަށް ދަޢްވާކުރި އެމެރިކާ އާއި އޭގެ އަޢްވާނުންތައް ބަލި ކުރަމުންދާ ގޮތް ފެންނަ ހިނދުގައިވެސް، އޭގެ މޭވާ ދޮންވެ ފައްކައުވުމުން ކެއުމަށްޓަކައި އަދިވެސް މަޑުކުރަންވީ ހެއްޔެވެ؟ މުޖާހިދުން ކުރަމުންގެންދާ މިންނެތް މަސައްކަތުގެ އަގު ވަޒަން ކޮށްލެވޭނީ ތިބާ ވެސް އެފަދަ މައިދާނަކަށް ދިޔަ ދުވަހަކުންނެވެ. އޭރުން މުޖާހިދެއްގެ ޢަމަލާއި އެއްވަރުވެގެންވާ އެހެން އެއްވެސް ޢަމަލެއް ނުވާކަމަށް ނަބީ (صلى الله عليه وسلم) ޙަދީޡް ކުރެއްވި ޙަދީޡްގެ ބުރަދަން އިޙްސާސްކޮށްލެވޭނެއެވެ. އަދި އިށީނދެ ތިބޭ މީހުންނާއި ﷲގެ މަގުގައި ކޮޅަށް ތެދުވާ މީހުންނާއި އެއްވަރު ނުވާނެކަން ﷲ ވަޙީކުރެއްވި އާޔަތްތަކުގެ ބުރަދަން އިޙްސާސްކޮށްލެވޭނެއެވެ.

އަހަރެމެންގެ ދުޢާ އަކީ ﷲ ތަޢާލާ އަހަރެމެންނަށް ޙައްޤު، ޙައްޤު ގޮތުގައި ދައްކަވާ، ޙައްޤަށް ތަބަޢުވުމުގެ ތައުފީޤު އަހަރެމެންނަށް މިންވަރު ކޮށްދެއްވެވުމެވެ. އަދި ބާޠިލް، ބާޠިލް ގޮތުގައި ދައްކަވާ, އޭގެން އެއްކިބާވުމުގެ ތައުފީޤް އަހަރެމެންނަށް ދެއްވެވުމެވެ. އަދި އަހަރެމެންނީ ޙައްޤަށް ވަޞިއްޔަތް ކޮށް ކެތްތެރިވުމަށް ވަޞިއްޔަތްކުރާ ބައެއް ކަމުގައި ލެއްވެވުމެވެ. އާމީން.

06 އޮކްޓޯބަރު 2009 -

www.click4islam.com