ރަސޫލާصلى الله عليه وسلمއަވަހާރަވިތާ މަދު އަހަރުތަކެއް ވޭތުވުމަށްފަހު، ޢާއިޝާرضي الله ވިދާޅުވިއެވެ
"ހަމަކަށަވަރުން އަންހެނުން މިއަދު އުފައްދާފައިވާ ކަންތައް ﷲ ގެ ރަސޫލާ صلى الله عليه وسلم ދެކެވަޑައިގަތްނަމަ ފަހެ ބަނީ އިސްރާއީލުގެ އަންހެނުންނަށް މިސްކިތަށް ދިޔުން މަނާކުރެވުނު ފަދައިން އެއަންހެނުންނަށްވެސް މިސްކިތް މަނާކުރެއްވީހެވެ! "
📚 ބުޚާރީއާއި މުސްލިމް 📚
◾އިބްނުލް މުބާރަކު (181ހ) ވިދާޅުވިއެވެ:
"ދެޢީދުގައި އަންހެނުން ނިކުތުމަށް މިއަދު އަހަރެން ނުރުހެމެވެ. ދެންފަހެ އަންހެނާ ނިކުންނަން ކޮންމެހެންވެސް ޤަޞްދުކޮށްފިނަމަ ޒީނަތެއްނެތް އާދައިގެ ދެރަވަރު ހެދުން ލައިގެން ނިކުތުމަށް އެއަންހެނާގެ ފިރިމީހާ، އެއަންހެނާއަށް ހުއްދަދޭށެވެ! އަދި އެއަންހެނާ ޒީނަތްތެރިނުވާހުށިކަމެވެ!
ދެން އެގޮތަށް ނިކުތުމަށް އެއަންހެނާ ދެކޮޅުހަދައިފިނަމަ ފަހެ ފިރިމީހާ އެއަންހެނާ ނިކުތުން މަނާކުރާށެވެ!"
📖 ސުނަނުއް ތިރްމިޛީ 📖
◾ދެޢީދުގައި އަންހެނުން ނިކުތުމާއި ބެހޭގޮތުން އިމާމް އަޙްމަދުއާއި ސުވާލުކުރެވުމުން ވިދާޅުވިއެވެ:
"އަހަރުމެންގެ މިޒަމާނުގައި އެފަދައިން ކަންތައްކުރުން އަހަރެންނަށް ކަމަކުނުދެއެވެ. އެހެނީ އެވެރިންނަކީ ފިތުނައެކެވެ! "
📖 މަސާއިލު ޢަބްދުﷲ 📖
◾އަބޫބަކުރު އަލްއާޖުއްރީ (360ހ) ވިދާޅުވިއެވެ:
"ޒީނަތްތެރިކަމާއި، ހުވަނދާއި، ފިތުނަވެރިވާ ޒާތުގެ ކަންކަން އެކުލެވޭ ގޮތަށް އަންހެނުން ނިކުތުން ޢީދުގައިވެސް މަނާކުރާހުށިކަމެވެ!
މިޒަމާނުގައި އަންހެނުން ނިކުތުން މަނާކުރެވުމަކީ އެއަންހެނުންނަށްވެސް އަދި ފިރިހެނުންނަށްވެސް އެތައް ގޮތަކުން އެންމެ ފައިދާ ހުރި ގޮތެވެ."
📖 އަލްފުރޫޢު ލިއިބްނި މުފްލިޙު 📖
🔹އިބްނު ޢުމަރުއާއި، ތާބިޢީންގެ އިމާމުންކަމުގައިވާ ޤާސިމް ބްނު މުޙައްމަދުއާއި، ޢުރްވަތު ބްނުއް ޒުބައިރުއާއި، އިބްރާހީމް އައްނަޚަޢީފަދަ ބޭކަލުން ޢީދެއްގައިވެސް އެބޭކަލުންގެ އަނބިކަނބަލުންނާއި ދަރިދަރި ކަނބަލުން ނުނެރުއްވައެވެ.
📖 މުޞައްނަފު އިބްނު އަބީ ޝައިބާ 📖
✍🏽 މުއުމިން އަންހެންތަކުންގެ ނަމޫނާ ޢާއިޝާ رضي الله عنها އެދުވަސްވަރު އެހެން ވިދާޅުވިނަމަ، އަދި އޭގެ ފަހުން އައި ސަލަފުންގެ ބޭކަލުން މިހެން ވިދާޅުވި ހިނދު، އަދި މިއީ ހަމައެކަނި އަޅުކަމެއް އަދާކުރުމަށް އަދި ދީނީ ޝިޢާރެއްގައި ބައިވެރިވުމަށް އަދި އެންމެ މާތް ޠާހިރު ތަންތަންކަމުގައިވާ މިސްކިތްތަކަށް ދިޔުމާއިމެދު ބަސްފުޅުތައް ހުރިގޮތްކަމުގައިވާނަމަ،
ދެންފަހެ އަހަރުމެންގެ މިޒަމާނާ އެބޭކަލުން ބައްދަލުވެއްޖެނަމަ ވިދާޅުވާނޭ އެއްޗެއް ތަޞައްވަރުކޮށްލެވޭނެ ނަމައެވެ!
އިސްލާމްދީނުގެ ބީރައްޓެހިކަމާއެވެ!
