ދަންނާށެވެ. މިއީ އިއްޔެ މުޖާހިދުންކުރި ހަނގުރާމައިގެ ފޮނިމޭވާއެވެ.
ޣައްޒާގެ ފުނޑު ފުނޑުވެފައި އެވާ ޢިމާރާތްތަކާއި ކުނޑިތައްދަށުން، އަލިވިދުވަރެއް ފެނޭހެއްޔެވެ؟ ބަލާބެލުމަށް ފަނާވެ ވީރާނަވެފައިވާ ފަޅު ސަހަރެކެވެ. ނަމަވެސް ޣައްޒާއާއި ފަލަސްޠީނުގެ މުސްލިމުންކުރެ ތިބާ މިއަދު ސުވާލުކޮށްލާށެވެ. ޔަހޫދީ ޖަލުތަކުގައި ތިބި އަހަރެމެންގެ ލޮބުވެތި އުޚްތުންނާއި ޅަދަރިންތައް މިންޖުވުމުން ކުރެވޭ އިޙްސާސްއަކީ ކޮބައިތޯއެވެ؟
ދަންނާށެވެ. މިއީ އިއްޔެ މުޖާހިދުންކުރި ހަނގުރާމައިގެ ފޮނިމޭވާއެވެ. ދުނިޔެމަތީގެ ނަޞްރެވެ. ޖަލުގެ ތޭރިތަކުގެ ދަށުން އެތައް މުސްލިމަކަށް ދުނިޔެތެރެއަށް ނިކުމެ ހަމަނޭވާއެއްލައި މިނިވަންކަމުގެ އިޙްސާސްވެގެން ދިއުމެވެ. މައިންބަފައިންނާއި އަނބިދަރިންނާއި ބައްދަލުވެ ސަލާމްކޮށްލެވުމެވެ. އެއް ސުފުރާއެއްގައި ކައިބޮއި ހަދާލެވުމެވެ.
އެހެނަސް އަނެއްބަޔަކަށް މިއީ ފިތުނައެވެ. ލޭއޮހޮރުވުމާއި، ތަންތަން ސުންނާފަތިކުރުމެވެ. ހައްދުފަހަނަ އެޅުމާއި ޓެރަރިޒަމްއެވެ.
ފަހެ ބުއްދީގެ އަހުލުންނާއި މިނިވަނުން، އަދި ބަޔަކު ބުނީތީ ބުނިއެއްޗެއްއަހައިގެން ބުނިގޮތަކަށް ކުޑައަގަކަށް ވިކޭމީހުނާއި ހުރި ތަފާތު ޣައްޒާގެ މިހަނގުރާމައިން އުއްމަތަށް ދައްކުވާލަދީފިއެވެ.
